~ملكتي قلبي ياملاكي~

20

~ بيت ام نادر ~
دقت ام نادر على ولدها عبدالوهاب وقالت له يجيها سكرت منه وبعد نص ساعه جا عبدالوهاب وقال:" سمي يمه قلتي لي عندتس موضوع وش هو" قالت:" ابد بس نادروه يبي اخت خويه " قال عبدالوهاب بااستغراب:" منهي بنته؟" قالت:" بنت ال خاسر العنود اخت سعود" قال:" مدامها من بنات ال خاسر اجل تم كلمي امهم ومايصير خاطره الا الطيب نادروه" بالفعل رفعت جوالها ودقت على الجوهره بعد عدت دقايق ردت الجوهره وقالت:" المعذره يام نادر بس ولله كنت مشغوله مع العنود بنتي" قالت جهير :" مدامها عندتس اجل بقول لتس شي" قالت الجوهره بااستغراب:" عسى ماشر وش هو؟" قالت جهير :" ابد بس نبي القرب منكم يااوخيتي" شهقت الجوهره وقالت:" ها حياكم الله حياكم الله "

~ قصر الجد متعب~
سكرت الجوهره من جهير ورفعت نظرها العنود وقالت:" عسى ماشر جده وش تبي ام خوي سعود؟ " ضحكت الجوهره وقالت:" بدال لاتتلقفين روحي نادي امك وروحي تجهزي ام نادر جايتنا " طلعت العنود وتفكررر بالحلو الي طلع لها قبل فتره راحت غرفة امها طقت الباب وقالت:" مامي جدتي تبيك روحي لها" بالفعل راحت سحر للجده الجوهره وطقت الباب وسمحت لها الجوهره بالدخول دخلت سحر وقالت:" سمي خالتي بغيتيني؟" قالت الجوهره :" اي بغيتك تخبرين ام خوي ولدتس سعود؟" قالت سحر:" اي ام ياخالتي اخوياه كثار" قالت الجوهره:" ام نادر ماتعرفينها؟" قالت سحر :" الا اعرفها بس وش فيها؟" قالت الجوهره:" ابد جايتن تخطب بنتتس لولدها نادر" قالت سحر بصدمه:" العنود؟ " قالت الجوهره:" هالله هالله ومن الصدمه قلت حياكم الله انتي روحي الحين وكلمي خويلد واذا عارض قولي لي اقول ل ابوه نادر وش زينه ورجال وسمعته زينه ليه نرده" قالت سحر :" اكيد اكيد ياخالتي بس العنود ياخوفي ماتوافق حتى لو مابينهم شي هو ياخالتي دكتور مع سعود والعنود توها طالبه بالجامعه ماضنتي بتوافق" قالت الجوهره:" لاتسبقين الاحداث روحي كلمي خالد وخلي خالد يكلمها ونشوف وش بتقول" هزت راسها سحر وطلعت

~ حديقة قصر الجد متعب ~
كانت ملاك جالسه بالجلسه وتحط مناكير بااظافرها واحطه سبيكرتكلم رَيلام تعلمها وش صار امس بالليل بعد نص ساعه تقريباً طلع صقر من الفله واهو مستوعب الي سواه ل ملاك امس وقعد يدورها بكل مكان ومالقاها وتوقع انها بالحديقه ف لما طلع لفت انتباهه ملاك واهي تكلم وتقول :" ولله اني رحت عشان اقول له طاح الحطب لكن من بعد كلامه زاد النار حطب ومعد بحاول اصلح الي بينا " قالت رَيلام :" طيب قلتيها كان نايم اعذريه بعدين انتي اكثثثر وحده اذا نمتي واحد صحاك بتجرحينه بالكلام وصقر واضح نفس شخصيتك لانه قال نفس كلامك اذا احد صحاك اعذريه ياملاك وحاولـ" قاطع مكالمتهم صقر واهو يمشي ناحية البوابه واهو يقول :" قالت لك اعذريه عاد انتي اذا ماعذرتيه بتزيدين النـ" قاطعته ملاك واهي تسكر من رَيلام وتقول :" صقر تعال تكفى لاتطلع " ضحك ضحكه خفيفه ولف عليها وعدل وجهه لملامح جديه وقال:" ليه مااطلع وانا جالس ببيت ماغير يجرحون فيني بسببك؟ قولي لي ليه تبيني اجلس وانتي ماغير تجرحيني حتى وانتي ساكته؟ " قامت ملاك من مكانها وراحت لعنده وحضنته وقالت:" ولله اسفه على كل كلمه قالوها بس انت جرحتني واهم ماقالو شي غلط قالو الصدق بس انسى الموضوع خلاص ولله تعبت" ضحك صقر من حس بدموعها بتيشرته رفع راسها ومسح دموعها وقال:" خلاص خلاص طاح الحطب بس لاتبكين" ضحكت ملاك ورجعت لحضنه واهي تقول ": وحشتني مره" طلع بهاج واهو مسسستانس وقال:" اخييييررااً تراضييتوو بس تبون الصدق كنت مرتاح لما كنتو متهاوشين" عقد حواجبه صقر وقال :" خير ان شاءالله وش هالكلام" قالت ملاك:" بهاجوه ترا بجلدك خير؟" قال بهاج واهو يضحك:" وانا صادق محد كان يتعذب بمقالبكم غيري " ضحكت ملاك وقالت:" اذا تقصد المقالب تستاهل على كل مقلب تقوله" ضحك بهاج واهو يقوم ويقول :" يلا عاد يارب اخر هوشه بينكم خبببصتو البيت خبص " راح بهاج ولف صقر على ملاك وقال:" تبين نطلع؟" قالت ملاك:" لا مالي خلق ل اي شي ابي اروح انام وبس" بالفعل راحت ملاك لغرفتها وجت بتنام لكن دخلت اثير عليها واهي تصرخ وتقول :" تخييللليييي" قالت ملاك:" ها وشو" قالت اثير:" العنود جوها خططااببب" فزت ملاك وقالت:" احلللففييي ميين هو" قالت اثير :" مدريييي بس سمعت جدتي تقوله لجدتي "