~ملكتي قلبي ياملاكي~

51

بعد مرور ثلاث اشهر
~ خلال الثلاث اشهر الي راحت~
محاولات خيّال باارضاء ملاك
محاولات اثير والعنود واخوان ملاك بارضاء ملاك

~ الصبح~
صحت ملاك وراحت للحمام(الله يكرمكم) وتروشت وسوت السكن كير حقها طلعت سوت شعرها وتوجهت لقسمها عشان تاخذ كم غرض لها عشان بتطلع لموعدها دخلت لقسمهم هي وخيّال وفتحت المصعد ورقت فوق للغرفه دخلتها وعقدت حواجبها من شافتها محوسه (مبعثره) مره والعطورات والاغراض على الارض تنهدت وبدت تنظفهم بدون لا احد يعرف رتبت الاغراض واهي منننكسره وكل ماتتذكر كلام هديل وتبريرات خيّال ماتدري وش تسوي خلصت ترتيب الغرفه وجلست على الكنبه حقت الغرفه تناظر بطنها الي برز بشكل كبير لانها دخلت شهرها السادس وللحين ماعرفت جنس التوأم تبي لما تتراضى هي وخيّال وتفهم السالفه زين قامت من على الكنبه من حست انها خلاص بتبكي اخذت اغراضها الي تبيها ولبست لابكوتها الجديد الي شرته بسبب ان حقها كان من قبل لاتحمل وطلعت متوجهه للجامعه دخلت لقسم الجد وسلمت على جدها وجدتها وقال الجد:" اجلسي افطري" ناظرت خيّال وقالت:" لا متاخره مره على المحاضره" هي من تهاوشو واهي تتهرب من كل مكان هو فيه قال الجد:" المحاضره مب طايره اجلسي افطري" جلست ملاك جنب خيّال غصب عنها قال خيّال لما تاكد انها مستحيل تقوم من عنده:" جدي ترا الفجرعندي مهمه ومدري متى برجع" شهقت ملاك وقعدت تكح لانها غصت باللقمه ضربت اثير ظهرها بخفه ولما هدت قالت الجده:" الحين مب مفروض انتس ماتداومين عشانتس حامل وتعبانه" قالت ملاك واهي تاكل:" لا عادي من حملت وانا اروح الجامعه عادي مافيها شي واذا تعبت فيه فراس ولد خميس ولد عمي علي بياخذني" قال خيّال:" اظن انك زوجتي مب زوجة فراس" جت بتتكلم ملاك لكن قاطعها هزاع من حس انها بتشب بينهم لان كل ماتقابلو هاذيك الفتره واهم يتهاوشون وتزيد الزعله قال هزاع:" خيّال بس وانتي بعد بس احترمو جدي وجدتي وابوي وعماني" قامت ملاك واخذت اللابكوت وجت بتطلع لكن قال الجد:" ملاك الحقيني للخيمه جايتس الحين " هزت راسها ملاك بالايجاب وراحت للخيمه دخلت وجاها الجد وقال:" اجلسي وانا جدك" قالت:" مايحتاج ياجدي انا مرتاحه وانا واقفه" قال الجد:" اجلسي انتي وبطنتس اجلسي" ضحكت ملاك وجلست عنده قال الجد:" للحين غابنتس الموضوع؟ ماتحسينه طول" قالت ملاك:" لا جدي مااحسه طول خيّال خبى علي موضوع انه قد خطبها وانه حبها واهو كان يقول لي اني انا حب طفولته كيف الحين تجي هاذي وتقول انها كانت خطيبته" قال الجد:" الحين مب ويليام كان بيجي يخطبتس من سعد " قالت:" الا بس" قال:" بدون بس خيّال خطبها عشان وقتها فقد الامل ان سعد يرجع حايل وترا يكون بعلمتس هو الي اقنعني ترجعون وتراه يحبتس من كل قلبه يابنتي شوفي انا ماتدخلت الا لما شفت حالتكم ودريت ان مهمته الفجر وترا ادري ان شرقتس الي بالفطور ماكانت عشانتس غاصه كانت عشانه بيروح" نزلت دموعها ملاك وقالت:" جدي لايروح تكفى" قال:" هاذا دوامه وغصب عنه يروح انتي الي مفروض الحين تروحين وتكلمينه وتنهون هالمشكله الي اشغلت كل الي بالقصر" قالت بضحكة توتر:" معرف وش اسوي انا" قال الجد بضحكه :" قومي من وجهي بسرعه ولايجي المغرب الا وانتي مراضيته فهمتي ذا ابو عيالتس يابنتي" هزت راسها وقامت تبوس راسه وجت بتطلع قام قال بضحكه:" ولله شكلتس يضحك نتفه وقصيره ولها بطن هاذا كبره" قالت ملاك:" جدي مايضحك ترا كله من حفيدك" قال الجد:" كفو عليه كفو" ضحكت وطلعت ركبت سيارتها وحركت للجامعه دخلت الجامعه وشافت اثير والبنات جالسين تقدمت عندهم وقالت اميره:" يناااسو على الكروشه" قالت ملاك:" ترا بفصل عليك تكفين" مدت يدها اثير وقالت:" بساعدك تجلسين امشي" قربت ملاك وجلست قالت بحلطمه:" اف ولله تعبت تكفون احد ياخذهم" قالت ريما:" حلاو هم عشان ناخذهم" قالت جنى:" الا خلينا من حملك سمعنا ان خيّال بيروح مهمه وانتو متهاوشين" قالت اميره:" ملاك ياقلبي لاتصدقينها كم مره قعدنا نحاول فيك تكفين" قالت اثير:" لاتحاولون انا وتُلى وتالا والعنود انبحت حلوقنا واحنا نقنعها" فركت يدينها ملاك وقعدت تناظر يمين يسار وصرخت رَيلام وقالت :" احلللففي" قالت ملاك:" ولله" قالت تالا:" سلامات" قالت رَيلام:" مافهمتوووو" كلهم قالو بصوت واحد:" لا" قالت رَيلام:" بتراضيه اليوم" لفت ملاك على تُلى وقالت:" تكفين ساعديني اقوم" ساعدتها تُلى وقامت وراحت لرَيلام وقالت:" ابببوسك يشيخه اموت على الي يفهمني" قالت اثير:" طيب خلينا من انك بتراضينه اليوم خيّال حلف لصقر انه مايرضى ومابيرضى " قالت جنى:" وانتي شعرفك" قالت اثير:" كلم صقر وصقر قال لي" قالت ملاك:" بالطقاق اجل كنسل اني اطلع من الجامعه بدري اليوم" جت بتتكلم اميره لكن ملاك ساعدت نفسها بالقوم وقامت واشرت لفراس وقف فراس وقرب منها وقالت:" سلام" قال:" ياهلا شخبارك" قالت:" بخيييير"