~ملكتي قلبي ياملاكي~

52

~الليل~
خلص يوم ملاك وخيّال ورجعو البيت ونامو ولما جت الساعه 2 صحى خيّال عشان يجهز اغراضه بعد مده صحت ملاك وماشافت خيّال بجنبها قامت مرتاعه تحسبه راح دخلت غرفة الملابس وشافها خيّال كيف خايفه قرب منها وحضنها وقال:" بسم الله عليك شفيك ياعيوني" قالت:" خفت انك رحت ولا ودعتني" قال:" اخسي اخسي وانا ولد خالد اروح ولا اودع وابوس حرمي" قالت:" تكفى" قال:" ملاكي وش قلنا مو قلنا انك بتقعدين عند عمي سعد لما ارجع وانها مو اول مره اروح انا واذا صار لي شي تقوين نفسك وتقوين العايله؟" قالت:" بس " قال:" بدون بس الحين انا بجهز اغراضي وانتي ارجعي نامي واساساً انا قلت لهم اني بجيكم اذا وصلتك للجامعه زين كذا ولا؟" قالت:" اي" رجعت تنام وبعد مده خلص خيّال ورجع ينام جنبها لما يجي الصبح بعد مده طططووووييله صحت ملاك وشافته للان نايم قامت وراحت للحمام(الله يكرمكم) وتروشت وسوت السكن كير حقها وطلعت لغرفة الملابس لبست السكراب وطلعت وشافت خيّال طالع من الحمام(الله يكرمكم) لبس بدلته وقال:" يلا ننزل نفطر" قالت:" يلا" نزلو ودخلو قسم الجد وقال الجد:" بتروح الحين" قال خيّال:" باذن الله عاد لا اوصيكم حطو مرتي بعيونكم وحافظو عليها ولاتزعلونها فهمتو" قال سعود:" يييععع خيّال مب لايق عليك هالكلام" قال صقر:" تشوف" قال هزاع:" انت لاتسوي فيها تراك متزوج" تنحنح صقر وقال:" اي صح" قال خيّال:" باللللجججبببهه" قال صقر:" انا بنطم عشان مرتي اختك" ارسل خيّال بوسه ل اثير الي جنب صقر وردتها له اثير قال صقر:" بس انت وياها" قال خيّال:" الرجل الشرقي الغيييور" قال صقر:" ترد كلمة امس" هز راسه خيّال بالايجاب وقال متعب:" خلاص كل واحد ياكل واهو ساكت" قال نياف:" اف من مزعل جدي" قال متعب:" محد مزعلني" قام متعب وجت بتقوم الجده الجوهره بس قالت ملاك:" خليك انا بروح له" قامت ملاك بمساعدة خيّال وهمس لها خيّال:" بدون دموع زي مااتفقنا" هزت راسها وراحت للجد رفع راسه الجد من شاف ملاك داخله للخيمه عنده قالت:" افا افا مين مزعل تعوبي مين" ابتسم من نادته بتعوبي وقال:" منيب زعلان بس تعرفين اعز احفادي بيروح لمهمته وضايق خلقي شوي" قالت:" تعوبي خيّال مو اول مره يروح وماعليك بيرجع هو ولا يهمك على ضمانتي" قال عشان يغير الموضوع :" اي وش تسميني" قالت:" تعوبي" ضحك بعلو صوته وقالت:" اييييوا كذا ابيك تضحك" قال:" الله يحفظتس لي" قالت:" امين يلا قوم نرجع لهم" قام معها وطلعو للصاله عقدت حواجبها ملاك من ماشافت خيّال لفت على العنود وقالت بنبره مهزوزه:" راح؟" قالت العنود:" قال اذا رجعت ملاك خل تمر على القسم انا حاط لها شي ويقول استودعتك الله يانظر عيني" طلعت ملاك من القسم واهي تبكي فتحت القسم وشافته جالس على الكنب رفع راسه خيّال وقال:" افا افا ليه كل هالدموع" حضنته وقالت:" العنود تقول انك رحت " قال:" انا قلت لها بس ماتوقعتك تبكين افا وانا ابو الكاسر تنزل منك دمعه " قالت ملاك:" بيكون معك جوال" قال:" لا ياعين ابوي انتي" هزت راسها بالايجاب وقالت:" يلا نروح" مسك يدها وطلعو للسياره متوجهين لمقر خيّال للمهمه وصلو للمقر ونزلو شافت ملاك كل عسكري مع زوجته والي جالس مع اخوياه لانه ماتزوج شافت ملاك هزاع ونياف وصقر واقفين عشان يودعون العساكر ويودعون خيّال مسك يدها خيّال ودخلو للغرفه عشان يوقع خيّال وقع وطلعو حضنته ملاك وبدت تبكي بحضنه باانهيار كان شاد عليها خيّال شافهم هزاع وجاء لهم قال لخيّال:" معيه تفكك؟" هز راسه خيّال بالايجاب ومسكها هزاع يحاول يبعدها عن خيّال لكنها متمسكه فيه بااقوى ماعندها وكانها تفضح عن حبها وتعلقها فيه جو صقر ونياف وقعدو يقنعونها لكن كانت ماتكلمهم وبس تبكي بحضنه واهو شاد عليها وسااكت كان نياف يقول لخيّال :" فكها ياخيّال فكها وروح تراك تاخرت" كان خيّال يناظر نياف وكانه يقول له ان ماوده يروح ويخليها مسك صقر ملاك وبعدها عنه بالغصب وحضنها وقال:" بيرجع ماعليك ولله بيرجع تشوفين" كانت ملاك ساكته قال نياف موجه كلامه لخيّال:" ليه جبتها ؟" قال خيّال:" ماقدرت احطها بالجامعه واروح" قام صقر وبعد عن ملاك وحضن خيّال وقال:" استودعناك الله ياخوي ترجع لنا سالم غانم ومتاكد انكم بتخلصونها قبل المده المحدده" بعد عنه خيّال وقال صقر:" يلا انا بروح وبودي ملاك للجامعه " قامو ولما جو يطلعون ركض خيّال وحضنها وقال:" ماقلتي استودعتك الله" كملت معه الحضن وقعدت تبكي وقال هزاع لنياف:" خلصنا من ملاك جاك ذا" قال نياف:" لاتلومه يوم يركض ترا مهمته الي بيروح لها اخطر من المهام القديمه" قال هزاع:" كيف" قال نياف:" هالمهمه بنسبة 20٪؜ ترجع سالم عشان كذا هو خايف لاتلومه" اشر صقر لنياف ان خيّال يبكي توسعت عيونه نياف وقرب عند خيّال وبعده عن ملاك وقال:" يلا تاخرت اركب الباص" قالت ملاك ببكاء:" استودعتك الله بتوحشني" ركب خيّال الباص وحضنت ملاك هزاع وقعدت تبكي وتترجى نياف يبدل خيّال ب اي احد ثاني مسك راسها صقر وقال:" انا مو وعدتك يرجع لك سالم قولي لي " هزت راسها بالايجاب وقال:" تكفين قطعتي قلبي بسك خلاص امشي نوصلك للجامعه" ركبو السياره وراحو للجامعه يوصلون ملاك نزلت ملاك ودخلت قابلتها اميره ركضت لها ملاك وتحضنها وتكرر راح راح راح وخلاني قالت اميره بخوف عليها:" ملاكي تكفين اهدي مايصلح لك عشانك حامل وخيّال راح لمهمه وبيرجع لك سالم متاكده انا ماعليك" بهاللحضه داخت ملاك صرخت اميره وشافها فراس وركض لها وفتح جواله يدق على عبدالعزيز رد عبدالعزيز وقال:" شفيك" قال فراس بخوف:" عزيز ملاك داخت وش نسوي صاحبتها هنا منهاره" قعد يعلمه عبدالعزيز وش الاشياء الي لازم يسويها عشان مايصير لها شي قوي والطلاب تجمعو حوالين ملاك وبهاللحضه وصل الاسعاف واخذو ملاك وجت معها اميره وتوجهو للمستشفى اتصلت اميره على اثير وقالت لها وجت اثير هي وابو ملاك وهزاع وصقر حضنت اميره اثير وقال سعد:" اميره بنتي شصار شلون داخت" قالت اميره :" لما وصلوها نياف وصقر وهزاع دخلت وشافتني وحضنتني وبكت وكانت تقول راح راح راح وخلاني وقلت لها انا ملاكي تكفين اهدي مايصلح لك عشانك حامل وخيّال راح لمهمه وبيرجع لك سالم متاكده انا ماعليك وماامداني اكمل كلامي الا اهي دايخه وشافنا فراس واهو الي تصرف" قال سعد:" ليه تودونها الجامعه واهي بهالحاله وانتو تعرفون انها متعلقه بخيّال؟" قال صقر:" قللللتتت لها ولله قلت لها يابوي انها تهدى بس ماتسمعني هاذا غير البكي الي بكته لما كنا عند خيّال" قال هزاع:" يبه متخيل حتى خيّال بكى اول مره خيّال يبكي بس مالومه ترا المهمه الي راح لها مهمه خطره واحتمال 20٪؜ انه يرجع سالم" صرخت اثير وقالت:" ايششش" بدت اثير تبكي بحضن اميره وناظر صقر ابوه وفهم سعد انه عادي لو يروح يهديها وافق سعد وراح صقر ل اثير وحضنها وقال:" بس ياعين ابوي انتي اهدي ماعليك بيرجع وان مارجع انا الي بروح وبرجعه لك وعد وانتي تعرفين خيّال كيف قوي ومستحيل يترك ملاكه هنا هي وعياله صح ولا لا علميني" هزت راسها اثير واميره كانت تشوف حنية صقر على اثير وكيف يهديها طلع الدكتور وقال:" ضغطها مرتفع جدا والحين هي بخير لكن خلوها عندنا تحت المراقبه" هز راسه سعد بالايجاب وقال:" عادي ادخل عندها يادكتور" وافق له الدكتور ودخل سعد وقرب من ملاك ومسك يدها وقال:" ماتوقعت انك متعلقه فيه بهالقد يابنتي الا يوم شفت دموعك عليه واهو عندك اوعدك انه بيرجع لك وبتشوفينه قدامك وعد" صحت ملاك وقالت:" صدق بشوفه قدامي" قام سعد وباس راسها وقال:" اي اوعدك " قالت:" وحشني" دخل صقر ومعه اثير واميره وهزاع دخلو وقال صقر واهو يضحك:" امدددداااك تشتاقين له" قال هزاع:" سويتي كل ذا يوم اروح" قالت اثير:" ولا طقت لك خبر" قال هزاع:" اييي عشانه خيّالوه بكيتي ولا انا مابكييتيي" قال سعد:" خلاص لاتحارشونها" دخلت البندري ومعها سحر حضنت ملاك وقالت :" شفيك شفيك ياروح امك شفيك" لفت البندري على سعد وقالت:" انطق شفيها بنتي" ضحكت ملاك وقالت:" ماما مافيني شي ولله بس ضغطي ارتفع ولله مافيني شي" لف سعد على هزاع وصقر وقال:" من منكم علمها بسرعه انطقو" قال هزاع:" صقير مب انا" قال سعد:" انت ماينربط لسانك؟" قالت ملاك:" ام زكي ماتتوب" قال صقر:"شسوي ماقدرت" قالت البندري:" خلو وليدي بحاله" قال سعد:" انا بطلع انا والعيال تاخذون راحتكم" طلعو وقالت سحر:" كل ذا عشان خيّال" هزت راسها ملاك وقالت:" احبه ياخاله" قالت سحر:" واهو يعشققققك ولله مابقى شي ماوصاني عليه قبل يروح" قالت اثير:" حتى انا والعنود جانا وصانا" قالت البندري:" حتى انا جاني ووصاني بعد" قالت اميره:" حتى انا جا كلمني امس" ابتسمت ملاك تشوف حنيته باافعاله