~ملكتي قلبي ياملاكي~

32

~ الصباح~
صحت ملاك مرووققه وروقانها مو نفس العاده دخلت تتروش وسوت السكن كير حقها وطلعت لبست مريولها ونزلت تحت عشان تفطر جلست على الطاوله وتوها بتاكل الا تكلم سعود وقال:" غريبببه ملاك واثير بتداومون!" قالت اثير :" على طاري الدوام بروح اتصل على عمه اميره اسالها تُلى وتالا بيداومون ولا لا " قالت ملاك:" اي تكفين من رجعو بيتهم واحنا طفش" نزل بهالحضه خيّال وكان منننفس جلس على الكرسي المقابل لعمته نهى عكس مكانه الاساسي توسعت عيون ملاك بس ماعطته ولا نظره وتجاهلت حركته وكملت اكل لانها ماتبي تخرب روقانها التفتت للجد من تكلم وقال:" ملاكي ابيك بعد شوي " قالت ملاك :" ابشر " بعد الفطور قامو الكل وجو البنات يطلعون قالت ملاك :" اصبري انا بروح لجدي " راحت ملاك للجد والبنات ركبو السياره عشان يروحون للمدرسه

~ غرفة الجد ~
طقت ملاك الباب وسمح لها الجد بالدخول دخلت وجلست قدام الجد وقال لها :" الف مبروك يابنيتي " قالت :" الله يبارك فيك ياجدي" قال:" بعد المدرسه وين بتررحين؟" توترت ملاك لانها كانت بتروح لعمها دخل بهالوقت سعود ولحق عليها وقال:" باخذها معي ياجدي بتحلل تحليل دم" قال الجد :" كنت احسب بتروحين مع خيّال" قالت:" لا لا ياجدي مابي اروح معه" ضحك الجد وقال:" وليه؟" قالت:" مدري ياجدي مابي اروح معه" قال الجد :" على خير ان شاءالله يلا روحي للدوام" قامت ملاك وباست راس جدها وطلعت وبقى سعود مع الجد

~ السور الخارجي ~
طلعت ملاك للسور عشان تركب السياره مع البنات وكانت تشوف تاشير البنات للي وراها لكن مااستوعبت لما انمسكت من كتوفها لفت وشافت انه خيّال قالت:" نعم!" قال:" امشي انا بوصلك" قالت:" لا مايحتاج ابي اروح مع البنات" قال:" فيه حسابات ابي اقفلها معكك امشي" هزت راسها بالنفي مسكها مع كتوفها وقال:" قلت تعالي" سحبها معه للسياره تحت طلبها للنجده من البنات ركبت السياره وكانت معصبببه ركب وكان يناديها واهي مطنشته عناداً فيه قال بعصبيه:" اول شي ترا انتي الغلطانه ثاني شي انا الغلطان الي خذتك عشان اونسك واغيبك عن المدرسه" ناظرته ملاك وقالت:" غلطت باايش انا!" قال:" امس توها متملكين تقومين تسكرين بوجهي وتقولين ابي البنات!" قالت:" طيب وش فيها لو قلت ابي البنات بعدين امس كله كنت معك اهجد بس" قال:" مين الي يهجد؟" قالت:" انت" قال:" اجل انزلي" قالت عشان تستفزه:" تمام بنزل وبركب مع سعود" ناظرها وقال بعصبيه:" ولله ان نزلتي وركبتي معه لاافجر فيك" رفعت سبابتها وقالت:" عشان ثاني مره ماتستقوي وتقول انزلي" قال:" نزلي اصبعك بس" قالت بااستفزاز:" واذا مانزلته؟" قال:" بنزله لك" قالت :" ماتقدر" قال:" انا بنزل نسيت شي بغرفتي" طنشته ملاك وفتحت جوالها لكن فزت ونزلت من السياره من شافت سجى تتقدم لخيّال الي لاهي بجواله ركضت لعند خيّال وشبكت يدها بيده رفع نظره لملاك وقال:" خير!" قالت بصوت عالي:" حبيبي مقدر اخليك تنزل لحالك تعرف تونا متملكين لازم اكون معك اكثر لان العيون عليك صايره واجد " قالت سجى:" شقصدك!" قالت:" ابد مااقصدك بعدين ليه مارحتي مع اهلك؟" قالت سجى:" ليه جالسه فوق راسك انا!" قالت ملاك:" لا بس مناشبتني بحياتي وبحلالي حتى " قربت سجى من ملاك وحس خيّال ان الوضع بيشب وسحب ملاك ودخل لقسمه صرخت بوجهه ملاك وقالت:" لييييهه؟" قال:" تبيني اخليك عشان تاكلينها مع عظامها!" قالت ملاك:" تستاهل مايجيها شتبي انت وليه تدافع عنها" قال :" ماادافع ولا شي بس عشان شكلك مايخرب " راحت جلست على الكنب وقالت:" واضح واضح روح جيب اغراضك تاخرت على المدرسه" رقى لغرفته ولحقته ملاك ودخلت وراه الغرفه شافته يفتح الدرج وياخذ كبت الدخان صرخت وقالت:" للحين تدخن ولله ل افركش ابو الزواج " قال:" وليه هو خطبه! ترا خلاص صرتي ملكي حرم خيّالل" قالت:" والتبن" توسعت عيونه وقال:" وشو! عيدي الي قلتيه" قالت:" و ا ل ت ب ن " قرب منها وقال:" وش قلتي!" قالت:" يوه تعبت والتبن " قال :" اذلفي من قدامي لا افترسك " قالت:" يمه خفت وبعلم جدي ونياف وهزاع انكم انت واخواني وسعود ونواف تدخنون اوريك " توسعت عيونه وقال:" وش عرفك انتي!" قالت بضحكه جانبيه:" سر المهنه حياتي" قال:" صدق ولله! امشي قدامي بس" مشت قدامه واهي تضحك ضحك وقال بهمس:" وقسم اني ارضى لكل شي بس لعيون هالضحكه" صرخت واهي تاخذ شنطتها وتقول:" سمعتك ترااا" قال:" طيب سمعتيني مايحتاج تصارخين" ضحكت ومسكت يده وطلعو ركبو السياره ومشو جلست ملاك على جوالها لما توصل المدرسه التفت عليها خيّال وسحب الجوال بس الي ماتوقعه انها صرخت وقالت:" خييييييّال خير!" قال:" يمه وش هالصرخه" ضربته مع كتفه وقعد يتحسس مكان الضربه وناظرها وقال:" ترا تعور" قالت:" تستاهل وجيب الجوال" قال:" مين المهم عشان تكلمينه وانا عندك؟" قالت:" مااكلم قاعده العب وجيب الجوال خسرتني" سحبت منه الجوال وانصدم من شافها تربعت وبدت تلعب طنشها وكمل يسوق ولما جت تنزل لف عليها وقال :" معك فلوس؟ " هزت راسها بالايجاب واهي تخبي الجوال برجلها توسعت عيونه وقال:" جيبيه خير ؟" لفت عليه وقالت:" ابوي انت؟ لا مالك دخل" قال:" مو ابوك بس زوجك" قالت:" اي اي يلا باي" سحبت عليه ونزلت

~ المدرسه ~
البنات كلهم بالصف منتبهين للحصه دخلت ملاك وجلست بمكانها لفت عليها اثير وقالت بهمس:" ليه تاخرتي؟" قالت:" اخوك ذا بارد" قالت رَيلام :" اكششششخ صرتي تروحين مع الرجل بعد " قالت اثير:" لايغرك تراه ساحبها مننا" قالت جنى:" كيف؟" قالت ملاك:" كنت بروح معهم وجتني تم القبضه بس تخيـ" قاطعتها الاستاذه واهي تناظر ملاك وقالت:" الصصصوت خلوني اشرح " رفعت حاجبها وقالت:" كنك تقصديني؟" قالت كوثر:" ناظرتك يعني واضح انها تقصدك بلا غباء يالهطف" ناظرتها ملاك وقالت:" مين الهطف؟" قالت كوثر:" انتي" فزت اميره الي كانت حاطه راسها على الطاوله وقالت:" نعم!!" قالت نجود :" قامت قامت السكنيه" جت بتتكلم اميره لكن صرخت الاستاذه وقالت:"بسسس انتي وياها" قالت ملاك :" الوعد بالفسحه عاد واضح جلدك يحكك" كملت الاستاذه الشرحه وانتهت الثلاث الحصص مع بعض من المناقرات بين الشلتين

~ المستشفى ~
كانو يسولفون طبيعي دخل سعود وقال:" ها عمي جاهز نطلع اليوم؟" قال:" اي بالله اني جاهز بس خايف ابوي يصير له شي تعرف له سنوات يحسب اني ميت" قالت امل :" انا احس اننا نمهد له الموضوع لاتروح له كذا على طول" قال سعود :" وانا بعد رايي من راي خالتي" قال عبدالرحمن:" شرايكم انا اروح له منها ابارك لخيّال ومنها اقول لجدي" قال ابراهيم بااستغراب:" ليه تبارك له" قال سعود:" يوه نسيت اقول لك ياعمي خيّال تملك على ملاك بنت عمي سعد" قال:" ماشاءالله الف مبروكك بس ماكان ملاك صغيره على الزواج" قالت امل:" اف ياابراهيم لو تشوف كيف يتهاوشون كنهم توم وجيري" ضحك ابراهيم وقال:" الله يوفقهم يارب" كلهم قالو امين وقال سعود :" يلا ياعمي بروح اشوف المرضى الي عندي ووعدنا المغرب"