~ملكتي قلبي ياملاكي~

22

~ الاثنين~
اول ايام شهر رمضان المبارك ❤️

~ قصر الجد متعب~
صحو كل العوائل والبنات يساعدون امهاتهم وجدتهم والعاملات بالفطور ف المطبخ والعيال يساعدون ابوانهم وجدهم عند الحلال
قال سعود بتعب :" اخ ولله تكسرت وعطشان وكل شي فيني ابي ارجعع" قال صقر :" ولله جدي كل رمضان يسوي كذا فينا وكل رمضان نتعب نفس التعب ونتحلطم نفس الحلطمه خل عنك بس وكمل اشتغل" قال سعود:" انا مقدر بروح اقول لجدي برجع" قال نياف:" انثبر بس انثبر لاتشوف شي مايعجبك" قال خيّال:" اسحب عليه امش ولله حتى انا تعبت " قال هزاع:" اسف نياف بس ولله حتى انا تعبت الشمس حاره مره وصيام مقدر اكمل امشو عيال" قال نواف :" صح ابوي بيكرشنا بس ولله حتى انا تعبت بجي معكم" قال نياف :" انثبرو بس وكملو ترا مابقى لنا شي ونخلص خلاص" قالو بوقت واحد:" ياخي تعبنا خلاص " قال صقر:" بهاج خلك معي انا ونياف عشان اذا كرشهم جدي نستلمهم طقطقه" قال بهاج:" تمممم تمم" راحو العيال وبقى الثلاثه قعدو يكملون شغلهم شافهم خالد والتفت على سعد اخوه وقال:" شف شف جو يبون يرجعون وزي كل مره بينكرشون" جو العيال وقال سعود:" جدي بطلبك طلب ولاتردني" قال الجد واهو عارف وش مغازهم بهالجيه:" مافي رجعه وكملو شغل" تأفف نواف وقال:" كله من هالثنين يبه تكفى" قال سعد :" انا وخالد شدخلنا احنا نشتغل ولا تحلطمنا انتو الي تتحلطمون" قال هزاع:" يبه تكفى افزع لنا تكفى" هز راسه سعد بالنفي وقال:" هانت ترا كملو شغلكم" قال خالد:" ولله انكم هوالين ارجعو كملو شغل بس " قال خيّال :" يبه وقسم تكسرت ولله " لف على جده وجلس على ركبته مقابل الجد وقال:" جدي طلبتك تكفى خل نرجع ولله حر ولله" ناظر الجد خيّال وقال:" يلا خذو عفشكم خل نرجع" رفع حاجبه نواف وقال:" يبه الحين من اليوم نقنعك وانت معيي يوم جا ذا وافقت عليه" قال الجد:" ذا مو اسمه ذا هاذا اسمه خيّال والي يغلط عليه كنه يغلط علي" ضحك خيّال وباس راس جده وقال:" الله لايحرمني منك بس ياجدي" رجعو العيال لصقر والعيال وقال نياف :" ها مثل كل مره تروحون وتنكرشون امشو كملو بس" قال نواف:" اقول اقول قومو بنرجع" قال صقر بصدمه:" ها كيففف مين اقنع جدي" قال خيّال:" انا ومايعتبر اني اقنعته يعتبر اني طلبته طلب وجدي مايرده لي" قام بهاج وقال:" اذلف بالنرجسي بس ويلا قومو يعيال"

~ عند البنات بالمطبخ~
قالت اثير بتعب:" اف ولله تعبت متى يأذن" قالت ملاك:" انا مدري وش فايدة العاملات بالقصر ليه مايشتغلون معنا؟" قالت العنود :" الحين كل هالي يسوونه وتقولين مايشتغلون!" قالت ملاك:" اي مايشتغلون ولله ل اعلم جدي" حوقلت الجده الجوهره وقالت:" لاحول خليهم بحالهم لاتدورين عليهم الزله" قالت سجى:" ذي مابقى احد مادورت عليه الزله" ناظرتها ملاك بطرف عين وقالت:" انتي شدخلك حاشره خشمك بينا؟" رجعو العيال القصر ودخل خيّال المطبخ وتقدم واهو يناظر ملاك وباس راس جدته وقال:" جدتي تعببببتت تعبتت اليوم" جلس على ركبته وحط راسه على جدته الجالسه وبدت الجده تمسح على راسه وقالت:" شفيك ياعين جدتك من متعبك" تقدمت سحر وقالت:" هاو خيّال بسم الله عليك شبلاك" قال:" يمه جدي كرفنا كرفففف " قالت اثير بشماته:" هههاايييي احسن تستاهلون" رفع راسه خيّال وقال:" انتي شتبين؟" قالت تُلى :" ماعليك خيّال ترا قبل تجي بشوي هي وملاك كانو يتحلطمون من التعب" ضحك خيّال وقال:" يعني حالكم مثل حالنا" قالت ملاك :" مالك دخل" قالت سجى بدلع:" صدق تعبت خيّال" ناظرها خيّال بطرف عين وقام من مكانه وسحب عليها وطلع ضحكت ملاك وقالت:" تستاهلين خلي الغنج ينفعك " قالت البندري:" ملاك بس خلاص " زفرت ملاك وطلعت من المطبخ واهي مقهوره من خيّال ومن سجى مع ان خيّال ماله دخل بس تبي تحط حرتها فيه قابلها هزاع وقال:" وش في حبيبة اخوها من مضايقها" قالت ملاك :" مو متضايقه مقهوره من بنت عمتك الي ماتتسمى ومقهوره من خيّال مع انه سحب عليها" حضنها هزاع وقال:" ماعليك منهم لاتخربين صيامك" راح هزاع وقررت ملاك انها تروح للاسطبل مع ان باقي ساعه على الاذان راحت ل غرفة جدها وطقته سمح لها الجد بالدخول وجت بتتكلم لكن تراجعت من شافت خيّال عند الجد زفرت وقالت :" يوهه ذا عندك خلاص جدي بعدين بقول لك" قال خيّال واهو عارف انها قالت كذا عشانها مقهوره من سجى :" انا شدخلني ترا سحبت عليها ليه معصبه علي؟" قالت ملاك:" المهم انها كلمتك انت مو احد غيرك وع" قال الجد :" شفيكم خير" قال خيّال:" مدري شفيها دخلت المطبخ عند امي وجدتي وكلمتني سجى بنت عمتي اميره وذي شخصنت الموضوع " قال الجد:" من حقها تشخصن الموضوع " رفع حاجبه خيّال وقال:" وليه ياجدي ماسويت شي انا؟" قال الجد :" ماسويت شي بس كل شي ولا حفيدتي" تقدمت ملاك وحبت راس جدها وقالت:" احبك احببك ياااحلى جد " ناظرها خيّال وقال بتكشيره:" انننننننن امسي بس امسي" قالت ملاك:" مايخصك انت انا وجدي نحب بعض شتبي!" قال الجد:" خلو حبكم لبعض انا ماحب الا جوهرتي" قالت ملاك:" جدي انا ماحبببه" قال الجد:" الا تحبينه بلا كذب" ضحك خيّال وقال:" مفضوحه مفضوحه لاتحاولين" قامت ملاك من مكانها وقالت واهي تطلع:" الشرهه علي الي جالسه اسولف معكم" ضرب الجد راس خيّال وقال:" كله منك انقلع عن وجهي زعلت ملاكي" رفع حواجبه خيّال بصدمه وقال:" جدي انا مالي دخل انت زعلتها" قال الجد:" اقول اقول اذلف" طلع خيّال واهو يتحلطم قابله سعود وقال:" شبلاك تتحلطم؟" قال :" ابد ولله اليوم الكل مخليني انا الغلط وانا الي ازعل ملاك ومدري وش بعدين انت اذلف عني " دخل سعود على الجد وقال:" وش بلاه خيّال يتحلطم؟"قال الجد :" مدري عنه "

~ المغرب~
اجتمعو كلهم على طاولة الطعام عشان الفطور دخل نياف مع زوجته وبنته وفزت ملاك خذت روح من يد منيره وقعدت تبوس خد روح وتقول :" ياربيييي حبيبي مره وحشتييينيي" قالت روح:" انا اكثثثر تدرين ملاكي انا صمت اليوم" قالت ملاك:" ببررااڤوووو علييك وعشانك صمتي بوديك اليوم للاسطبل" رفعت نظرها لنياف ومنيره وقالت :" تسمحون اخذها" ضحكت منيره وقالت:" حلالك حلالك " قال نياف:" وش حلالك بتطيح من الخيل" قالت ملاك:" ماعليك مابتطيح هاذي حبيبتي مابتطيح لو وش مايصيييرر" ضحك نياف وقال :" يلا يلا الفطور" راحو وكملو فطور وقال الجد :" مين بيروح المسجد معنا يابنات؟" قالت البندري:" كلنا ان شاء الله ياعمي " هز راسه الجد بالايجاب وكملو الفطور

~ العشاء~
الجد وخالد وسعد ونياف واقفين ينتظرون العيال الي يلبس ثوبه والي ينتظر شماغه ينكوي والي يتوضى صرخ الجد وقال:" الي ماراح يجي الحين بكسر الخيزرانه على ظهره" انتفضو العيال وخلصو بسرعه ونزلو تحت للجد طلعو وراحو المسجد كل العائله الحريم دخلو قسم النساء وبدو يصلون صلاة التراويح بشوق لاول صلاة تراويح

" قراءه ممتعه❤️...
لا احلل القراءه بدون النجمه والاضافه والكومنت ❤️"