~ملكتي قلبي ياملاكي~

13

~ عند اثير ~
كانت تنظف الخيمه وخلصت اغراضها هي وملاك وعشان ملاك طولت قدرت تخلصهم دخلت عليها ملاك واهي تبكي قربت منها اثير وقالت:" شفيك شفيييكك" ملاك ماقدرت تنطق بولا كلمه وبس تشاهق وتبكي مسكتها اثير وحضنتها وقالت:" ملاكي بس تكفين تكفين قولي شفيك تكفين اهدي اهدي" ملاك صارت تهز راسها بالنفي بشكل هستيري واثير مستغربه شفيها اهي راحت ل ابوها شلون رجعت كذا منهاره بهالحضه خيّال اتصل عليها وردت وقالت:" خيّال شتبي ترا مره مو فاضيه لطلباتك" قال خيّال:" مو طلبات بقول لك شي بس" قالت اثير:" بس وشو تكلم وشفيه صوتك؟" قال :" ملاك وينها؟" استغربت اثير من كلامه وقالت:" ها ملاك هنا بسـ" قاطعها وقال:" لا بس ولا شي الحين تقولين لها تجي برا المخيم بسرعه" قالت :" وش انك مسوي لها بسرعه قول ياخيّال البنت مره منهاره" قال:" اثير مو شغلك وبسرعه قولي لها " قالت:" ماراح اقول لها الا لما تقول لي وش الي خلاها كذا ووصلها لمرحلة انها " بهالحضه ملاك اغماء عليها من البكي وصرخت اثير ونطلت جوالها وخيّال يسمع وقالت:" ملللللللللااااااااااككككككك اصحي اصحيي ملاكي تكفين ، العنووددد ، خاله البندريي ، ماما ، تعاللوو تكـ" بهالحضه دخل خيّال ولقى ملاك طايحه بين يدين اثير رفعت عيونها اثير وماكان عندها حيله غير خيّال قالت:" خيّال تكفى تكفى دق على هزاع تكفى" اختبص خيّال وتأنيب الضمير اكل قلبه من الي سواه ومن الي قاعد يشوفه رفع جواله ودق على صقر وقال:" اا صقر بقول لك شي بس لاتخاف " قال صقر :" ولد انطق شفيك " قال خيّال:" ااا ملاكـ" صرخ صقر وقال:" شفيها انططططقققق" قال خيّال:" مغمي عليها عند اثير اختي وانا موجود تعال" قفل صقر بوجه خيّال وقعد يركض يدور اخته دخل الخيمه الاولى والحمدلله كانو فيها شال اخته وركب السياره وركبو معه خيّال واثير وطار للمستشفى (ماراح للمستشفى الا لما تاكد من اثير ان لها نص ساعه ماصحت) وصلو للمستشفى وطبعاً بدون علم اي احد بالمخيم

~ المخيم~
الكل ركب سيارته وجو بيمشون الا هزاع صرخ بصوت عالي عشان كل السيارات يسمعونه وقال :" اثير وملاك وصقر وخيّال معكم؟" تعالت الاصوات والنفي بالكلام بعدين استوعبو ان سيارة خيّال موجوده لكن سيارة صقر مو موجوده قال نياف :" خلاص اكيد راحو للقصر مع بعض يلا بهاج ولا سعود ولا واحد منكم ياخذ سيارة خيّال ويلحقنا " تقدم سعود وقال :" انا باخذها يلا " ركب سيارة خيّال وركبو الكل ل سياراتهم واتجهو للقصر ماعدا سعود الي فجّر جوال اثير اتصالات لما علمته المكان وراح طيران للمستشفى

~ المستشفى ~
نزل صقر واهو حامل ملاك بين يديه واهي للحينها ماصحت نزلت معهم اثير وخيّال راح يوقف السياره بالمواقف وقفها واهو داخل لقسم المصاعد قابل سعود اخوه قرب من سعود ومسكه مع ياقته وقال:" شتبي جاي لايكون بعد جاي تشوفها " سحب سعود يدين اخوه وقال:" ياخيّال اتركني ماضريتك لاتضرني وانا دكتور حالي حال الدكاتره وجاي اشوف ملاك وافحصها بعدين شفيك تراها مو حلالك هدها شوي ويكون بعلمك ياخيّال ملاك ماتعني لي شي وبس اعتبرها اخت لي لاتقعد تسوي ف امها رجل غيور ويلا ابعد عني" جا بيسحب عليه سعود لكن مسكه خيّال وقال:" ياسعود ترا للحين ماتكلمت معك وعن تقربك المفاجئ لملاك ف عشان كذا خل الوضع على هدوءه وارجع للقصر" قال سعود:" رجعه للقصر ماني راجع لين اتطمن عليها واعلى مابخيلك اركبه" جا خيّال بيضربه لكن طلع صقر عليهم فجاه ووجه مليان حزن وعصبيه وقال:"ولد انت وياه اهجدو ترانا بمستشفى وبعدين كلكم ارجع للقصر مالكم حاجه هنا واثير لازم تكون مع ملاك وبدق على اخواني وابوي يجون معي لها" قالو الثنين بنفس الوقت:" ماني رايح لين اشوفها" حوقل صقر وسحب عليهم ورجع لملاك دخل عليها الغرفه ورفع عيونه ل اثير وقال:" اثير اطلعي ل اخوانك هجديهم لان لو طلعت لهم مره ثانيه يمكن ماامسك نفسي اني اقتلهم " اومات اثير براسها وطلعت ل اخوانها جلس صقر جنب اخته الي من حطو لها المغذي وبدت شوي شوي تصحى دخل الدكتور وقال:" الحمدلله انكم جبتوها ب اسرع وقت لان الي صار لها يمكن يدخلها غيبوبه لاسمح الله والبنت واضح انها عاشت برعب حتى لو كانت مدته قليله اهم شي انها تعرضت له والصدمه اكيد كانت من شخص قريب عليها مما ادى ل تسارع نبضات قلبها وتشنج بالعضلات ومااغماء عليها الا لما ازدادت كل هالاعراض والحمدلله على سلامتها كلها نص ساعه وبتصحى ان شاء الله " هز راسه صقر بحزن على ملاكه البريئ وفيه فضول يعرف وش صار لها عشان تبكي هالقد ويغمى عليها دخلت اثير بعد مااقنعت اخوانها يروحون وقال صقر لها :" انا لازم ارجع البيت اطمن الكل اكيد انهم قعدو يدورونا بكل مكان اجلسي عندها واذا صار اي شي دقي علي من جوالها " قالت اثير:" تمام بس قول لاابوي وامي اني عندها اوكي" اوما براسه صقر وطلع