💜💜
Amrit ne palat kar dekha to uske sath hi kaam karne wali uski hali bani dost Reha thi.
Reha ne Amrit par naraz hote hue kaha : Kya yaar. Main tera wait kar rahi thi. Aur tu mujhe chhod kar aagayi.!
Amrit ne mana karte hue kaha : Nahi. Aisa bilkul nahi hai. Tujhe pata hai na main Jishani ma'am ke cabin me gayi thi. To bas unki baato se mood kharab hogaya.
Reha : Ohh. Chal koi na mood thik kar apna. Vo to hai hi chudail.
Amrit, Reha ki baat sun muskura di. Aur fir vo dono bus aane par vaha se chali gayi.
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
Idhar gaav me,
Raat ko sabhi ka khaana ho jaane ke baad Veer apne bade papa ji se baate kar kamre me aaya to YN room ki light band kar so chuki thi.
Veer ne bhi usase kuch nahi kaha aur chup chaap apni jagah par aa kar let gaya.
Subah ke samay,
YN ki jaldi hi aankh khul gayi thi. Veer ko soya dekh vo shanti se nahane chali gayi. Naha kar vapas aayi thi ki tabhi kisi ne darwaze par knock kiya to usne jaa kar dekha,
Didi thi.
Didi ne YN ko dekh usase pucha : Vishu uth gaya.
YN ne mana karte hue kaha : Nahi.
Didi ne kamre me andar aa Veer se kaha : Are Vishu. Suraj sar chadh aaya. Uth jaa. Tujhe papa bula rahe hai.
Veer unki awaz sunkar hi uth gaya aur fir jab vo uske paas aayi, to usne apni aankhe kholte hue kaha : Abhi aaya didi.
Didi ne ab YN ki taraf mudte hue kaha : Tu bhi jaldi bahar aaja.
YN ne haa me sar hilaaya. Aur darwaza band kar mirror ke samne khadi hogayi.
Usne chor nazar se mirror se hi bed par lete Veer ko dekhne ki koshish ki to vo use hi dekh raha tha ye dekh vo sakpaka gayi aur jaldi se taiyaar hone lagi.
Uski harkat dekh Veer apna muh fer muskura diya.
Usne ab bed se uth kar YN se kaha : Mere kapde nikal do.
YN ne uski baat sun kar bhi kuch nahi kaha to Veer ne uske paas aate hue kaha : Kuch keh raha hu tumse.
YN ne uski baat sun mud kar ek taraf rakhe unke saman me se Veer ke kapde nikal bed par rakh diye. Aur khud usase bina kuch bole kamre se bahar nikal gayi.
Uska ye attitude dekh Veer hairaani se use jaata dekhta reh gaya aur usne khud se baate karte hue kaha : Gussa to main tha. Fir ye mujhe kis baat ka attitude dikha kar chali gayi.
*****************
Veer naha kar room se bahar nikal kar neeche aangan me aaya. To dekha uske pados ke chacha bethe hue the.
Veer ne jaa kar unke pair chhue to vo hairaan aur khush dono the.
Unhone Sukhvir ji se kaha : Sach keh rahe the Bhai sahab. Ye to Vishu hai. Ye to chamatkar hogaya.
Sukhvir ji ne muskurate hue kaha : To.. maine kaha tha na mera Vishu laut aaya hai. Sab baba ki kripa hai. Ab dekhna tu kis tarah fir se gaav me mera rob hoga.
Sukhvir ji ki baat sun Raam sing chacha has diye aur unhone muskurate hue kaha : Aur ni to kya..
Vo dono baate karne lage the ki tabhi Chote aur Jeetu bhi neeche aaye.
Unhe dekh chacha ne pucha : Ye dono kaun hai?
Bade papa : Ye dono bhi mere bete hai.
Unki baat sun Jeetu aur Chote ek dusre ko dekhne lage the ki bade papa ne un dono ko apne paas bula liya aur fir chacha se un dono ko milaane lage. Un dono ne bhi chacha ke pair chhue.
