💜💜
Mumbai me,
Room me faile khaane ko saaf karne ke baad Amrit ek baar fir pure ghar me idhar udhar phone dhundhne lagi. Ki shayad use phone mil sake to vo ek baar ke liye YN ya Veer kisi se to madad maang sake.
Jishaan se jhagda hone ke baad vo use chhodkar naa jaane kaha chala gaya tha. To ye uske paas ek acha mauka tha.
Par Amrit ko laakh dhundhne par bhi kuch haath nahi laga tha. Aur vo room me vapas aakar bed par let gayi.
Ab to aankho me se aansu bhi khatam ho gaye the, isliye vo bejaan ho kar bed par leti hui thi.
Ki tabhi use apni peeth par kisi ka sparsh mehsus hua. Vo ghabra kar mudi to dekha Jishaan us par jhuka hua tha.
Amrit ne use dur jhidakte hue kaha : Ye kya kar rahe hai aap?
Jishaan : Tumhe chhu kar dekh raha hu, tum vakayi mere paas ho ya fir main koi sapna dekh raha hu.
Amrit ne bed se uth Jishaan par gussa karte hue kaha : Bahar jaaiye. Mujhe neend aa rahi hai.
Jishaan muskuraya, aur usne bed se uth Amrit ko pakadte hue kaha : Tumhara dimaag kharab ho gaya hai. Main husband hu tumhara. Bahar kyu jaau?
Amrit Jishaan ko ghurte hue thoda uske karib aayi to uski saanso me ghuli sharab ki mehak se Amrit ko samajh aaya tha ki vo drink karke aaya hai.
Amrit ne Jishaan se apna haath chhudate hue kaha : Jab tak aap mere bhai ko chhod nahi dete tab tak aap is room me nahi reh sakte. Isliye bahar jaaiye.
Jishaan ne ye sun Amrit ko apni baaho me khinch liya. Aur use kamar se pakadte hue pucha : Kaun? Tum? Tum mujhe is room se bahar nikalogi?
Amrit ne Jishaan ki nazaro se bachte hue kaha : Ha. Aap jaa rahe hai yaa main aap ko dhakke de kar bahar nikaalu. Aur ha ek baar aur agar next time se aap ne drink ki to main aap ko kabhi humare room me nahi aane dungi.
Jishaan Amrit ki baat sun hasne laga aur usne Amrit ko gale lagaate hue kaha : Main nahi jaaunga. Ab main tumhe chhod kar kahi nahi jaaunga. Naa tumhe jaane dunga.
Jishaan ne aaj kuch jada hi drink kar li thi. Vo thik se khada bhi nahi ho paa raha tha. Isliye Amrit ko use sambhaalna muskil pad raha tha.
Uska vajan bhi ab Amrit se sambhaala nahi jaa raha tha. Uske haath dukhne lage the.
Isliye Amrit ne Jishaan ko gusse me dur dhakel diya. Isase Jishaan khud ko sambhaal nahi paaya magar vo girta usase pehle Amrit ne uska haath pakad kar use vapas khinch liya. Par is sab me ab dono ka hi balance bigad gaya tha.
Amrit Jishaan ko lekar niche jaa giri.
Amrit, Jishaan ke niche dab kar reh gayi thi. Aur is sab me uski kamar me bhi chot lag gayi thi.
Kuch der baad jab Jishaan uske upar se nahi hata.
To usne Jishaan ko uthaane ke liye awaz dete hue kaha ; Mr. Kapur. Uthiye.
Par Jishaan vo to nashe me hone ke karan ab bilkul hi sudh budh kho chuka tha.
Amrit ne use apne upar se hatane ki koshish kar use jagaate hue kaha : Mr. Kapur. Please uthiye.
Par Jishaan Amrit ki awaz sunkar bhi khamosh tha. Uski saanse mehsus kar Amrit ko andaza ho gaya tha. Ki vo so chuka hai.
Isliye usne hi ab apni saari takad laga kar Jishaan ko khud ke upar se hata kar side me leta diya. Amrit ki itne me hi hawa tight ho gayi thi. Usne ek nazar apne bagal me lete Jishaan ko dekha aur fir uthna chaha tha ki tabhi Jishaan ne use uski kamar se pakad kar apne karib khinch liya. Usne aisa karte hue Amrit ke gale me apna chehra chhupa liya.
Vahi Amrit Jishaan ke uski kamar pakad ne par sisak uthi. Jishaan ne uski kamar ko kas kar pakada hua tha. Vo bhi vaha jaha par Amrit ko chot lagi hui thi.
Amrit ne dard se tadapte hue Jishaan ke haath ko hatana chaha tha ki,
