💜💜
Janhvi ne Jeetu ki baat sun jaldi se uske kandho ko pakadte hue kaha : Nahi. Please. Ab main mitti naa lagaungi.
Jeetu, Janhvi ke dare hue chehre ko dekh hasne laga aur usne muskurate hue kaha : Acha. Par jo abhi kiya uske liye kya?
Janhvi ne is par masumiyat se kaha : Ab to hogaya. Kya kara ja sakta hai.
Jeetu ne janhvi ko thik se thamte hue kaha : Sorry bol do.
Janhvi : Na ye nahi ho sakta.
Janhvi ko jhat se mana karte dekh Jeetu ne usase apni pakad dheeli karte hue kaha : Thik hai to fir main tumhe chhod raha hu.
Janhvi ne ye sun jaldi se apna sar hilaate hue kaha : Nahi.. nahi.. main bolti hu.
Janhvi : Sorry. Ab nahi lagaungi mitti.
Jeetu Janhvi ki baat sun muskura diya aur usne Jahnvi ko sambhal kar khada karte hue kaha : Ye hui na baat. Bado se ulajhne ki bajay unki respect karna sikho.
Janhvi : Agar bade tum jaise ho fir bhi..
Jeetu ne hairaani se pucha ; mere jaise se kya matlab?
Janhvi ne Jeetu ki baat ka jawab dete hue kaha : Jo pehle to galti karte hai aur has kar bachho ke sath milkar majak udaate hai.
Janhvi ki baat sun Jeetu ko yaad aaya ki kal Janhvi ko girane ke baad vo vaha khade bachho ke sath uski shakal dekh hasne laga tha.
Jeetu ne use samjhaate hue kaha : par maine sorry bhi to bola tha.
Janhvi : Agar mera pair toot jaata to tumhare sorry se kya hota.
Itna kehkar Janhvi ab vaha se jaane lagi to Jeetu ne chilaate hue kaha : Magar toota to nahi..
Janhvi uski baat sun muh bana kar neeche chali gayi aur sab ke samne se jaane ke bajay peeche ke darwaze se chhup chhupa kar apne ghar jaane lagi thi ki bich raste me uske jeeja ne use dekh liya.
Aur uska rasta rokte hue pucha : Ye.. ye kya haal bana rakha hai?
Janhvi uski awaz sun kar hi dar gayi thi par fir khudko sambhal usne jaldi se vaha se nikal kar jaane ki koshish karte hue kaha : Vo main gir gayi thi.
Jeeja ne jaldi se lapak kar Janhvi ka haath pakadte hue kaha : Acha. Aur tera dupatta kaha gaya?
Is par janhvi ne apna haath chhudane ki koshish karte hue kaha : Dekho Jeeja. Apni had me raho. Aur ye baar baar mere samne Naa aaya karo. Mehmaan ho mehmaan ban kar raho.
Ye kehkar Janhvi ne ab Jeeja ke haath par jor se kaat liya to usne karahte hue Janhvi ka haath chhod diya aur vo jaldi se bhaag nikali.
*********************
Der raat me jab mehmaano ka aana jaana kam hua to Jeetu, Chote aur Veer ne apni alag party manaayi.
Thodi der baad, Veer un dono ko chhod ab uth kar chala gaya tab Chote ne Jeetu ke dobara kapde badalne ka karan pucha to usne use haste hue Janhvi se apni ladaai ke baare me bata diya aur fir dono ek saath hasne lage.
Idhar Veer, apne kamre me aaya, to ab bhi vaha par Mayra aur Bhavna didi YN ke paas bethi hui thi.
Un dono ko dekhkar Veer ne kaha : Aur kitni baate karni hai aap logo ko.
Uski baat sun Mayra ne usase kaha : Are pareshan mat ho. Hum jaa rahe hai.
Dono haste hue vaha se chali gayi. To ab Veer ne jaa kar darwaza band kar diya..
YN bhi apni jagah se uthne ko hui thi magar Veer ne paas aa uska haath pakad use bed par dobara betha diya. Aur khud uski god me apna sar rakhkar let gaya.
