Janhvi ki is harkat par Jeetu ka gussa jaise saatve aasmaan ko chhu gaya. Uske chehre par aate bhaavo ko dekh ab to Janhvi bhi ghabra gayi.
Vo uth kar Jeetu ke paas aayi aur usne Jeetu ke paas bethte hue kaha : Main tumhe mana kar rahi thi...
Jeetu ne janhvi ko apna haath dikha use shant rehne ko kaha, aur khud khada ho kar jaane laga to Janhvi uska haath pakadte hue pucha : Kaha jaa rahe ho?
Jeetu ne gusse me Janhvi ka haath dur jhatakte hue kaha : Tum se dur. Yahi chahti ho na tum. Raho ab yaha. Nahi aaunga kabhi tumhe lene.
Ye kehte hue Jeetu ne Bittu ko apni god me uthaya to Janhvi hairaan ho gayi. Aur usne ghabraate hue pucha : Bittu ko kaha le jaa rahe ho?
Jeetu : Apne saath. Chahti thi na tum ki main ise apne saath le kar chala jaau. Taaki tumhe hum dono se chhutkaara mil sake.
Janhvi ne jaldi se Jeetu ke baaju ko pakadte hue kaha : Pagal ho gaye ho kya? Ye mere bagair kaise rahega.
Jeetu ne apne gusse par kabu karte hue kaha : Tumhare college jaane ke baad reh leta hai na. To ab raat me bhi akela rehna sikh jaayega.
Jeetu ki baat sun Janhvi ki aankh bhar aayi. Aur usne rote hue kaha : Kya keh rahe ho. Bahot chota hai abhi ye. Sirf dudh pita hai. Chhodo use. mera bachha...
Janhvi ne ye kaha hi tha ki Jeetu us par chilaaya : Chup. band karo rona.. aaj tumhe yaad aa raha hai ki ye tumhara bachha hai. Us din yaad aaya tha jab ise paida hone se pehle hi tumne ise maarne ki koshish ki thi.
Jeetu ki baat Janhvi ko teer ke jaise chubhi aur usne tadapte hue kaha : Nahi.
Jeetu ne gusse me kaha : Kya nahi. Sab kuch chhupa kar chup rahi tum. Agar main nahi aata to tum to ise maar chuki hoti.
Jeetu ki baat sun Janhvi chup ho gayi. Kuch kehne ko shabdh nahi the uske paas. " Jab use pata chala tha ki vo pregnant hai to usne 2 mahine tak is baat ko Jeetu se kya sab se chhupa kar rakha. Use itni jaldi bachha nahi chahiye tha. Uski umar bahot kam thi. Aur fir uska college. Kaise vo pregnant hone ke baad college jaa sakti thi. Ye sab soch vo apni dost Neha ke saath apna abortion karvaane gayi thi. Magar vaha pehle se maujood Jeetu aur Veer ko dekh vo shock thi. Jeetu ko naa jaane kaise uski pregnancy ke baare me pata chala ye vo nahi jaanti thi. Dono me Mumbai se aane ke baad baate bhi naa ke barabar hoti thi. To fir kaise Jeetu ko uske pregnant hone ka pata chala ye vo aaj tak nahi jaan paayi thi.
Idhar Jeetu ne Janhvi se apna haath chhuda kar kaha : Kaha kami ki maine is shaadi ko nibhaane me. Jo tumne chaha humesha sab kuch vaisa hi hua. Tumhari har ek baat ko suna aur mana maine. Fir bhi tumne hum dono ke bich ek duri. Ek laxman-rekha ko bana kar rakha. Pati hu tumhara. Par kabhi tumne mujhe pati samjha. Nahi. Kyu. Kyunki main tumse pyaar nahi karta.. Ha nahi karta main tum se pyaar. Aur naa hi kabhi karunga.
Oops! This image does not follow our content guidelines. To continue publishing, please remove it or upload a different image.
