💜💜
Din me Janhvi ki aankh khuli to apne side me Jeetu ko muh fer kar soya dekh vo jhemp gayi.
Vo shirtless tha to Janhvi ne ab khud ki halat dekhi. Ek tej jhurjhuri uske sharir me daud gayi.
Usne apni pakad blanket par kas li. Use subah jo un dono ke bich hua sab yaad aaya. To usne sharam se apni aankhe band kar li.
Kuch der baad, vo blanket sambhaal kar uthne lagi thi ki apne sharir ke lower part me dard mehsus kar uske muh se aah nikal gayi. Aankho me aansu bhar aaye. Aur usne ek baar fir Jeetu ko dekha ye soch ki shayad vo uski awaz sun jaag gaya ho.
Magar vo hila tak nahi tha. Khud ko sambhaal vo dheere se apne pairo par khadi hui, aur usne apne kapde samet kar pehan liye. Ki tabhi uska phone bajne laga.
Janhvi ne jhat se paas me night stand par rakhe apne phone ko utha kar call pick kiya.
To udhar se YN ne kaha ; Hello. Janhvi.
YN ki awaz sun Janhvi ko naa jaane kya hua vo rone lagi.
YN se humesha use ek juddaav aur apna pan mehsus hota tha. Isliye uske aage vo pighal jaaya karti thi. Aaj bhi use rona aaya to usne apne muh par haath rakh liya. Taaki YN uski awaz naa sun sake.
Khud ko sambhaal usne dheere se kaha : Ha.
Janhvi ki awaz sun YN ne usase pucha ; Tumne packing karli.
Janhvi ko kuch pata hi nahi tha. Isliye usne naa samjhi me pucha ; Kya bhabhi? Main kuch samajhi nahi.
Janhvi ki badali awaz sun YN ne usase pucha : Kya hua? Tumhari tabiyat thik nahi hai?
Janhvi ne dheere se chal kar kitchen ki taraf jaate hue kaha ; Nahi. Main thik hu.
YN ne uski baat sun kar kaha : Acha. Main Mumbai ke liye packing ki baat kar rahi thi.
Itna keh kar YN ne Janhvi ko sab kuch bata diya to Janhvi ne kaha : Iski kya jarurat thi bhabhi? Abhi pehle humara settle hona jaruri hai.
YN ne use samjhaate hue kaha : Tum fikra kyu karti ho. Bhai sab sambhaal lenge. Tum bas apne sapne pure karo. Aur ha mere ghar jarur jaana. Mummy ne specially tumhe invite kiya hai.
Janhvi ne jabardasti muskura kar kaha ; Ha.
Thodi bahot baat kar Janhvi ne call cut kiya aur vapas room me aayi to Jeetu ko sote dekh gusse me boli : Kuch batate hi nahi hai. Bas apne man ka karna hai.
Itna keh kar Janhvi ne ek nazar bed par maari to bed ki halat dekh usne apne hairaani se khule muh par haath rakh liya. Bedsheet par blood stains dekh kar vo sharma gayi. aur usne jaldi se ab bedsheet nikaalni chahi par Jeetu ke bed par hone ki vajah se uski koshish bekar sabit ho gayi.
Thak haar kar uski aankho me ek baar fir aansu chhalak aaye. Vo akeli dard se, har tarah se pareshan ho rahi thi. Uska badan dard kar raha tha. Par Jeetu vo aaram se so raha tha.
Janhvi ne gusse me ek baar fir koshish kar bedsheet khinchni chahi, to is baar bedsheet uske haath me aa gayi.
Usne jeetu ko dekh gusse me kaha : Mota Billa.
Janhvi itna keh kar ab sab samet kar bathroom me chali gayi.
*************
Naha kar bathroom se nikal Janhvi ab chhat par kapde sukhaane lagi thi. Ki Jeetu ne peeche se aakar kaha : Lo. tumhare mummy ka call aa raha hai.
Jeetu ki awaz sun Janhvi jhemp gayi. Usne sar utha Jeetu ko dekha jo ki uske phone ko dekh raha tha. Janhvi ne phone apne kaan par laga. Apni mummy se baat ki to vo hairaan thi.
Use chhod baaki sab ko pata tha ki vo dono Mumbai jaa rahe hai.
Janhvi ne gusse me paas khade Jeetu ko ghura to vo use naa samajhi se dekhne laga.
Idhar mummy se baat karte hue Janhvi ne kaha : Main aap se baad me baat karti hu.
