💜💜
YN ne mudkar dekha to ek pagal aurat aurat uska sandwich chhin kar khaa chuki thi. YN uski halat dekh ghabra gayi. Aur jaldi se Veer ke peeche peeche chali aayi.
Usne dekha Veer, Chote aur Jeetu par naa jaane kis baat par bhadak raha tha.
YN ne un teeno kar chilaate hue kaha : Ladna band karo aap teeno. Varna main yaha se akele gaav chali jaaungi.
Uski baat sun Veer ne mudkar dekha to YN ka chehra gusse ki vajah se laal ho raha tha.
Vahi Chote aur Jeetu vo dono bhi ab shant hogaye. YN ka chehra sach me rone jaise hogaya tha.
Usne un teeno par gussa karte hue kaha : Jab aap teeno ko ladna hi tha to mujhe yaha lekar kyu aaye? Maine khaana bhi nahi khaaya, aur mujhe jabardasti utha kar le aaye.
YN ki baat sun Jeetu ne uske paas aate hue kaha : Sorry bhabhi. Ye sab meri vajah se hua. Aao hum fir chalte hai khaana khaa kar aate hai.
To YN ne use mana karte hue kaha : Nahi. Ab mera kuch khaane ka man nahi hai. Ghar chaliye.
YN ko ab sachme bahot gussa aa raha tha. Isliye vo jaa kar car me beth gayi. To vo log bhi chup chaap YN ke dar se apni apni jagah par jaa bethe.
Veer ne ek baar fir driving seat par beth car start ki, to YN ne gusse me kaha : Aur aap kaise husband hai. Apni pregnant biwi ko bich road par chhod kar bhaag gaye. Agar koi mujhe apni gaadi se thok deta to.. meri sandwich bhi vo aunty ne chhin kar khaali. Kitne laparwah hai aap.
Uski baat sun Chote ek baar fir has diya. To Veer ne use mirror se dekhte hue kaha : aaj tere daat kuch jada hi bahar nikal rahe hai.
Uski baat sun Jeetu ne kaha : Aur nahi to kya? Amrit mil gayi thi kya Mumbai me? Jo itna khush hai.
Jeetu ki baat sun Chote ka chehra ab ek dam se serious ho gaya aur usne Jeetu se kaha : Tu apne kaam se kaam rakh.
Un dono ko ek baar fir se ulajhte dekh YN ne peeche mud kar kaha : Aap dono hi chup ho jaao.
Ek chup hota hai to dusra shuru ho jaata hai. Aur dusra chup hota hai to pehla shuru ho jaata hai.
YN ko itna bhadakte dekh Veer ne uska haath pakad dheere se kaha : Baby calm down. Tum na ghar par saara gussa nikal lena. Chaaho to mujhe peet lena. Ab khush. Acha batao kaun si aunty tumhari sandwich khaa gayi.
Par YN ne jawab dene ke bajay usase apna haath chhuda liya aur window se bahar dekhne lagi. Ki tabhi kuch dur chalne ke baad Veer ne side me car rok di aur khud car se bahar nikal gaya.
Kuch der baad vo vapas aaya aur usne Jeetu ko car drive karne ka bol Chote aur Jeetu dono ko aage bhej diya. Aur YN ke saath khud peeche beth gaya par YN abhi bhi usase dur bethi hui thi. Ki tabhi Veer ne YN ke kandhe par halke haath se maarte hue uska dhyaan apni taraf khincha to YN ne bhi muh fulaaye uski taraf dekha to ek dam se uska chehra jo ki gusse ki vajah se balloon bana hua tha ab muskurahat ki vajah se taaje phool ki tarah khil gaya.
YN ne khush ho jaldi se saari khatti mithi Candy's aur imali Veer ke haatho se apne dono haatho me lete hue kaha : Ye kab laaye aap?
Veer ne YN ko khush dekh uski kamar se usko pakad kar apne paas khinchte hue kaha : Abhi jab car roki thi. Ek bachha ye sab thele par rakh kar bech raha tha.
YN ne Veer ki baat sun khush ho jaldi se aage badh kar uske gaal par kiss kar diya, jiske karan Veer shock ho gaya vahi YN ko bhi ehsaas hua ki vo jada khush hone ke chakkar me kya kar gayi.
Usne chori chipe aage dekha to Chote aur Jeetu ka dhyaan un dono par nahi tha. Isase YN ko rahat mili aur usne ab ek nazar Veer par daali to vo peeche seat se apna sar tika chehre par apna haath rakh apni hasi ko control karne ki koshish kar raha tha.
