💜💜
Janhvi, Jeetu ki sunane ko taiyaar nahi thi.
Jeetu use manane me laga hua tha.
Ye vahi Jeetu tha jisko kisi ke nakhare jhelna bilkul pasand nahi tha. Par Janhvi ke nakhre jhelna. Use acha lag raha tha.
Janhvi bed se uth kar jaane ko hui thi ki Jeetu ne use vapas khinch apni god me bethate hue pucha : To Tum nahi maanogi?
Janhvi ne apna sar hilaate hue kaha : Nahi. Pehle jhutha promise kyu kiya tha.!
Jeetu : Pakka. Nahi maanane wali tum?
Janhvi ne pareshan ho kar ek baar fir apna sar naa me hilaaya to Jeetu ne use pet me gudgudi karte hue kaha : Acha. Aise nahi maanogi na tum.
Janhvi uski is harkat par uchhalkar khilkhilaane lagi, vahi Jeetu bhi ab bed par puri tarah chadh gaya. Aur Janhvi ko gudgudi karne laga. Is sab me dono ek dusre ke itna karib aa chuke the. Ki Jeetu ke hoth Janhvi ke gaal ko chhu rahe the.
Uske muskuraate hue chehre ko dekh Jeetu ne khush ho kar uske gaal par kiss kiya. To Janhvi ki hasi band ho gayi.
Jeetu ne use dekhte hue pucha : Kya hua?
Is par Janhvi khamosh ho idhar udhar dekhne lagi. Use uncomfortable dekh Jeetu ki muskurahat dheere dheere chali gayi.
Jeetu Janhvi ko dekhne laga. Vahi Janhvi ko ehsaas hua ki vo is samay Jeetu ke niche thi. Aur vo uske upar. To vo sharma gayi. Dono 2 hafto se ek hi bed par ek dusre ke karib hi so rahe the. Par is tarah ki situation un dono ke samne nahi aayi thi.
Janhvi ne Jeetu ke seene par apne haath rakh use dur karna chaha par Jeetu ne use aisa karne nahi diya.
Usne uske haath ko pakad bed me daba kar unke chehre ke bich ki duri ko mita uske hotho par kiss kar liya.
1 soft kiss ke baad usne ek baar fir Janhvi ko dekha to usne apni aankhe band ki hui thi. Gaal sharam ki vajah se laal pad chuke the. Aur hotho par ek halki si muskaan khilne ki koshish me thi.
Par sharam ke maare vo khil nahi paayi.
Magar Jeetu vo use dekh muskuraaya. Aur usne ek baar fir Janhvi ke hotho par kiss karte hue kaha : Hum Mumbai jarur jayenge. Bas thoda waqt do mujhe.
Janhvi ne uski baat sun apna sar hilaaya. To Jeetu ne khush ho uski naak ko apni naak se sehlaate hue kaha : Par meri bhi ek shart hai.
Janhvi ne aankhe khol usase pucha : Kya?
Jeetu ne Janhvi ki aankho me dekhte hue kaha : Yahi ki, kuch nahi. Ab main Mumbai jaa kar hi bataunga. Tum to bas humare honeymoon par jaane ki taiyaari karo.
Jeetu ki baat sun Janhvi ne apni aankhe badi karte hue pucha : Kya? Honeymoon..
Jeetu : Hmm.. vaise Mumbai ki jagah Goa ya fir aur koi achi jagah jada behtar hoti. Par tumhe Mumbai ghumne ka shauk chadha hai.
Janhvi ne jhat se mana karte hue kaha : Nahi. Main sirf ghumne jaana chahti hu. Maine kab kaha ki mujhe honeymoon par jaana hai?
Jeetu ne Janhvi ki baat sun naakhush hote hue kaha : Par main keh raha hu.
Janhvi uski aankho me dekhne lagi to Jeetu ne ek baar fir Janhvi ke hotho par kiss kiya. Uske upper lip ko suck karte hue usne achanak se use chhod diya. Vo Janhvi ko dekh khudko control nahi kar paa raha tha. Isliye agale hi pal palat kar Janhvi ke upar se hat bed par let gaya.
Vahi Janhvi ne Jeetu se pucha : Hum honeymoon par kaise jaa sakte hai?
Janhvi ki baat sun Jeetu ne uski taraf dekhte hue pucha : Kya matlab? Hum honeymoon par kyu nahi jaa sakte? Hum husband wife hai.
Jeetu ki baat sun Janhvi use dekhne lagi. Uske kehne ka matlab kuch aur tha. Vo usase puchna chahti thi ki vo honeymoon par kaise jaa sakte hai. Kyunki honeymoon par to couple jaate hai. Vo couple jo ki ek dusre se pyaar karte hai. Par Jeetu kya vo bhi usase pyaar karta hai? Usne aisa kuch kabhi usase kaha to nahi. Pyaar to dur usne to kabhi ye tak nahi kaha ki vo use achi lagti hai.
