💜💜
Mumbai me,
Jishaan Amrit ko apni baaho me le bade hi rumaani andaz me dance kar raha tha. Aur Jeetu vo un dono ko dekh raha tha.
Dono apni dhun me mast dance kiye jaa rahe the.
Dono ka dance khatam hua to Janhvi ne Amrit se kaha : Aap dono ek saath bahot ache lagte hai.
********************
Dusri taraf,
YN ne darte hue vahi wall ko pakad liya tha ki, Veer ne peeche se aa uska haath pakadte hue kaha : Tum bahar kyu aayi?
Par YN ne ghabraate hue pucha : Light ko kya hua?
Veer ne aaram se use apne saath le jaa room me bed par bethate hue kaha : Main dekhta hu. Tum yahi ruko. Sab jagah andhera hai.
YN ne darte hue kaha : Nahi. Mujhe akele chhod kar mat jaaiye.
Veer YN ki baat sun ruka tabhi light on ho gayi.
YN ki jaise jaan me jaan aa chuki thi.
Veer ne ab room ka door band karte hue kaha : Itna darti kyu ho? Mere hote hue kaun meri jaan ko chhune ki himmat kar sakta hai.
Veer bed par aa kar YN ke paas let gaya to YN bhi ab uske karib ho kar let gayi.
YN ne Veer ke seene par apna sar rakhte hue kaha : Aap ne Rima ke baare me pata karne ki koshish ki?
Veer ne YN ke sar ko sehlaate hue kaha : Ha. But kuch khaas pata nahi chala.
Veer ne use aage batate hue kaha : koshish karta hu kuch aur information pata chal jaaye.
YN ne dheere se apna sar hilaa diya.
Veer YN ke kehne par Rima ke baare me pata lagaane ki koshish kar raha tha.
Veer ne ab YN ke sar ko chumte hue kaha : So jaao tension mat lo. Main sab pata kar lunga.
YN : Hmm.
Veer ab YN ko kisi chote bachhe ki tarah sulaane laga. To YN muskura di. Aur usne kas kar Veer ko pakad liya.
*******************
Mumbai me,
Naman kisi case ke silsile ki vajah se raat deri se ghar aaya tha. Room me aaya to dekha Preeti couch par bedhang tarike se soyi hui thi. Shayad uska intejaar Karte hue so gayi. Vo uska ek achi biwi ki tarah har baat ka khayal rakhti thi. Bas use samajhti hi nahi thi. Aisa Naman ko lagta tha.
Naman ne ab apni vardi ki shirt nikaal bed par ek taraf fek di. Aur aage badh Preeti ke paas jaa usne use dheere se jagaate hue kaha : Preeti..
Vo nahi jaagi to usne use ek baar fir jagane ki koshish karni chahi magar use is kadar masumiyat se sote dekh Naman ne apne haath vapas khinch liye.
Vo uske paas beth gaya. Kuch der tak use nihaarne ke baad Naman ko ehsaas hua ki use is tarah se sone me taklif ho rahi hogi...
Naman ne Preeti ko dekhte hue kaha : Bewkoof . Kitni baar kaha hai ki mera wait nahi kiya karo. Par sunana nahi hai meri baat ko.
Naman ne ab ahista se Preeti ko apni baaho me le god me utha liya. Aur use bed par letane laga tha ki. Preeti ki aankh khul gayi.
Naman ne use bed par letate hue kaha ; Vo tum thik se so nahi paa rahi thi.
Preeti apni aankho me bhari neend dur karne ke liye uthi aur usne uth kar bethte hue Naman se pucha : Kitna time hua hai? Main intejaar kar rahi thi aap ka. Aap aise kaise chale gaye the. Mujhe fikra ho gayi thi aapki.
Naman ne Preeti ke paas bethte hue kaha ; Oh ho. Kitne sawal karogi. Police ki naukri me kabhi kabhi ye bhi karna padta hai. Tum so jaao.
Preeti ne mana karte hue kaha : Nahi. Aap ne khaana khaaya?
Naman : ha. Main change karke aata hu.
Naman change kar room me aaya. To Preeti abhi bhi jaagi hui thi. Vo shanti se bed par aa apni side jaa kar let gaya, ye dekh Preeti bhi ab dheere se vapas let gayi ki tabhi Naman ne uski taraf karvat badal li. Vo ab use dekhne laga to Preeti ne apni aankhe band kar li.
Naman ne uske pet par haath rakh use apni taraf khinchte hue kaha : Maine kaha tha na ki mujhe ab duriya mitani hai.
Uski baat sun Preeti ne jaldi se apni aankhe kholte hue kaha : Ji. Par ab humare bich duriya nahi hai.
Naman ne dheere se kaha : Main abhi ki baat nahi kar raha hu.
Preeti ne use dekh dheere se pucha : To fir.
Naman use dekhne laga aur fir achanak se Preeti se pucha : Kya tumhe us raat ka koi pachhtava hai?
Ye kehte hue ek baar fir usne uske pet ko pakda to Preeti ne nazare jhukaye usase pucha ; Ye sab. Aap kya baat kar rahe hai?
Naman ne Preeti ki baat sun uske thoda aur karib hote hue pucha : Vakayi tumhe samajh nahi aa raha ki main kya kehne ki koshish kar raha hu.
Naman ki baat sun Preeti jhemp gayi. Usne usase muh ferna chaha,
Magar ek baar fir Naman ne use apne aur karib khinchte hue kaha : Ek baat kahu, tumhara to pata nahi par, mujhe humare bich jo bhi hua uska koi pachhtava nahi hai.
Naman ki baat sun Preeti use dekhne lagi.
===============================
