Veer bathroom se nikal room me aaya to ab tak YN room me vapas nahi aayi thi. Veer ki nazar samne clock par gayi. To dekha ki raat ke 1 baj chuke the. Veer apne haath me pakadi towel ko bed par fek jaldi se room ke bahar gaya. YN ko idhar udhar dhundhne laga. To uski nazar hall me sofe par bethi YN par gayi jo ki bethe bethe so chuki thi. Veer ko use dekh bura laga. Aur khud par gussa bhi aaya ki usne kis tarah se YN se baate ki.
Vo chal kar uske paas gaya aur usne YN ko dheere se awaz dekar kaha : YN.
Par shayad vo abhi gehri neend me thi isliye Veer ki awaz sun hili bhi nahi.. Veer use dekh muskuraaya kis tarah se vo apne pet par haath rakh kar sukoon se soyi hui thi. Pregnancy ki vajah se aaj kal raat me vo kam so paaya karti thi.
Veer ne bhi ab use jagaane ki koshish nahi ki, aur ahista se use apni god me utha liya.
Magar YN uske aisa karte hi neend se jaag gayi. Aur usne ghabraate hue pucha ; Kaun hai?
Veer ka chehra apne samne dekh vo khamosh ho gayi.
Oops! This image does not follow our content guidelines. To continue publishing, please remove it or upload a different image.
Vahi Veer ne muskurate hue kaha : Mere alawa aur kaun ho sakta hai.
YN ne kuch nahi kaha. Veer samajh gaya ki vo abhi naraz hai. Isliye chup chaap use room me le aaya.
Bed par letate hi YN Veer se muh fer kar let gayi.
Veer ne uske aisa karne par usase baate karne ki koshish karte hue kaha : Aaj late ho gaya. Kal se dhyaan rakhunga.
YN ne Veer ko koi bhaav nahi diya to vo ab chup ho gaya. Aur shanti se light off kar apni jagah jaa kar let gaya.
***********************
Mumbai me,
Subah ke samay,
Janhvi ki aankh khuli to Jeetu ka chehra apne itna najdik paa kar sharma gayi. Dono itne najdik the ki dono ke hoth aapas me touch ho rahe the.
Janhvi ne apna chehra thoda dur kiya aur ek nazar khud ko dekha. Vo is samay Jeetu ki shirt pehne hue thi. Shayad Jeetu ne use pehnaayi hogi.
Kal raat ke apne haseen palo ko yaad kar haya se laal chehre ko Janhvi ne Jeetu ke seene me chhupa liya. Par agale hi pal dur ho apni palko ko utha Jeetu ko dekha to vo bahot hi sukoon se soya hua tha.
Janhvi ne Jeetu ko dekh muh bana fusfusaate hue kaha : Mujhe pareshan kar kaise sukoon se so rahe ho.
Itna keh kar Janhvi ne ab Jeetu se dur hona chaha tha ki achanak se Jeetu ne Janhvi ko apne karib khinch apni aankhe band kiye hui hi uske hotho se apne hotho ko jod Janhvi ko kiss karna shuru kar diya.
Janhvi uske aisa karne par shock ho gayi. Uski aankhe hairaani se khuli reh gayi thi. Ki tabhi room ke door par knock sun janhvi ne dur hat apna chehra pillow me chhupa liya.
