💜💜
YN ka check up hone ke baad doctor ne ek rahat bhari khabar sunaai ki YN thik hai.
Kabhi kabhi pregnancy me body ka temperature slightly increased ho jaata hai. Aur fir YN ko dehydration ho gaya tha. Doctor ne Veer ko YN ko diet me watery fruits jaada lene ki salaah di. Aur uska khayal rakhne ke saath kuch 2-4 hidaayate dekar vaha se chali gayi.
Veer, Jeetu YN ke room me jaa paate usase pehle bade papa, badi maa, Bhavna didi ke saath vaha aa pohche.
Unhe dekh Veer ne kaha : Bade papa aap yaha?
Bade papa ne Veer ko bich me rokte hue pucha : Bahu kaisi hai? Kya hua hai usko?
Veer ne unhe samjhaate hue kaha : Kuch nahi. Garmi ki vajah se thodi behoshi aa gayi thi.
Bade papa : Tu kaha tha.? Thik se bahu ka dhyaan nahi rakh sakta.
Jeetu ne bade papa ko bhadakte hue dekh unhe shant karte hue kaha : Are shant bade papa. Kuch nahi hua hai bhabhi ko.
Jeetu ki awaz sun bade papa ko hosh aaya ki Jeetu unke paas hi khada hai.
To unhone agale hi pal use apne gale se lagate hue kaha : Jeetu... Tu to bhul hi gaya apne bade papa ko.
Jeetu ne unse alag ho jhuk kar unke pair chhu kar kaha : Aisa kabhi nahi ho sakta.
Itna keh kar Jeetu ne paas khadi badi maa ke pair chhue, par unhone muh fer liya. Jeetu ko thoda bura laga. Par usne unhe chhod Bhavna didi ke pair chhu kar ek baar fir bade papa ke paas khada hua.
Bade papa ne kaha ; Aisa hi hai. Tune ek baar bhi ghar chhodne se pehle apne bade papa ke baare me nahi socha. Mere laakh manane par bhi Ghar nahi aaya.
Jeetu ne muskurate hue kaha : Aap ka hi to socha. Kuch acha karunga life me to aap ka bhi to naam roshan hoga. To bolo. Aap ke baare me nahi socha Maine.
Bade papa Jeetu ki baat sun kar muskuraye, aur unhone Jeetu ke kaan khinchte hue kaha : Beta. Tu mujhe apni baato me nahi lapet paayega. Diya tujhe ek mauka. Ek saal diya. Sabit kar khudko. Aur agar nahi kar paaya to tujhe mere paas vapas laut kar aana hoga. Aur ek baat aur.
Main zinda hu tab tak tu mere liye mere Vishu jaisa hi hai. Mera beta. Fir chaahe koi kuch bhi kahe.
Badi maa ne bade papa ki baat sun unhe dekha to vo bhi unhe ghurte hue Jeetu se baat kar rahe the.
Vo samajh gayi thi ki unki baato se ishara unke taraf hi tha.
Hospital tha jada bheed karna mana tha to Bhavna didi aur badi maa ke saath YN ko dekh ab jaldi hi bade papa ke saath vapas laut gayi.
Veer bhi ab hospital ki sari formalities puri kar YN ke paas aaya to Janhvi YN ke paas bethi hui thi.
Veer ne Janhvi se kaha : Janhvi. Hum ghar chal rahe hai.
Janhvi ne Veer se pucha : Bhabhi?
Veer ne YN ko dekhte hue kaha : bhabhi ko saath le kar.
Janhvi Veer ki baat sun ha me sar hilaaya aur vo YN ko uthne me madat karne lagi thi ki tabhi Veer ne YN ka haath pakad liya.
Janhvi Veer ke YN ke paas aane par YN se dur ho kar khadi ho gayi thi. Ki tabhi Veer ne YN ko god me utha liya.
YN ne is par Janhvi ko dekh Veer se kaha : Main chal sakti hu.
Is par Veer ne use daantate hue kaha : Chup raho tum. Tum kuch nahi kar sakti. Khud ka khayal tak to tum se rakha nahi jaata.
Itna keh kar Veer ab YN ko le kar hospital ke room se bahar nikla to aas paas ke log un dono ko dekh aapas me baate kar muskurane lage.
Vahi YN vo is sab se sharma gayi. Par Veer use is sab se koi farak nahi pada. Use bas YN ki fikra thi.
