Rowdy's love story! Book2

193. Sach me tumhari shaadi ho chuki hai.

💜💜

Bittu janhvi ki god me so chuka tha. Vahi use dudh pila Janhvi ke dil ko jaise sukoon mila tha.
Usne pyaar se kayi baar Bittu ke sar ko chum liya.

To YN ne use dekhte hue pucha : Itna pyaar karti ho isase to kyu bhai ke samne ise chhuti bhi nahi hu.

Janhvi ne uski baat sun rote hue kaha : Kyunki maine hi kaha tha, main bachhe ko haath bhi nahi lagaungi.

Janhvi ne rote hue YN ko bataya : Main itni jaldi bachha nahi chahti thi. Padhna chahti thi. Isliye Jeet ko bina bataaye hospital bachha abort karaane gayi thi. Par pata nahi kaise Bhai aur inhe pata chal gaya.

YN ne janhvi ki baat sun uske sar par haath ferte hue kaha : Tumhari soch bhi apni jagah par bilkul thik hai Janhvi. Magar ye to tum dono ko pehle sochna chahiye tha. Aise bachhe ko maarna aasan tha tumhare liye. Chalo vo sab chhodo. Ab ise jeete jee kyu maar rahi ho? Khayal rakho iska. Aur bhai ka bhi.

Janhvi : Aap thik keh rahi hai bhabhi. Bahot badi galti ho gayi mujhse.

YN ne pyaar se use samjhaate hue kaha : Itni bhi badi nahi hui ki sudhaari naa jaa sake. Aur ab bahot hua. Khul kar Bhai ke samne apni baat kaha karo.

Janhvi ne haa me sar hilaaya. To YN ab muskuraate hue bahar nikal gayi. YN ne bahar pareshan bethe janhvi ke mummy ko bhi samjhaya. Ki vo kuch naa bole ye un dono ke bich ka mamla hai dono ko hi suljhaane de.

Room me,

Janhvi Bittu ko lekar let gayi. Aur pichali yaado me kho gayi.

Preeti Sabharwal ko vo Mumbai wali Preeti samajh usne kitni badi bewkoofi ki thi. Jiske karan 6 mahine se vo Jeetu se nafrat karne lagi thi.

Aapas me bol-chaal bana rahe to mat-bhed paida kam hote hai. Magar an-bol aa jaaye to sab kuch bikharta hi chala jaata hai.

Janhvi ko samajh nahi aa raha tha ki vo kaise ab jab sab kuch apne haatho bikher chuki hai to kaise sab kuch samete...

********************

Dusri taraf Mumbai me,

Jishaan aur Amrit US se vapas laut aaye the..
Dono hi filhaal apne kaam me busy the. Par ab Jishaan is kaam se pareshan ho chuka tha.