Janhvi ki nazar ek jagah par jaa ruki aur apne samne Jeetu ko dekh khush hone ki bajay uske hotho par khili muskurahat dheere dheere gayab ho gayi.
Jeetu usase kuch duri par khada hua tha, aur uski baaho me ek ladki thi. Janhvi ye dekh gusse se laal ho gayi. Aur jaldi se sab chhod Jeetu ki taraf bhaagi.
Idhar Jeetu ne apni baaho me sambhaale hue us ladki ko thik se khade hone me madat karte hue pucha : Preeti... Preeti. Tum thik ho?
Preeti ne apni band hoti palako ko kholne ki koshish karte hue kaha : Nama......
Jeetu ne Preeti ke gaalo ko chhu use hosh me laane ki koshish karte hue pucha : Kiske saath aayi ho? Kaun hai tumhare saath? Preeti. Preeti. Please hosh me aao.
Jeetu pareshan sa Preeti ko hosh me laane ki koshish kar raha tha. Ki tabhi achanak se kisi ne Preeti ko uski baaho se chhin apne seene se laga kar kaha : Preeti...
Jeetu ne uske aisa karne par gusse me apna sar utha paas khade aadmi ko dekha, to hairaan hote hue kaha : A.C.P tum..
Naman ne agale hi pal Preeti ko apni god me utha kar kaha : Thank Jeetu..
Jeetu confused ho kabhi Naman ko to kabhi Preeti ko dekhna laga.
To Naman ne uske chehre par aaye chinta ke bhaav ko dekhte hue kaha : Pareshani ki baat nahi hai. We are expecting. Pregnant hai to kabhi kabhi aisa ho jaata hai.
Oops! This image does not follow our content guidelines. To continue publishing, please remove it or upload a different image.
Itna keh kar Naman ne Preeti ke sar ko chum uski fikra kar dheere se kaha : Preeti..
Preeti ne apni aankhe kholne ki bajay Naman ke seene me apna chehra chhupaate hue behad dheemi awaz me kaha : Naman. Ghar chaliye. Mera sar ghum raha hai.
Naman ne Preeti ko aaram se khade kar use apne gale lagaaye hue ek haath ko free kar apna phone nikaal driver ko call kiya aur use car laane ko kaha.
Vahi un dono ko dekh Jeetu hairaan tha. Uske dimaag me Naman ke aakhri shabdh ghumne lage. We are expecting. Iska matlab dono parents banane wale the. Par Preeti ki shaadi Naman se....
Oops! This image does not follow our content guidelines. To continue publishing, please remove it or upload a different image.
