💜💜
Veer din me hi jaldi ghar vapas laut aaya. Phone par use mehsus ho gaya tha ki YN kuch pareshan thi. Isliye vo laut aaya tha. Vo jaldi se apne room ki taraf jaane laga tha. Ki kitchen me kuch girne ki awaz sun vo kitchen ki taraf chala gaya.
To dekha unchaai par kuch saman uthaane ke liye Rima lagatar koshish kar rahi thi.
Veer chal kar uske paas gaya ki tabhi Rima ka balance bigada aur vo lagbhag girne ko thi ki Veer ne use apni baaho me use pakad kar liya.
Veer ne use daantate hue pucha : Aap kya kar rahi hai ye? Kya le rahi thi. Abhi gir jaati to?..
Rima ne Veer ko dekh dheere se kaha : Vo main achaar nikaalne ki koshish kar rahi thi. Mujhe pasand hai.
Veer ne Rima ko thik se khade karte hue kaha : Rukiye. Main nikaal kar deta hu.
Rima uski baat sun sar hilaate hue usase thoda dur khadi ho gayi.
Veer ne achaar ka dibbaa niche rakhte hue kaha : Lijiye. Jitna marzi ho khaaiye. Par agali baar dhyaan rakhiyega is tarah ki galti mat kijiyega.
Rima ne uski baat sunkar ek baar fir sar hilaa diya. Veer muskuraata hua ghum kar darwaze ki taraf badha to darwaze par khadi YN ko dekh uske hotho ki muskurahat fiki pad gayi.
YN bhi ab vaha se chali gayi. Use jaate dekh Veer jaldi se uske peeche peeche gaya.
Veer ne room me pohchte hi YN se kaha : Kya hua? Tum subah mujhe vapas aane ko kyu keh rahi thi.?
YN ne thoda gusse me kaha : Ha. Kaha tha par subah aane ke liye kaha tha. Ab kyu aaye?
Veer : Are.. ab aa gaya to isme kya pareshani hai?
YN ne muh ferte hue kaha : Kya pareshani.. acha chhodiye. Ye bataaiye aaj kal aap logo ko bahot achaar khilaa rahe hai. Mujhe to nahi khilaaya aap ne kabhi.
YN ki baat sun Veer muskuraaya aur usne YN ko peeche se apni baaho me bharte hue kaha : Tumne achaar khaaya hi kab tum to oranges khaati thi. Lots of oranges.
YN ye sun muskura di. Ye sach tha use apni pregnancy me shuruwaati dino me oranges khaana bahot acha lagta tha.
YN ne Veer ke haatho ko apne pet se hata uski taraf ghumte hue kaha : Acha 1 baat puchu?
Veer ne YN ke lips par ek soft kiss karte hue kaha : Ek nahi. Tum 2 pucho.
YN sharma kar muskura di. Aur usne naa me sar hilaate hue kaha : Nahi bas ek hi.
Veer : Ha bolo.
YN ne Veer ke seene par apne dono haatho ko rakh uski aankho me dekh badi masumiyat se usase pucha : Main aap ko kaisi lagti hu? Kya main aap ko sundar nahi lagti?
Veer YN ki baat sun use thodi hairaani se dekhne laga. Aaj se pehle YN ne kabhi bhi is tarah ka sawal usase nahi kiya tha. Aur ek baat aur thi ki kabhi usne bhi YN se kabhi uski sundarta ko lekar kuch nahi kaha tha.
Veer ne YN ke sar ko sehlaate hue pucha : Kya hua? Aaj kaisa sawal kar rahi ho?
YN ne uske gale lag zidd karte hue kaha : Jawab dijiye na. Kya ab main moti ho gayi hu. To aap ko achi nahi lagti?
Veer ne YN ke peeth par haath ferte hue pucha : Kisne kaha tumse ye sab?
YN ne naa me sar hilaa diya.
Veer ne YN ko apne samne thik se khada karte hue pucha : Bolo. Kya chal raha hai tumhare dimaag me. Pehle to meri aankho me dekho.
YN ne apna sar utha uski aankho me dekha to YN ki aankho me numi dekh Veer ne use apne seene se laga kar kaha : Biwi. Kya ho tum? Bina vajah koi kaise ro sakta hai. Samjhaao mujhe.
