Jeetu ne Janhvi ko lagbhag bed par fek diya aur uske pair pakad jhukna chaha tha. Ki uska phone bajne laga. Awaz sun Jeetu ne Janhvi ke pairo ko chhod diya aur bed se dur hat call pick kar baat karne laga, aur fir thodi der baad baat karte karte room se bahar nikal gaya.
Use jaate dekh Janhvi ne apne maathe par aayi paseene ki bundo ko poch jhat se bed se niche utar bhaag kar door band karte hue kaha : Ullu ka patta...
************************
Raat ke samay Veer jaldi se ghar aaya, aaj uski khair nahi thi. YN se usne vaada kiya tha. Ki vo use ghumane le jaayega. Aakhir unki pehli anniversary thi. Par use bade papa ko kisi jaruri kaam se shehar lekar jaana pada.
Veer chup chaap dabe paav room me enter hua to dekha room khali tha. YN nahi thi vaha.
Veer ne apne saath laaya hua cake vahi table par rakh watch me time dekhte hue kaha : Ye kaha gayi is time?
Raat ke 10 bajne ko the, Veer ne bathroom check kiya vo vaha bhi nahi thi. Vo ab room se bahar nikalne ko hua tha ki tabhi Veer ka phone bajne laga. Veer ne phone check kiya to Jishaan ka call tha.
Veer ne call pick kiya to Jishaan ne usase kaha ; Jaldi chhat par aa.
Veer ne mana karte hue kaha : Nahi bhai. Aaj nahi.
Jishaan Veer ki baat sun apna muh daba kar has diya. Par fir khud ko control kar usase kaha : Are bas 5 minute ke liye, kuch jaruri baat hai. Pine ke liye nahi bula raha.
Veer ne uski baat maante hue kaha : Acha. Thik hai. Fir aata hu.
Veer ne call cut kiya aur jaldi se chhat par jaane ke liye seedhiya chadh gaya. Chhat par aaya to dekha chhat par koi nahi tha. Puri chhat par andhera tha.
Veer ne Jishaan ko gaali dete hue kaha : Saala. Mujhe yaha bula kar khud gayab hai.
Veer ne itna keh kar ab apna phone nikaal Jishaan ko call karna chaha tha ki kisi ne uske haatho se phone chhin liya.
Aur peeche se use apni baaho me bharte hue kaha : Kitni jaldi bhadak jaate hai. Thoda to sabra karna chahiye.
Veer, YN ke ehsaas aur fir uski awaz sun kar hi samajh gaya tha ki uske peeche kaun hai. Veer ne muskurate hue YN ka haath pakad use apne samne khade kiya hi tha ki ek jhatke me sabhi chhat ki lights on ho gayi.
Isi ke saath hi vaha khade sabhi ghar walo ne chilaa kar ek saath un dono ko wish karte hue kaha : Happy marriage anniversary to both of you.
Veer ne sab ki awaze sun mud kar peeche dekha to bade papa ji ko chhod sab ke sab chhat par the. Veer un sab ko dekh hairaan tha..
Uski nazar ab apne aas paas ke nazaare par padi to dekha puri chhat ko flower aur lights se decorate kar dulhan ki tarah sajaya hua tha. Bich me table par ek chota sa ek cake rakha hua tha.
Oops! This image does not follow our content guidelines. To continue publishing, please remove it or upload a different image.
