Rowdy's love story! Book2

184. Dimaag par khoon sawar.....

💜💜

YN ne Veer ki baat sun dheere se kaha : Gaon me.

Veer uski baat sun thoda relax hua aur usne YN se pucha : Vo thik hai na?

Is par YN ne ha me sar hila diya. Aur fir apna muh fer liya. Use Simmi didi ne pehle hi samjha diya tha ki vo Veer ko kuch na bataaye.
Veer ko peeth par kafi gehra jakhma diya tha Bhavna ne aur sar par bhi. Vaise bhi ab Jeetu aur Jishaan aa chuke the. Isliye YN befikra ho gayi thi.

Veer ne apni bachhi ko dekh YN se pucha : Main ise god me le sakta hu na?

YN uske sawal par muskura di. Usne ha me sar hila diya.

To Veer ne uth kar cradle ke paas jaa bachhi ko dekhte hue YN se kaha : So rahi hai abhi to.

Veer ne YN ki taraf mudte hue kaha : Bilkul tum par gayi hai.

YN uski baat sun muskuraai. Jaise koi chota bachha kisi nayi chiz ko bade dhyaan se dekhta hai. Vaise hi Veer apni bachhi ko dekh raha tha.

Bachhi ab hilne lagi to Veer ne khush ho kar kaha : Ye jaag gayi.

YN ne Veer se kaha : Use yaha le aaiye.

Veer ne bahot sawdhani se apni bachhi ko god me uthaya to bas use ektak dekhta reh gaya. Kitni choti si thi vo. Soft kisi doll ke jaisi.

Veer ki aankhe ek baar fir bhar aayi. Aur usne apni aankhe band kar bachhi ke sar ko chum liya.
Aakhirkar itni musibato se lad kar vo aaj apne is sapne ko apne samne dekh paa raha tha.
Use aisa lag raha tha jaise uski choti behan vapas laut aayi ho. Veer ko ab apne papa mummy ki yaad aa gayi. Aaj agar sab kuch thik hota to vo sab saath hote. Magar kismat me kuch aur hi likha tha.

Veer bachhi ko YN ke paas le aaya aur usne bachhi ko YN ke paas leta, YN ke sar ko chumte hue kaha : Aaram Karo.

Uski baat sun YN ne jhat se pucha : Kaha jaa rahe hai aap?

Veer ne muskurate hue kaha : Badi maa se milne. Jab tak unhe apni aankho ke samne nahi dekh leta mujhe chain nahi aayega.

Veer ki baat sun YN ghabra gayi. Usne use rokne ki koshish ki to Veer ne thode gusse me kaha : YN please. Mujhe rokne ki koshish mat karo.