Rowdy's love story! Book2

116. Jeeju ka chela.

💜💜

Preeti ne Jeetu par gusse me bhadakte hue kaha : Nahi Jeetu. Tumhe meri kasam yaha mat aana. Main tumse milne nahi aaungi.

Jeetu ne uski baat sun jaldi se pucha : Tum aisa kyu kar rahi ho Preeti? Koi problem hai kya?

Preeti ne ab call cut kar diya, Jeetu ne uske aisa karne par fir se call back kiya, par fir se vahi vo uska call pick nahi kar rahi thi.
Use kayi baar call kar Jeetu pareshan ho gaya to usne gusse me apna phone patak diya.

*****************

Vahi idhar aaj, Veer aur YN Mayra aur Simran ke saath ke saath mandir aaye hue the.
Darshan karne ke baad Veer YN aur apni dono behano ko kheto par le gaya, kyunki YN ko khet dekhne the. Usne is tarah ka gaav ka mahol kabhi dekha nahi tha. To vo bas gaav ghumna chahti thi.

Vo log ab paidal hi kheto me ghumne lage the. Veer, YN ka haath pakade hue use le jaa raha tha, to un dono ko is tarah se dekh Mayra didi aur Simran didi muskura di.

Yaha tak vaha kaam kar rahe log bhi un dono ko hi dekh rahe the.

Mayra didi ne Veer ko chhedte hue kaha : Vishu. Ye mela nahi hai. YN kahi nahi hone wali.

Unki baat sun YN apna sar jhuka kar has padi.

To Veer ne uska haath pakadte hue kaha : Didi ye khone to nahi wali. Par yaha chalne me ise problem ho sakti hai.

Simran didi : Ohh.. to ye baat hai..!

Dono behane ab fir se hasne lagi. To YN ne Veer se apna haath chhundana chaha,.

Par Veer ne uska haath pakadte hue kaha : Aao tumhe kuch dikhata hu.

Vo YN ko apne sath le gaya. Aur kuch dur chalne ke baad usne YN ko dikhate hue kaha : Ye dekh rahi ho. Papa ne mere liye kheto me chota sa practice aakhaada banaya tha. Apne master ji ke boxing club se aane ke baad main yaha papa aur bade papa ke saath practice karta tha.

Kheto ke bich bane aakhaade me YN andar jaakar aakhaade ko dekhne lagi. Veer ke chehre par muskaan dekh uske chehre par apne aap hi muskaan aa khili thi.
Veer usase apni bachpan ki yaado ko sanjha kar raha tha.

Veer ne uske paas aate hue kaha : Sab kuch badal gaya yaha. Par ye aakhaada bade papa ne ab tak vaisa ka vaisa hi rehne diya.

YN ne use khush hote dekh apna phone nikal uski aakhaade ke sath snap bana kar apne friend circle aur Shravan ko send kar di.

Use video banate dekh Veer ne usase pucha : Ye kya kar rahi ho?

YN : Naina. Meri friend message kar puch rahi thi ki kya kar rahi hai to bas use hi bata rahi hu ki kya kar rahi hu.

Vo dono aage badhkar jaane ko hue the ki Mayra didi ne vaha aakar YN ka haath pakadte hue kaha : Mere saath aa YN. Sabse milvaati hu.

YN unke saath chali gayi. Aur vaha kaam kar rahe majdur kisaano ki biwiyo se baat karne lagi.
Vo log bhi YN ke vyavahaar se bahot khush thi.