💜💜
Preeti raat ke samay apne room me leti hui thi.
Ki tabhi Naman ka call uske phone par aane laga.
Preeti ne kuch der tak phone ko dekhne ke baad Naman ka call pick karte hue kaha : Hello.
Naman ne phone par Preeti se baat karte hue pucha : Kaisi ho?
Preeti ne uski baat ka jawab dene ki bajay phone call cut kar diya. Aur vo rone lagi.
Use bahot bura lag raha tha ki Naman sab jaan kar bhi ek baar bhi usase milne ya use dekhne hospital nahi aaya. Aur jab vo hospital se discharge ho kar ghar vapas aayi to ek baar fir Naman ki maa ne use jaleel karte hue ghar ke andar aane diya.
Preeti ne apne aansuvo ko poch kar bed par leti hi thi ki ek baar fir phone bajne laga.
Preeti ne call pick nahi kiya.
Kayi baar Naman ne Preeti ko call kiye to thak haar kar Preeti ne call pick kiya.
Udhar se Naman ne kaha ; Sorry.. sorry Preeti.
Mujhe mahableshwar aana pada. Meri baat ho gayi thi lucky se. Main subah tak vapas aa jaaunga.
Preeti : hmm...
Itna chota sa jawab sun Naman ko samajh aa gaya ki Preeti bahot naraz hai. Aur ho bhi kyu na usne kaam hi aisa kiya tha. Par vo kya karta farz ke aage vo majboor tha..
Naman ne Preeti se pucha : Doctor ne kya kaha? Tum thik to ho?
Preeti ne dheere se kaha : Ha.
Naman ne usase pucha : Aur humara baby?
Preeti ek pal ke liye khamosh reh gayi. Aur fir usne dheere se kaha : Vo bhi thik hai. Doctor ne kaha spoting aana normal hai. Tension ki koi baat nahi hai. Aur thoda bahot dard to hoga, mujhe Us time apni position badal leni chahiye to dard kam ho jaayega.
Naman ne uski baat sun dheere se kaha : Hmm. tum laaparwah ho. Khayal nahi rakhti apna.
Preeti : Nahi. Main rakhti hu.
Naman : Nahi rakhti. Chalo so jaao. Bahot late ho gaya hai. Byee good night. Love you..
Itna keh kar Naman ne call cut kar diya. Vahi uske aakhir me kahe shabdo ko sun kar Preeti shock thi.
Kya usne kuch galat suna tha. Nahi. Naman ne usase Love you kaha tha.
Pata nahi shayad usne galat suna tha..
********************
Vahi dusri taraf.
Jeetu, Janhvi ko Mumbai ghumaane le kar aaya tha. Kafi jagah par ghumne ke baad Janhvi ki zidd par vo dono chaupati gaye the.
Raat ho chuki thi. Jeetu car drive kar ab vapas laut raha tha. Uske bagal me thak kar chur ho chuki billi soyi hui thi.
Jeetu ne Janhvi ke chehre par aate uske baalo ko uske kaan ke peeche kiya to Janhvi ki aankh khul gayi.
Aur usne half open eye se Jeetu ko dekhte hue pucha : Kya hum pohch gaye?
Jeetu use dekh muskuraaya aur usne janhvi se kaha : Nahi.
Janhvi ne ab Jeetu ke kandhe par apna sar rakh liya to ye dekh Jeetu ne kaha : Kya kar rahi ho,,? Mujhe distract mar karo.
Janhvi ne dur hatate hue kaha : Distract. Par maine kya kiya?
Jeetu ne muskurate hue kaha : Mere karib aaogi to dhyaan to bhatkega na.
Janhvi uski baate sun use naa samjhi me dekhne lagi. Vahi Jeetu ne paas me rakhi wine ki bottle apne muh se laga li.
Use is tarah se dekh Janhvi ne Jeetu se pucha : Tum... Nahi aap.!
Jeetu uske bolne par has diya. Usne Janhvi ke gaal khinchte hue kaha : Tum na mujhe tum hi kaho. Aap sunane ki ab mujhe khud aadat nahi hai.
