Amrit aur Amit ne palat kar dekha to Jishaan Amrit ka haath pakad kar khada hua tha. Jishaan ko dekh Amrit ke pairo tale jameen khisak gayi. Aur vo ghabra gayi. Usne apna haath chhudana chaha tha. Ki tabhi vaha par ek car aakar ruki, aur Jishaan ne Amrit ko apne saath khinch kar us car me dhakel khud uske saath beth kar vaha se nikal gaya.
Amit achanak se, ye kya hua tha is sab se bahar aaya. To usne jaldi se auto pakad Jishaan ki car ka peecha karna chaha.
Idhar car me Amrit dar kar ek side satt kar bethi hui thi. Ki tabhi aage bethe Veer aur Jeetu par uska dhyaan gaya. Jeetu is samay car drive kar raha tha. Aur Veer uske paas betha hua tha.
Amrit ne himmat kar ek nazar Jishaan ko dekhte hue kaha : Main aap ke saath nahi rehna chahti. Please jaane dijiye mujhe.
Jishaan uski baat ko sun kar bhi khamosh raha to Amrit ki aankho me ab aansu bhar aaye. Vo kampne lagi thi Jishaan ka gusse me tamtamaya chehra dekhkar.
Kuch hi der me vo log vapas Jishaan ke flat par laut aaye the.
Jishaan ne car se nikalte hi dusri side jaa kar Amrit ka haath pakad use bahar nikala.
To Amrit ne rote hue kaha : leave my hand Mr. Kapur. Main nahi rehna chahti aap ke sath.
Par Jishaan uski ek naa sunte hue use jabardasti apne saath khinch kar le jaane laga tha. Jeetu aur Veer bhi un dono ke peeche peeche gaye.
Jaise hi vo log upar flat me pohche the ki Veer ne Jishaan ka haath pakadte hue kaha : Chote. Chhod use.
Par Jishaan ne gusse me Veer se kaha : Veer. Tu bich me mat pad.
Itna kehkar vo Amrit ko apne saath room me khinch kar le gaya to Veer ne apne muh par haath rakh pareshan hote hue kaha : Ye gusse me kuch galat na kar bethe.
Jeetu ne use samjhaate hue kaha : Mat tension le. Vo kuch nahi karega. Pyaar karta hai usase.
Udhar Jishaan jaise gusse me jwalamukhi ki tarah bhadak raha tha.
Usne door lock kar Amrit ke chehre ko apne haath me lekar apni pakad ko majbut kar use wall se pin kar diya.
Amrit dard se karah uthi magar Jishaan ko is sab se koi farak nahi pada.
Usne gusse me Amrit se apne daat piste hue kaha : Open your eyes
Amrit ne ab bhi apni aankhe band kiye hue hi dheere se kaha : Please mujhe chhod dijiye.
Tabhi Amrit ke kaano me Jishaan ke hasne ki awaz sunaai di.
To usne apni aankhe dheere se khol Jishaan ko dekha tha ki Jishaan ne ek baar fir uske gaalo ko apne haatho me le jor se pakadte hue kaha : Badla lena chahti thi na. Jaise maine tumhe chhoda vaise tum mujhe chhod kar jaaogi. Tumhe kya lagta hai ki main bewkoof hu. Nahi samjhunga ki achanak se tumhe mujh par pyaar kaise aane laga.
Amrit ne jhatpatate hue Jishaan ki pakad se apne muh ko chhudvana chaha tha ki tabhi Jishaan ne uske jabde ko aur jor se dabate hue gusse me kaha : Pata hai, ek pal ke liye tumhe dekh mujhe aisa laga ki, nahi tum sach me mujhse pyaar karti ho. Main behak gaya tumhare jhuthe pyaar me. Magar jaldi hi tumne mujhe hosh me laa diya. Tumhe kya laga main so gaya tha.
Ye kehkar Jishaan ne Amrit ko chhoda to vo apna muh pakadkar vahi niche beth kar rone lagi.
Oops! This image does not follow our content guidelines. To continue publishing, please remove it or upload a different image.
