Rowdy's love story! Book2

134. Just let me hug you for a while.

💜💜

* Are beta sambhaal kar kaha bhaagi jaa rahi ho.*

Apne samne khade Jishani ke mama ki baat sun Amrit halka sa muskura di.
Vo humesha koshish karti thi ki vo inke samne Naa aaye par aa hi jaati thi.

Amrit ne man hi man mama ko dekhte hue kaha : Tharki Buddha. Ab naa jaane kitni der tak pakayega apni baato se.

* Kaha kho gayi *

Itna kehkar mama ne Amrit ke kandhe par haath rakhna chaha tha,

Usase pehle Amrit jaldi se dur ho vaha se jaate hue boli : Sorry mama ji. Main aap se baad me milti hu. Abhi filhaal mujhe Jishani ma'am ko call karna hai. Bahot kaam hai.

Itna kehkar vo jaldi se vaha se bhaag nikali thi.

Use dekh mama ne muskurate hue dheere se kaha : silly girl.

*****************

Vahi dusri taraf, din me,

Jeetu, Veer ke saath apne kaam ke silsile se shehar aaya hua tha. Vo dono jaldi hi gaon me ek petrol pump kholna chah rahe the.

Veer to filhaal mandi jaa chuka tha. Use vaha par kuch kaam tha.

Vahi Jeetu khaana khaane ke liye yahi city me hi bane Veer ke ghar ja raha tha.
Vo bike start karne ko hua hi tha ki uski nazar apne se kuch duri par khadi Pani Puri khaati janhvi par gayi.

Use dekh kar Jeetu ko hasi aagayi, asal me Janhvi ne aaj apne baalo ki 2 choti banayi hui thi. Aur vo bahot cute lag rahi thi.

Jeetu ne ab bike stand par laga di. Aur jaake uske peeche khada hogaya tha ki, Akansha ne use dekh muskurate hue kaha : Hi.

Jeetu ne bhi muskurate hue kaha : Hi.

Vahi Janhvi aaj sun jaldi se mudi to apne peeche khade Jeetu ko dekh Pani Puri uske haath se chhut kar niche giri. Vo use yaha dekh chaunk gayi thi.

Jeetu use dekh muskuraya. Par Janhvi usase muh fer kar khadi ho gayi. Aur Pani Puri khaane lagi.
Jeetu ko Janhvi ka is tarah use ignore karna ajeeb laga tha vo kuch bol paata usase pehle...