💜💜
Naman ne Shivani ko jhanjhkorte hue use uthaane ki koshish ki to Shivani ne apni weak voice me kaha : Dad..
Subah ke 5 baj chuke the. Veer dawaiyo ke asar ki vajah se behoshi ke halat me tha.
Vahi hospital ke dusre room me, aakhirkar itni musibato ke baad Veer ki choti YN is duniya me aa chuki thi. YN ne ek pyaari si beti ko janma diya tha. Dilivery normal thi. Aur is samay uske paas Simmi didi aa gayi thi.
Ghar me sab ko pata chal gaya tha Bhavna ki asliyat ke baare me.
Chiraag jeeja bhi apne papa ke saath hospital aa chuke the. Bhagwan ka laakh laakh sukra tha ki Mayra didi ab thik thi.
Vahi badi maa unka abhi tak kuch pata nahi chal paaya tha.
Idhar, bahar Jeetu, Janhvi, Jishaan, aur Amrit jaldi se hospital ke andar pohche.
Jeetu ne Chiraag jeeja ko dekh unke paas jaate hue pucha : Veer kaha hai?
Jeeja ji ne use shant karte hue bataya ki vo thik hai.
Unhone khush ho Jeetu ke gale lag kar kaha : Badhaai ho. Chachu ban gaye tum.
Unki baat sun Jeetu ke chehre par se dar halka sa kam hua vahi Jishaan ne aage badh Jeetu ke gale lagte hue kaha : Jeetu hum chachu ban gaye.
Jeetu ye khabar sun dheere se muskura bhi diya.
Thodi der tak yuhi khushi ka mahol ban gaya tha.
Ki tabhi jeeja ji ne un dono ko bataya ki badi maa ka ab tak kuch pata nahi chala hai.
Idhar, Janhvi aur Amrit. YN ke paas chali gayi.
Is din ka Veer ko badi besabri se intejaar tha. Par ye kisi ne nahi socha tha ki ye din is tarah se aayega.
*********************
Jeetu aur Jishaan, jeeja ji se baat karne ke baad ab is samay police station me the.
Jishaan ne apne paas khade Naman se kaha : Bhavna didi itni shaatir niklengi. Ye maine kabhi nahi socha tha.
Naman : Hmmm... Case humne sirf duniya ke liye band kiya tha. Baaki humari investigation chalu thi. Jab haar kar kuch samne nahi aaya to humne jail me band Rajiv ke kaano tak ye baat pohchaayi ki bhaijaan ke sabhi jurmo ki saza milegi aur use fansi hone wali hai.
Sochi samajhi chaal kamyaab bhi hui. Aur Rajiv ne saara sach khol kar samne rakh diya. Ki asal me Shiv vo to Bhavna ke haatho ki kathputli tha.
Bhaijaan vo nahi Bhavna thi. Bhavna ke isharo par drugs, hathiyaar, India aur out of india supply kiye jaate the.
" Amma ji ke kothe par jis din Rajiv ne apni aankho se Veer ko dekha tab use yakin hua ki Viransh Singh zinda hai. Vo Viransh Singh jiske pure pariwaar ko Bhavna ne khaane me zehar mila kar sab ko maar diya tha. Koi sabut naa mile iski khaatir usne Viransh ke ghar ko jala dala.
Naman ki baat sun Jeetu aur Jishaan use hairaani se dekhne lage.
Naman ne apna sar hilaate hue kaha : Ha. Vo Bhavna thi jis ne Viransh ke pariwaar ko khatam kiya. Kyunki usi shaam Vijender Singh yaani Viransh ke papa aur unki patni Bhavna ka sach khud uske muh se sun chuke the. Aur aaj is Bhavna ne ek aur begunaah ki jaan lene ki koshish ki.
Naman ki baat sun Jeetu ne pucha : Jaan..
Naman ne haa me sar hilaate hue kaha : Ha. Shivani use goli lagi hai. Uski jaan khatre me hai. Mr. Sahay ko inform kar diya gaya hai.
Jeetu aur Jishaan ek dusre ko dekhne lage.
Jishaan ne Naman se pucha : kya Bhavna ne hi Shiv ko maara tha?
Naman ne uski baat sun kar jawab dena chaha tha ki tabhi paas hi table par rakha uska phone bajne laga.
Jeetu aur Jishaan dono ka dhyaan bhi uske phone par gaya.
Jeetu Naman ke phone par aate Preeti ke call ko dekh bahar nikal gaya.
Vahi Jishaan use is tarah dekh jaldi se uske peeche gaya. Aur usne Jeetu se pucha : Kya hua? tu itne gusse me bahar kyu nikal aaya?
Vahi Naman ne call pick karte hue kaha : Ha.
Udhar se Preeti ne gusse me kaha : Kaha hai aap? Aise kaise aap bina kuch bole chale gaye?
Uski awaz sun Naman thoda muskuraya aur usne dheere se pucha : Itni jaldi uth gayi, raat me thik se soyi nahi thi kya tum?
Is par Preeti ne gusse me kaha : Ab aap ki baaho ke ghere ke bagair neend aati kaha hai.
Naman ne hairaani se pucha : Kya kaha tumne?
Naman ke is tarah se puchne par Preeti ko ehsaas hua ki vo kya bol gayi.
Ye sach tha ki use pata chal chuka tha ki Naman raat me use apni baaho me bhar kar soya karta tha. Usne 1-2 baar koshish ki uski pakad se azad hone ki par vo nahi ho paayi. Isliye use bhi isi tarah sone ki adat pad gayi.
Preeti ne call cut kar diya. Naman muskuraaya ki tabhi inspector ne aa kar use inform kiya ki Bhavna se badi maa ka pata chal chuka hai.
Ye sun Naman jaldi se apni cap pehan bahar nikal aaya.
Idhar Jeetu aur Jishaan vo to pata chalte hi police se pehle vaha nikal gaye.
*********************
Vahi hospital me,
Veer ko hosh aaya to aise hi shirtless apne room se bahar nikal kar aaya. Aas paas koi apna nahi mila to call kar jeeja ji se pucha : Hello jeeju. Aap sab log kaha hai?
To jeeja ji ne use bataya ki sab dusre floor par hai jaha Mayra didi aur YN admit thi.
Veer lift se upar pohcha to jeeju ko samne se aate dekh usne unse pucha : Didi..vo kaisi hai ab?
Jeeju ne muskura kar use sambhaalte hue kaha :
Vo thik hai. Tum YN aur apni choti YN se mil lo.
Ye sunte hi jaise Veer puri tarah se hosh me aa gaya aur usne dheere se pucha : Kya kaha aap ne?
Is par jeeja ji muskuraaye aur unhone Veer ka haath pakad use YN ke room ke bahar tak chhodte hue kaha : Jaao mil lo. Raat bhar se pareshan hai tumhare liye.
Veer ne haa me sar hilaaya aur unhe dekh andar chala gaya.
Veer andar aaya to YN ke paas bethi janhvi uth khadi hui.
Subah ke 6 baj chuke the aur YN ki ab aankh lag chuki thi.
Janhvi ne Veer ko dekh kuch bolna chaha magar Veer ne use apni ungali se chup rehne ka ishara kiya.
YN ko dekh Veer muskura diya aur jab uski nazar YN ke paas rakhe cradle par gayi to chehre par kuch alag bhaav aa gaye.
Veer ki aankho me numi ban aayi aur usne dheere se kaha : Meri bachhi..
Vo dheere se chal kar cradle ke paas aaya to usme soyi nanhi si jaan ko dekh Veer ki aankho me bhare aansu chhalak aaye. Us nanhi pari ko ek white cloth se ache se cover kiya gaya tha.
Bachhi soyi hui thi. Veer ne use dekh kar chhune ki koshish ki magar kahi uski neend kharab naa ho jaaye is dar se apne haath peeche khinch liye.
Ye ek naya ehsaas tha jo Veer is samay mehsus kar paa raha tha. Par use hosh nahi tha.
Tabhi use YN ki awaz sunaai di.
YN jaag gayi thi aur usne Veer ko dekhte hue kaha : Viransh..
Veer uski awaz sun muda aur vo YN ke paas jaldi se aaya. YN ne use dekh uthne ki koshish ki to Veer ne use daantate hue kaha : Chup chaap leti raho.
YN uski awaz sun seham gayi thi. Ki tabhi Veer ne uske paas beth uske haath ko apne haath me le kar chum liya.
Veer ke aisa karne par Janhvi ab jaldi se bahar nikal gayi.
Idhar Veer ne jhuk kar YN ke sar ko chumte hue kaha : Thank you biwi. Is nanhi jaan ke liye.
Veer ki halat dekh YN ke aankho se aansu behne lage. Usne Veer ka haath pakad chumte hue pucha : Aap thik to hai na? Kitni chot lagi hai aap ko.
Veer ne YN ke sar ko sehlaate hue kaha : Shhh...
Thik hu main. Dekho.. kuch nahi hua.
YN ne dheere se pucha : Sach keh rahe hai na.. kahi dard to nahi ho raha na?
YN ki masumiyat bhari shakal ko dekh vo has diya. Aur usne dheere se uske lips par kiss karte hue kaha : Bilkul thik hu.. aisi chonte to kayi baar lagi hai mujhe.
To YN muskuraai aur ab dono cradle me soyi hui bachhi ko dekhne lage the.
Ki tabhi Veer ne YN se pucha : Badi maa. Badi maa kaha hai?
===============================
