💜💜
Amrit rote hue vahi wall se satt kar so chuki thi.
Vahi hall me Jishaan ne apne haath me pakda glass gusse me dur fekte hue kaha : Sab kuch chhod.! Maine khud ko badla taaki main uske laayak ban saku. Par use. Use to mere pyaar par bharosa hi nahi hai. Use meri koi kadar hi nahi hai.
Jeetu ne Jishaan ki baat sun use uth kar apne gale lagaana chaha tha, ki Veer ne use ishara se mana kar diya. Aur use vapas bethne ko kaha.
Vahi Jishaan ne ab apna sar jhukaye hue kaha : Veer. Kya main itna bura hu ki Amrit mujhe chhod kar jaana chahti hai.
" Jaanta hu ki maine bahot bure kaam kiye hai. Par kyu? Kyunki meri sangati ka asar mujh par aaya. Vo kehte hai na jaisi sangat vaisi rangat.
Shiv ki sangat me kab Amma ke kothe ke chakkar lagana sikh gaya mujhe pata hi nahi chala.
Aur ye Jeetu tere saath raha to vo in sab chizo me pada hi nahi.
" Maine khud apni zindagi apne haatho barbaad ki hai. Mera teri tarah ek happy family ka sapna bas sapna hi bankar reh gaya.
Itna keh kar Jishaan ab uthne ko hua tha ki Veer ne uska haath pakad use vapas bethate hue kaha : Ho gaya tera. Nikaal li tune apne man ki bhadaas ya ab bhi kuch aur baaki hai.
Jishaan ne use apni band hoti aankho se dekhne ki koshish karne laga to Veer ne uske gaal par haath rakhte hue kaha : Jaa. Jaa kar so jaa. Subah baat karenge.
Jishaan ne use room me jaane se mana kar diya ki vo Amrit ke paas nahi jaayega.
To Veer aur Jeetu pareshan ho kar use dekhne lage.
Jeetu ne ab haar maante hue kaha : Veer. Tu apna dekh le. Main to yahi carpet par hi so raha hu. Mujhe neend aa rahi hai. Aur is bhoot ke chakkar me pade to iska rona abhi band nahi hone wala.
Jeetu ki baat sun Jishaan ne use 2-4 gaaliya de daali.
Par Jeetu apne kaan band kar sofe se cushion utha kar niche hi let gaya.
Vahi Veer vo Jishaan ko daant laga kar sulaane laga.
**********************
Subah ke samay,
Amrit ki aankh khuli to uske gale me dard ho raha tha. Shayad gardan akad gayi thi. Magar apne dard ko bhul use kal raat ki yaad aayi. To vo jaldi se apni gardan pakad kar uth gayi.
Use kuch samajh nahi aa raha tha, ki vo Jishaan ko kaise samjhaaye ki vo uske karib aayi vo dikhaava nahi tha. Vo usase pyaar karti hai. Aur usase dur jaane wali thi to bas ek aakhri baar uske pyaar ko mehsus karna chahti thi. Par shayad usne galti kar di thi.
Amrit ne rote hue khud se kaha : Ab main kya karu? Kaise samjhaau Mr. Kapur ko.
Amrit kuch sochte hue baathroom chali gayi.
Kuch der baad vo naha kar bahar aayi aur ready ho kar room ke bahar gayi to living hall ka nazara dekh hairaan thi.
Bade sofe par Jishaan soya hua tha. Aur uske side ke chote sofe par Veer adjust ho kar soya hua tha. Aur Jeetu vo to niche hi so gaya tha.
Un teeno ko dekh Amrit ke hotho par muskurahat aa gayi.
Par fir sab kuch chhod usne Veer ko jagaya to usne Amrit ko apne samne khade dekh usase pucha : Ha. Kya hua?
Amrit ne Veer se kaha : Mujhe YN se baat karni thi.
Veer ne uski baat sun uthkar apna phone nikaal YN ko call laga kar phone Amrit ko pakda diya.
Amrit usase phone lekar room me vapas aagayi. Aur udhar YN ne call pick kiya to Amrit ne bina pal gavaye YN ko sab kuch bataya.
YN ne use samjhaate hue kaha : Ye kya kiya Amu tumne? Maanti hu ki bhai ne tumhare saath galat kiya tha. Par vo galat bhi tumhari khaatir kiya tha. Unhe lagta tha ki vo tumhare layak nahi the.
