💜💜
YN, Veer ki awaz sun jaldi hi bathroom se bahar nikal kar aayi. Aur usne Veer ko dekhte hue pucha : Kya hua? Chilla kyu rahe hai?
Veer ne gusse me, YN ko dekhte hue apne paas khinch kar usase kaha : Kya hai ye sab? Kaha jaana hai tumhe?
YN ne Veer ke haath me apna form dekha to muskurate hue kaha : Are ye.. iske baare me main aap ko batane wali thi.
Veer : Kab? Aur tumne ise fill kar diya. Kyu? Ek baar mujhse pucha?
Veer ko bhadakte dekh YN ka chehra murjha gaya. Aur usne dheere se kaha : Aap chilla kyu rahe hai? Ek baar hum baat kar lete hai.!
YN ne Veer ke haath se form lekar kaha : Meri documents ki file me mila ye mujhe. Aur abhi ka nahi 2 saal purana form hai. Ye dekhiye..
Veer ne YN ki baat sun form dekha to vakayi vo 2 saal purana form tha. Vo bhi pagal hai na jaane kya soch betha.
YN ne Veer ko dekhte hue kaha : Har saal Mumbai hotel wow me idea's best master chef ka competition hota hai. Peechle 2 saalo me nahi le paayi thi socha tha is baar lungi. Kyunki har baar exams ki vajah se jaana nahi ho paata tha. Par is baar ye aagaya.
YN ne apna pet pakad liya.
To Veer ne use agale hi pal apne gale se laga kar kaha : Ha. Isi vajah se to. Mujhe laga tumne form fill kar diya. Aur mujhe bataye bagair Mumbai jaane ki taiyaari me ho.
Abhi pehle tum khudka khayal rakho. Uske baad in sab chizo par dhyaan dena.
YN ne Veer ki baat sun kar jaldi se haa me sar hila diya. Aur apne haatho ko uski kamar ke aas paas lapet liya.
Vahi YN ne apna thuk gatakte hue man me socha : Jiska dar tha vahi hua. He Mata Rani maine to online form bhar diya. Aaj last date thi.
Puchne ka mauka hi nahi mila tha.
Veer ne ab YN ko dur karte hue kaha : Hum Holi baad shehar jaa rahe hai.
YN ne jaldi se pucha : kyu?
Veer : Kyu kya? Shehar me har tarah ki facilities hai. Hospital bhi paas me hai aur aise me ab tumhara vahi rehna thik rahega.
YN : Magar fir aap kaam kaise sambhalenge?
Veer ne YN ko bed par bethate hue kaha : vo to sab sambhal lunga. Yaha se main city dur hi kitni hai. Bas yahi 1 ghante me pohch jaate hai. Aur vaise bhi tumhare saath Bhavna didi rahengi to mujhe bhi up down karne me koi problem nahi hogi.
YN ne Veer ki baat sun apna sar hila diya. Par man us form par atka hua tha. Use pehle hi pata tha ki Veer use is halat me kahi nahi jaane dega par man nahi mana to form fill kar diya.
******************
Vahi dusri taraf,
Janhvi ke ghar par uske bhaiya bhabhi ka vahi natak ab bhi jaari tha.
Jyoti ne Janhvi ko ghar ke andar aate dekha, to Janhvi ko pakadte hue kaha : Janhvi, tu hi samajha na papa ji ko. Teri baat nahi talenge. Ho gayi humse galti par ab aisa kuch nahi hoga. Koi bhi faisla hoga to papa ji ko marji jaan kar hi hoga.
Janhvi apni bhabhi ko ache se jaanti thi ki ye magarmachh ke aansu dikhaane wali aurat hai.
Kabhi nahi sudhregi isliye vo bina kuch bole hi andar chali gayi.
To ab Jyoti ek baar fir Janhvi ki mummy ke pair pakad kar rone lagi.
Janhvi ki mummy ne ek nazar apni naatin aur apne bete par dalte hue Janhvi ke papa se kaha : Jaanti hu ki aap ka vishwas toota hai par ye..
Vo aage kuch keh paati usase pehle Janhvi ke papa gusse me ghar se bahar nikal gaye.
******************
