Rowdy's love story! Book2

160. Mujhe sukoon chahiye.

💜💜

Utho Janhvi, Janhvi utho.,!

Jeetu ki awaz sun Janhvi ne apni aankhe band kiye hue hi usase kaha : Nahi. Thodi der aur sone do.

Jeetu ne janhvi ki baat sun uska haath pakad use bed par bethate hue kaha : Nahi. Jaldi se ready ho jaao. Hum niklenge.

Jeetu ki baat sun kar Janhvi ki neend jaise puri tarah khul gayi thi.

Usne idhar udhar dekhte hue Jeetu se pucha : Kya kaha?

Jeetu ne uske chehre ko apne haatho me le kar kaha : Jaago Janhvi. Apni aankhe kholo. Hume nikalna hai. Vo bhi sabke uthne se pehle.

Janhvi ne uski baat sun apna sar hilaaya. To Jeetu ne use samjhaate hue kaha : Apne saath vahi saman lena jo tumhari mummy ne tumhe diya hai. Badi maa ya Bhavna didi ghar me se kisi ka bhi saman apne saath nahi le jaana hai tumhe.

Janhvi Jeetu ke kehne ka matlab samajh gayi thi.
Jeetu uth kar apna saman pack karne laga.
Vahi Janhvi ne phone check kiya to subah ke 4 bajne ko the. Vo ab jaldi se uthi aur vo bathroom me chali gayi.

Ek ghante se bhi kam samay me Jeetu aur Janhvi Shanti nivaas chhod gaon ke kachhe raste se ho kar bus stand pohch gaye the.

*******************

Idhar Shanti nivaas me,

Subah ke samay Veer Jishaan ke room ke bahar aa kar khada hua aur usne jhijhakte hue door knock kiya.

Jishaan ne kuch hi der me door open kiya.
Veer ko apne samne khada dekh usne kuch react nahi kiya. Aur chup chaap room me chala gaya.

Veer ne bhi room ke andar aate hue usase kaha : Chote.

Par Jishaan ne use ansuna kar apna kaam jaari rakha.

Veer ne Jishaan aur Amrit ko saman pack karte dekh Jishaan ka haath pakadte hue pucha : Kaha jaa raha hai?

Jishaan ne usase apna haath chhudaate hue kaha : Jeetu ki shaadi ke liye aaya tha. Shaadi ho gayi to ab vapas jaa raha hu.

Veer ne jaldi se kaha : Aaj aur ruk jaata. Kal chale jaana.