💜💜
Jeetu vapas laut hi raha tha ki tabhi achanak kuch dekh uske badhte kadam ruk gaye. Andhere me ek bade se patthar ki oat me ek ladki chup chaap apna chehra apne ghutno ke bich chhupa kar bethi hui thi.
Jeetu ko us ladki ko dekh samajhne me jara bhi der nahi lagi.
Ye aur koi nahi Janhvi thi.
Jeetu jaldi se bhaag kar uski taraf gaya..
Usne Janhvi ke paas uske barabar beth khush hote hue kaha : Janhvi.
Us ladki ne Jeetu ki awaz sun apna chehra uthaya to use dekh Jeetu ne khush ho aage badh kar use apni baaho me bharte hue kaha : Janhvi.. meri jaan. Tumne to meri jaan nikaal di thi.
Janhvi ne Jeetu ki baat sun kuch nahi kaha. Vo chup chaap uske gale lagi rahi.
Jeetu ne usase alag ho kar uske sar ko, uske hotho ko chumte hue kaha : Sorry baby. Mujhse bahot badi galti ho gayi. Mujhe maaf kar do.
Janhvi ne apni palko ko utha Jeetu ko dekha aur fir uske paas se uth dheere se kaha : Mujhe ghar jaana hai.
Jeetu ne ye sunte hi sar hilaa kar kaha : Ha chalo.
Jeetu ne ab Janhvi ka haath pakad liya. Par Jeetu ko naa jaane kyu Janhvi kuch badli hui si nazar aayi.
Khair, vo is samay uske milne par khush tha. Isliye usne ab aur kisi baat par gaur nahi kiya. Jeetu ne Jishaan ko bhi call kar inform kar diya ki use Janhvi mil chuki hai.
*********************
Vahi Punjab me,
YN ko aaj cramps jaisa mehsus ho raha tha.
Vaise bhi ab uski delivery ka time paas aa gaya tha. Aise me use lower back pain, uneasiness feel hona ye sab to laga hi rehta tha.
Uski dekh bhaal ke liye badi maa aur unke saath Mayra didi bhi ab YN ke paas din me hi aa chuki thi.
Raat ke khaane ki taiyaari ke samay Mayra didi ne YN se pucha : YN. Ye Vishu. Ab tak kyu naa aaya?
YN ne apne pet par haath rakh ahista se uth kar kaha : Vo bas aate hi honge.
Asal me Veer aaj badi maa aur Mayra didi ke aane se pehle din me Rima ko chhodne gaya tha.
Uska bhai use bus stand par lene aane wala tha.
Par Veer ko gaye hue ab to shaam se raat ho chuki thi. Uska kuch pata hi nahi tha. Aur phone bhi band jaa raha tha.
Khaana ban chuka tha. Aur sab khaa chuke the. Par abhi bhi Veer nahi aaya tha. YN pareshan ho use fir se call lagi to,
Mayra didi ne usase phone chhinte hue kaha : Bas kar. Aa jaayega. Tu yaha beth. Tere pairo ki malish kar deti hu. Dekh kitne suje hue hai.
Unki baat sun YN ne mana karte hue kaha : Nahi didi. Rehne dijiye.
Is par Mayra didi ne use daantate hue kaha : Chup. Badi main hu ya tu? Main na.. to chalegi kisi ki.. isliye tu bed par beth..
YN unki baat maan kar ab chup chaap se bed par beth gayi. Vahi Mayra didi ne bhi uske pairo ke paas beth ab dheere dheere uske pairo me malish karne lagi.
***********************
Mumbai me,
Jeetu Janhvi ko ek alag hi jagah le aaya tha.
Hotel ke luxurious honeymoon suite ko dekh Janhvi hairaan thi.
Ye sab to usne movies me yaa to TV serials me dekha tha.
Red roses ki petals se aur khushboodar candles se saja unka room behad khubsurat lag raha tha.
Room me bade se bed par white bedsheet par roses se sajaya gaya tha. Jis par 2 champagne ki bottles bhi bich me rakhi hui thi. Aur room me bajne wala soft music vaha ke mahol ko romantic bana raha tha.
Janhvi hairaani se sab dekh rahi thi.
Tabhi Jeetu ne use peeche se apni baaho me bharte hue pucha ; Kaisa lag raha hai?
Jeetu ne uske hotho par kiss karte hue kaha ; Tum betho main fresh ho kar aata hu.
