💜💜
Jeetu bathroom se nikal room me aaya to Janhvi ne use dekh apna sar jhuka liya.
Jeetu use dekh halka sa muskuraya. Aur usne bed ke paas jaa jhuk kar Janhvi ka pair pakad use apni taraf khincha.
Janhvi chilaayi : Kya kar rahe ho?
Par Jeetu ne kuch kehne ki bajay uski kamar ko apne haatho se pakad liya. Aur bas uske pet me apna chehra chhupa kar let gaya.
Janhvi shock ho ek tak ceiling fan ko dekhne lagi.
Jeetu ke hotho ko apne pet par mehsus karte hue uska dil joro se dhadakne laga tha.
Dil itna shor karne lagta tha ki Jeetu ne apna sar utha Janhvi se kaha : So jaao.
Itna keh kar Jeetu ek baar fir uska pet pakad kar let gaya to,
Janhvi ne ab himmat kar apne gale ka thuk gatakte hue kaha : Main aise nahi so paaungi.
Jeetu ne uski awaz sun sar uthaya aur uske barabar aa uske upar jhukte hue pucha : Kyu? Kya pareshani hai?
Janhvi ne apne dono haath Jeetu se seene par tikaate hue kaha : Tum. Tum ho pareshani. Mujhe itna chipak kar sone ki aadat nahi hai.
Jeetu janhvi ki baat sun use dekhne laga. To Janhvi bhi uski aankho me dekhne lagi.
Tabhi Jeetu ne Janhvi par aur jada jhukna shuru kar diya to Janhvi ke chote haath ab Jeetu ka vajan aur jada sehan nahi kar paaye.
Usne apne haath hata liye to Jeetu Janhvi ke upar aagaya. Dono ke bich ki duri mit gayi.
Jeetu ka seena Janhvi ke ubhare hue seene se takraya to Janhvi ka chehra sharam se laal pad gaya. Usne apni aankhe band kar li, aur kuch kehne ke liye muh khola hi tha ki,
Jeetu ne apna haath badha uske muh ko band karte hue dheere se uski band palako ko dekhkar kaha : Aadat nahi hai to aadat pad jaayegi. Hum dono pati patni hai. Ye to humare bich kuch bhi nahi hai.
Jeetu ne ab Janhvi ke muh se apna haath hataya to Janhvi ne kaha : Nahi..main..! Main..! Tum.. nahi aap.. had paar kar rahe hai.
Janhvi ki kaampti hui awaz aur hilte hotho ko dekh Jeetu ke chehre par ek badi muskaan khil uthi.
Jeetu ne Janhvi ke kaan ko apne hotho se daba kar dheere se kaha : Tum had paar karne kaha de rahi ho.
Itna keh kar Jeetu ne Janhvi ke kaan ko apne daato ke bich dabaya to Janhvi ki sisaki nikal gayi. Uske haath apne aap hi ab Jeetu ke kandho par aa tike.
Jeetu ne bhi use kamar se pakad apni baaho me lekar ab uske gaal ko chumna shuru kar diya.
Janhvi ne fir se apni aankhe bhinch is baar Jeetu ko apni baaho me bhar liya.
Vo ye sab bardasht nahi kar paa rahi thi. Use sharam aa rahi thi. Jeetu ke hoth ab bhi uske gaal par the. Uska touch Janhvi ko acha lag raha tha.
Jeetu dheere dheere uske chehre ko chum raha tha. Jiske karan Janhvi ko apne pet me halchal mehsus ho rahi thi. Man khushi se hilore le raha tha. Badan me siharan paida ho chuki thi.
Jeetu ne ab achanak se Janhvi ki chin ko apni muh me le kar kata to uske muh se ek aah nikal gayi.
Janhvi ne apni aankhe khol ab jhatpatate hue kaha : Chhodo mujhe.. bahot ajeeb lag raha hai.
Jeetu ne Janhvi ko apni baaho me kaid karte hue kaha : Kuch ajeeb nahi hai. Shant rakho khud ko.
Janhvi ne apna sar hilaate hue kaha ; Nahi.
Janhvi ne apni puri takad laga Jeetu ko dur dhakel diya. Aur khud palat gayi. Usne apna chehra pillow me chupa liya.
Sharam se vo kahi jaa kar chhup jaana chahti thi.
Par Jeetu vo use is tarah dekh bechain ho gaya.
Vo uske karib aaya aur usne janhvi se kaha : Janhvi. Tum bura maan gayi kya? Sorry. Main ab kuch nahi karunga.
Janhvi ne Jeetu ki baat ka abhi bhi koi jawab nahi diya to Jeetu ne use ek jhatke me apni taraf palat kar use dekha.
Janhvi ne uski aankho me dekhte hue kaha : Pata nahi kya ho raha hai. Dekhiye. Dil kitna teji se dhadak raha hai. Jaise abhi bahar nikal aayega.
