Rowdy's love story! Book2

197.Tum kuch karne kaha de rahi ho

💜💜

Veer aur Jeetu din ke samay vapas laut aaye the.
Veer, YN aur Viha ko apne saath vapas shehar le aaya tha. Aaj vo teeno ghumne nikale the.
Vo dono movie dekhne aaye hue the.
Asal me rakshabandhan ka tyohar aane wala tha, aur is baar YN ki zidd thi ki vo apne ghar yaani Mumbai jaayegi. To bas Veer use naa jaane ke naye naye tarike apna kar manaane ki koshish kar raha tha.

Dono theatre me aakar Viha ke saath andar bethe hi the. Ki Veer ne YN ka haath pakadte hue kaha : Kitne time baad hum is tarah se bahar aaye hai na.

YN kuch keh paati usase pehle Viha rone lagi to,
YN Veer ka haath chhod Viha ko chup karaane lagi.
Veer un dono ko dekhne laga. Viha shant hui to Veer ne mauka milte hi ab YN ka haath firse pakad liya. Aur us par jhukne ko hua to.

YN ne use dur karte hue kaha : Kya kar rahe ho. Seedhe betho. Movie start ho gayi.

Veer ko YN ka aisa karna acha nahi laga. Par vo chup chaap beth gaya.

Kuch der baad Veer ko firse shararat sujhi to dekha Viha so chuki thi. Aur YN vo bade dhyaan se movie dekh rahi thi.
Veer ne apni baahe faila YN ko apne paas khinch liya.

To is baar YN ne Veer ko daantate hue kaha : Kya kar rahe hai. Munchkin jaag jaayegi.

Veer ko ab YN ki rok tok par gussa aa gaya aur usne YN par naraz hote hue kaha : Kya kar raha hu. Tum kuch karne kaha de rahi ho. Fine. dekho. Tum movie dekho.

Itna keh kar Veer, YN se naraz ho ab muh fer kar beth gaya.

YN ne muh banaate hue kaha : Ha to dekhungi. Hum movie hi dekhne aaye hai.

Is par Veer ne gusse me YN ki taraf mud kar kaha : Ha to dekho. Ye lo. Ye bhi thuso.

Veer ne apne haath me pakde popcorn gusse me YN ko pakda diye.

To YN ne popcorn khaate hue pucha : Gussa kyu ho rahe hai. Jab man nahi tha to, movie ke liye lekar hi kyu aaye.

Is par Veer ne apni aankhe bhinchte hue kaha : Galti meri thi jo maine socha tumhare saath kuch time akele spend karu. Par tumhe to ise bhi apne saath le kar aana tha. 
Badi maa ne kaha tha ki vo sambhaal lengi Viha ko magar tum. Mujhe to tum time dena hi nahi chahti.

Veer firse muh fer kar beth gaya to YN use ghurne lagi.