💜💜
YN ko baath stool par apna pair pakad kar bethe dekh Veer jaldi se uske paas aaya aur usne YN se pucha : Kya hua? chilaayi kyu?
To YN ne jhat se Veer ka haath pakad use ek taraf ishara karte hue, chilaakar kaha : Chipkali.
Veer ne YN ki baat sun uske batane par par dekha to kone me ek moti si Chipkali wall par chipki hui thi.
Veer ne Chipkali ko dekh YN se pucha : To tum isliye chilaayi thi.
YN ne ha me sar hilaate hue, fir se chilaakar kaha : Ha. Mujhe Chipkali se bahot dar lagta hai. Bhagaao use. Varna main aise hi chilaaungi.
YN fir se chillane lagi to Veer, uske chehre ko dekh hasne laga. Aur jhat se usne YN ko apne gale lagate hue kaha : Pagal ladki. Jaan hi nikal di tumne to meri. Dara diya tha mujhe.
YN ne uski baat sun Veer ko dur karte hue kaha : par maine kya kiya? aur aap kya kar rahe hai. Jaldi se is Chipkali ko bhagaiye yaha se. Iski vajah se mujhe chot bhi lag gayi.
To Veer ne YN ka haath pakadte hue kaha : Kaha? Kaise?
YN ; Ye Chipkali dekh main dar gayi thi. To main bahar aane wali thi, to mera pair is balti me jaa laga. Dekhiye.
Veer ne slipper me se YN ke pair ko nikal kar dekha to uske pair ka angutha laal pad chuka tha.
Veer ne YN ko apni god me uthana chaha tha ki tabhi YN ne use rokte hue kaha : pehle Chipkali ko bhagaiye. Varna ye raat bhar yahi rehne wali hai.
Veer ne YN ki baat sun use chhod pehle Chipkali ko bhagaaya, aur fir YN ke paas aate hue kaha : chali gayi ab khush.
YN ne muskurate hue apna sar hila diya. To Veer bhi use dekh khud ko muskurane se nahi rok saka.
Aur usne ab YN ke samne bethte hue pucha : Ab chale madam ji. Ya puri raat aap ko is bathroom me bitani hai.
To is par YN ne Veer ko dekh dheere se kaha : Vaise irada to kuch aisa hi hai.
Itna kehkar YN ko na jaane kya sujha aur usne balti se mug me paani bhar Veer par udel diya.
Aur khud hasne lagi.
Vahi is sab se anjaan Veer par jab thanda thanda paani gira to usne YN par chilaate hue kaha : YN.. pagal ho gayi ho kya?
YN uski tej awaz sun seham gayi par agale hi pal usne fir se mug me paani bhar Veer ke muh par feka. Aur ab haste hue Veer par paani udelne lagi.
To Veer ne bhi ab jaldi se uske haatho ko pakadte hue kaha : YN. Bas bahot hua. Kya bachho jaisi harkate kar rahi ho.
Vo use lekar khada hua tha ki YN ne use dhakka de ek baar fir us par paani feka..
To Veer ne bhi use apni baaho me khinchte hue kaha : lagta hai tumhe aaj kuch jada hi masti sujh rahi hai, vo bhi itni raat me.
Itna keh usne bhi YN ke haatho se mug le kar usme ka paani YN ke upar daal diya. To vo hasne lagi.
YN : Ha, kyunki mujhe ab rone ka, tension lene ka, afsos karne ka bilkul man nahi hai. Thak gayi hu main in baato se. Isliye mujhe ab bas masti karni hai.
YN ki baat sun Veer hasne laga tha, par fir se YN ne use dur dhakel ab is baar shower chalu kar diya.
Kisi chote bache ki tarah vo apni is jeet par apna pet pakad kar hase jaa rahi thi
To Veer ne bhi use apne paas khinch wall se lagate hue kaha : Now tell me. What punishment should I give you for this fun??
YN ki ek pal ke liye hasi band hogayi. Par usne fir se haste hue kaha : Acha. Thanedar sahab. Ab aap mujhe masti karne par saza denge.
