💜💜
Subah YN ki aankh khuli to Veer use apni baaho me lekar soya hua tha.
YN use dekh muskura di. Aur usne pyaar se Veer ke gaal par kiss kar liya.
YN ne ab Veer ki pakad se azad ho kar uthna chaha tha ki Veer ne uska haath pakad liya.
YN ne uski taraf mud kar kaha : Aap uth gaye.
Veer ne YN ko vapas apni baaho me khinch apne karib karte hue kaha : Hmm.. itni jaldi kyu uth gayi.
YN : Huh. Jaldi subah ke 6 bajne wale hai.
Veer ne YN ke gale lage hue kaha : Ha. To 6 hi to baje hai. Itna jaldi uthne ki bajay thoda aur aaram kar liya karo. Vaise bhi tumhe kaun sa kaam karna hota hai.
YN ne Veer ke baalo ko sehlaate hue kaha : Par badi maa keh rahi thi ki subah jaldi uthna chahiye. Sharir me chusti-sfurti bani rahegi. Aur to aur jaldi naha dho kar pooja karne se hone wale bachhe par prabhav padta hai. Mummy bhi keh rahi thi ki is samay jo bhi kuch main karungi bachha bhi vahi sab sikhega.
Veer : aisa bhi hota hai..?
YN ne apna sar hilaate hue kaha : Aur nahi to kya.. apne Mahabharat ke veer putra Abhimanyu ki kahani to suni hogi. Ki kaise unhone apni maa Subhadra ki kokh me rehte hi Arjun yani apne pita ke mukh se chakravyuh bhedan ka rahasya jaan liya tha. Par subhadra ke bich me hi neend aane se vo vyuh se bahar aane ki vidhi nahi sun paaye the. Jiski vajah se unhone veergati prapta ki thi.
Veer ne YN ki baat sun apna sar utha hairaan hote hue kaha : YN ji. aap to gyaan ki devi hai. Aap ne meri aankhe khol di. Main soch raha tha ki bachha paida hoga, bada hoga to uske kharche badhenge. School bhi jaayega to vo kharcha alag.
Par nahi. Vo to sab kuch aap ke pet me hi sikh kar aayega, to ab uske future ki to tension hi nahi.
Itna keh kar Veer hasne laga.
To Veer ko apna majak udaate dekh YN ne use dur dhakel diya.
Aur uth kar bethte hue kaha : Aap ko to sab majak lagta hai. Kya galat keh rahi hu. Main aalsi bani to mera baby bhi aalsi hoga.
Veer ne uth kar YN ke kandhe par apni chin tika, use apni baaho me lete hue kaha : Are meri bholi biwi. Kaha tum ye badi maa aur apni mummy ki baato me ulajh gayi. Abhimanyu ki to baat hi alag hai.
YN ne apna sar hilaate hue kaha : Nahi. Aap ko kya pata. Mera bachha meri awaz sunta hai. Aur to aur main songs sunti h vo bhi sunta hai.
Veer YN ki baate sun hasne laga. Use ye sab baate samajh nahi aa rahi thi.
Par YN use to feel hota tha ki uska baby uski baate ab sunane laga tha.
Uske liye to apne bachhe se baat karna, use kahaniya sunana bahot acha lagta tha.
Veer ne YN ke pet par haath ferte hue pucha : To fir to ye mujhe bhi pehchanta hoga.
YN ne haste hue kaha : Ji nahi. Aap kab mere baby se daily baat karte hai. Aap ko to apne kaam se hi fursat nahi milti.
Veer ne chidhte hue kaha : Jhuthi. Bhale hi baat nahi karta par apni nanhi pari ko daily pyaar de kar bahar jaata hu.
YN uske chidhne par hasne lagi. Aur usne Veer ko aur jada chhedte hue kaha : Nahi. Fir bhi. Baby aap ko nahi pehchanta. Vo bas mujhe pehchanta hai.
Veer ne YN se dur ho kar kaha : Acha ye baat hai. Dekhna ab main apne bachhe se roj baat kiya karunga. Fir vo tumse jada mujhse pyaar karegi.
Veer ki jalan dekh YN apni hasi rok nahi paa rahi thi.
Usne Veer ke gaal khinchte hue kaha : Are mere pyaare patidev. Aap tension mat lo. Baby aap ka hi baby hai. Aap ko hi sab se jada pyaar karega. Ab khush.
Veer YN ki baate sun muskura diya. Aur usne YN ko apni baaho me bhar kar uske gaal par kayi baar kiss karte hue kaha ; Bahot khush.
YN ne Veer ke baalo ko sehlaate hue kaha : Mujhe lagata hai ki mujhe 2-2 bachhe sambhaalne ki training lena shuru kar dena chahiye.
