💜💜
Veer, YN ki farmaish par fir se chalkar uske paas aaya,
To YN ne use dekhkar kaha : Aap sharmaye kyu nahi?
Galat hai ye. Hum fir se karenge.
YN ki baat sun Veer ne is baar YN par bhadakte hue kaha : YN dudh thanda ho jayega. Chup chaap ise piyo pehle. Agar tumhe sardi hui to bahot pitogi mujhse.
YN ne Veer ki baat sun aur use gusse me dekh, dheere se glass uski haath se lete hue bholi si surat banakar kaha : Aap meri koi baat nahi maante.
Itna kehkar YN ne glass apne hotho se laga liya.
Vahi Veer vo use dekh muh fer kar muskura diya.
Dudh ka glass khatam kar YN ne dupatta nikal, Veer ko glass thama diya, aur muh fer kar let gayi. To Veer bhi light band kar uske paas jaakar let gaya.
Kuch der baad Veer YN karib khisak aaya aur usne YN ko peeche se apni baaho me lete hue pucha : Kya hua?
YN ne uski pakad se nikalna chaha, par jab nahi nikal paayi to usne muh banate hue kaha : Aap bas mujh par gussa karte rehte hai. Aur fir kehte hai ki bahot pyaar karte hai mujhse. Balki ye jhuth hai. Aap nahi karte. Aaj agar mera man tha thoda aap ko satane ka, aap ko chhedne ka to aap chhide kyu nahi..
Aap to mujhe har waqt chhedte rehte hai main to chhid jaati hu aap se..
Par meri baari aayi to aap mujh par bhadak uthe.
YN ki baat sun Veer ko hasi aagayi itni ki vo use rokne ke liye apna chehra YN ke ghane baalo me chhupa chuka tha.
Vahi YN vo apna sar ghuma kar Veer ko dekhne lagi.
Tabhi Veer ne haste hue pucha : To biwi ji isliye naraz hai ki main unke chhedne par chhida nahi.
YN ko ab apni kahi hui baat ka ehsaas hua to vo sharma gayi aur usne chidhte hue kaha : Ha has lo. Aap ko bas mera majak uddana hi aata hai..
Veer : Jo tumne harkate ki hai na majak me. Ab majak sab uddayenge humara. Dekhna tum subha.
YN uski baat sun palat gayi. Aur usne Veer ki aankho me dekhte hue pucha : Kya? Par kyu? Maine kya kiya?
Veer ne YN ko dekh muskurate hue kaha : Acha ji.. kaun chilaa raha tha. Aur fir hum dono ek saath bheege hue the ye sabne dekha. Aur Simmi to na jaane fir kitna dimaag chalati hai.
Uski baat sun YN ko bhi yaad aaya ki kaise teeno behane us par has rahi thi.
YN ne ab pareshan hokar Veer se pucha : Ab kya? ab main subha bahar kaise jaaungi?
Veer ne YN ke haatho ko apne haatho me lete hue kaha : Ab ye tum sochna. Par filhaal ye humara samay hai. To abhi koi humare bich nahi aayega.
Veer ki baat sun YN muskurayi, Veer ne uska haath apne haatho me le kar chumna shuru kiya to YN ne ab Veer ko normal dekh, usase pucha : ek baat puchu?
Veer ne kuch nahi kaha to YN ne puri tarah se uski taraf karvat lete hue kaha : Aap kal mujh se baat kyu nahi kar rahe the?
YN ki baat sun Veer jo uske gale ko chum raha tha vo ruk gaya aur YN ko dekhne laga.
YN ko chhod ab vo uthkar beth gaya, to YN bhi uth gayi. Aur Veer ke karib aa usne peeche se Veer ke kandhe par apna sar tikate hue kaha : Kahiye na. Kal se dur dur kyu bhaag rahe the.?
Veer ne apne kandhe par se YN ka haath apne haath me le use kas kar apne haatho me pakadte hue kaha : Tum bhi to nahi kar rahi thi.!
Mujhe laga tum naraz ho mujhse.
Veer ki baat sun YN ne kaha : Par main kyu hone lagi?
Veer : Mujhe laga shayad ho. Aur hona bhi chahiye. Maine tumhare sath bahot galat kiya, tumhari marzi ke khilaaf tumse shaadi ki. Tumhe khud se mohabbat karne ke liye majboor kiya jab ki tumne to kabhi sapne me bhi nahi socha hoga mujh jaise insaan se mohabbat karne ka, ya shaadi karne ka.
