Veer, YN ke liye Aalu tikki lekar ghar aaya. Aur usne khush ho room me jaakar YN ke samne Aalu tikki rakhte hue kaha : Lo khaao.
YN ne naa khush ho Veer ko dekha aur fir bed se uth jaane ko hui to Veer ne jhat se use pakadte hue kaha : Kya hua meri Jaan? Ab to main aalu tikki le aaya. Fir bhi naraz ho.
Uski baat sun YN ne roni surat banate hue kaha : Aap ko kya lagta hai ki main bas khaane ko maangti rehti hu. Maine kaha tha kya ki aalu tikki le kar aao.
Veer ne apna sar khujaate hue kaha : Ha tumhe hi to khaani thi.
YN : Ha magar kal khaani thi. Aaj nahi.
Oops! This image does not follow our content guidelines. To continue publishing, please remove it or upload a different image.
YN ki baat sun Veer bed par pasar gaya. Aur usne aalu tikki ko dekhte hue pucha : Ab.!! Kya ab nahi khaaogi?
YN ne Veer ko gusse me ghurte hue kaha : Aap..
Veer ne uthkar use apne paas khinch uske pet ko pakadte hue kaha : Sorry baby. Kal papa aap ko aalu tikki laa kar nahi de paaye. Papa ko kaam se bahar jaana pada.
YN ne uski baat sun dur hatate hue kaha : Baby ko nahi mujhe khaana tha.
Veer ne uth kar uske karib jaate hue kaha : Ha magar mausi aur badi maa keh rahi thi ki abhi Jo bhi kuch tum khaaogi vo sab humara bachha bhi khaayega. Isliye main usase bhi sorry bol raha hu.
Veer ki baat sun YN is baar khud ko muskurane se rok nahi paayi.
YN ne mirror ke samne Veer ko le jaate hue kaha : Aap ko baby bump dekhna tha na?
Itna kehkar YN ne apni saree ka pallu khiskaya aur saree kon thoda niche le, apne pet par Veer ka haath rakhte hue kaha : Dekhiye. Pehle se kitna badh gaya hai. Main moti hone lagi..
Veer ne YN ke pet ko sehlaate hue kaha : Acha. Par ye jada nahi hai.
YN ne apni aankhe band karte hue kaha : Ha to buddhu abhi bas 5th month start hua hai. Dheere dheere badhega.
Veer YN ki baat sun muskura diya. Uska pet sehlaate hue vo uske aur karib aaya, aur usne peeche se hi aage jhuk YN ke hotho ko chum, uske gale ko chumte hue kaha : Ha to mujhe kya pata. Apne is buddhu ko tum kuch batati hi kaha ho.
YN ne apni aankhe bhinch Veer ke hotho ke sparsh ko apne gale par mehsus karte hue kaha : Aap..! Paas to rahe sab bataungi. Dur chale jaate hai.
Veer ne YN ki baat sun use apni god me utha bed par le jaate hue kaha : Kya karu abhi naya naya kaam sambhaalna seekha hai. Bahot kuch aisa bhi pata chala hai jisase samajh aaya hai. Ki hisaab-kitaab me bahot gadbad hai. Usi ke baare me pata laga raha hu. Ki kisne bade papa se beimaani ki.
Veer YN se baat karte hue use lekar bed par leta hi tha ki Simmi didi ne awaz dete hue kaha : YN..! aaja.. khaana khaale.
Dono unki awaz sun dur hogaye. Ek dusre me aise khoye ki bhool hi gaye the ki dono ne hi dinner nahi kiya tha.
