💜💜
Jeetu chal kar kafi dur tak aaya ki use chalte chalte kuch duri par Chote aur Veer khade dikhe.
Jeetu jaldi se unke paas gaya aur usne Veer ke kandhe par haath rakh diya.
Veer ne mudkar dekha to vo chila utha : Kaun hai be..!
Chote bhi uski awaz sun muda to apne samne khade Jeetu ko pehchaan nahi paaya.
Tabhi Jeetu ne apne muh se mitti hatate hue kaha : Are yaar. Main hu. Jeetu. Dekho..
Chote ne Jeetu ke paas aa hairaan hote hue kaha : Kya? Saale Tera ye haal kaise hua?
Jeetu ne uski baat sun jaldi se kaha : Mat puch. Ek bhuri billi mil gayi thi. Usne mujhe geeli mitti me dhakel diya.
Veer ne uski baat sun haste hue kaha : Bhuri billi. Par ek billi ne tujh jaise pahad aadmi ko kasie giraya?
Chote aur Veer ko khud par haste dekh Jeetu ne kaha : Saalo. Hasna band karo. Aur ghar chalo. Thand lag rahi hai mujhe.!
Veer aur Chote ka hasna band nahi hua to Jeetu ne dono par jhapat pada par dono usase dur bhaag gaye.
***************************
Ek hafte baad,
Jeetu, Chote aur Veer ko gaav aaye hue lagbhag ek hafta ho gaya tha.
Jeetu aur Chote, Veer ke saath uske kaam me haath batane lage the.
Veer ne un dono ko hi alag alag kheto ki jimmedari saump di thi.
Jeetu ki to bade papa se bhi bahot achi banane lagi thi.
Vahi Chote vo kam hi bolta tha. Ha par raat me jaise hi sharab andar jaati to uska fir se Amrit ko lekar rona shuru ho jaata tha jo ki subah daaru utarte hi khatam ho jaata.
Jaise ki abhi Jeetu, Chote aur Bade papa teeno chhat par bethe apni daaru party enjoy kar rahe the ki tabhi,
Chote ne ek peg maarte hue Jeetu se apni ladkhadati hui jubaan se kaha : Ye Amrit mujhe chhodkar kyu gayi? Bata tu..!
Uski baat sun Jeetu ne kaha : Main kya batau?
Tune hi use khud se dur kiya hai.
Idhar Bade papa ne un dono ki baat sun Jeetu se pucha : Ye ladka kis Amrit ke baare me gal kar raha hai?
Unki baat sun Chote ne kaha : Aap ki bahu hai. Par abhi to mujhse dur hai.
Jeetu ne uski baat sun Bade papa se kaha : Bade papa. Maine kya kaha aap se. Ye ladka pagal premi hai. Iske chakkar me pade to badi maa ko bhool jaaoge.
Aap ye glass mujhe do aur jaao badi maa bula rahi hai aap ko.
Jaa Chote. Bade papa ko neeche chhod aa.
Jeetu ki baat sun Chote bade papa ko neeche chhodne chala gaya.
Chote vapas aaya to usne ek peg fir lete hue kaha : Kal raat to mere sapne me bhi aayi thi Amrit. Vo thik to hogi na?
Jeetu ab Chote ki baat sun chidh gaya.
Jeetu ne ab apni chappal utha Chote ke upar baraste hue kaha : Saale. Thik se peene bhi nahi deta. Amrit ye. Amrit vo. Amrit ko main chaahu. Amrit mujhe chaahe. Par jaise hi Nasha utare to main naa chaahu Amrit ko.
Saale tu chahta kya hai?
Chote ne madhoshi se kaha : Amrit ko.
Saala. Bahot yaad aa rahi hai vo. Main to jaa raha hu use dhundhne aur bhale vo mujhe pyaar na kare par main to jaise hi milegi sabse pehle usase love engagement karunga fir shaadi. Jisase kabhi vo dur na ho.
Jeetu uski planing sun bola : Acha ji. To Jishaan ji love engagement karenge!
Chote ne jameen se uth khade hote hue kaha : Aur nahi to kya!
Jeetu ne uske samne khade hote hue pucha : Aur ye love engagement kaise hogi jara mujhe bhi bata. Taaki main bhi Preeti se kar lu. Mujhe bhaav hi nahi deti. Ek hafte se phone hi nahi utha rahi.
