💜💜
Shivani ne un 4 ladko me se 2 ko ghar ke peeche wale raste se andar jaane ko kaha. Magar vo ladke ab achanak se dar kar peeche hat gaye.
Unhone Shivani ka saath dene se mana kar diya.
Magar baaki ke bache 2 ladko ne aage aate hue kaha : Hum log peeche jaa kar dekhte hai.
Shivani ne haa me sar hilaaya. Aur bas apni gun ko ek haath se pakad dusre haath se ghar ke door ko open kiya.
Usne ghar me kadam rakha. Sab jagah andhera hi andhera tha.
Shivani ne apni tej awaz me kaha : Bhavna.. Chhupne ka ab koi faida nahi hai. Tumhara saara sach samne aa chuka hai.
Ki tabhi Shivani ko kisi ke bhayanak hasne ki awaz sunaai di.
Shivani ache se jaanti thi ki ye Bhavna hi thi.
Bhaijaan ko maar kar vo police ko chakma de badi safai se mumbai se dur chali aayi.
Bhaijaan to Bhavna ki haath ki kathputli tha asal gunahgaar to vo khud thi.
Shivani ne gun par apni pakad majboot ki aur ab chup chaap dabe paav aage badhne lagi thi. Ki tabhi achanak se kisi ne peeche se dande se uske sar par vaar kiya.
Shivani dard se chilaayi : Aaahhh...
Shivani ne apna haath peeche le jaa kar sar pakad liya. Vo samajh gayi thi ki peeche Bhavna hai. Isliye jaise hi Bhavna ne dusri baar vaar karna chaha to vo alert ho gayi.
Usne Bhavna ke haath ko pakad use aage khinch apne samne karte hue kaha : Bahot bewkoof bana liya sab ko. Ab tera khel khatam.
Is par Bhavna muskuraai aur usne Shivani se kaha : Itni jaldi nahi.
Ye kehte hue Bhavna ne teji se apne haath chala Shivani par attack kiya par Shivani ne khud ko bacha liya. Dono ek dusre se ladne lagi thi. Ki tabhi ghar ki light jal uthi. Pados ke dono ladko ne aage badh kar Bhavna ko daboch liya.
Shivani ne ye dekh rahat ki saans li. Itne me ghar ke bahar 2 police ki gaadi aa kar ruki.
Shivani ne gaadiyo ke rukne ka shor sun liya tha.
Aur apni nazare lagaaye door ki taraf dekh hi rahi thi ki Naman apni ek team aur vaha ki local police ke saath andar aaya.
Shivani ko ghayal dekh usne jaldi se Shivani ke paas aate hue pucha : Shivani.. Shivani tum thik ho? Tum yaha kyu aayi?
Is par Shivani ne kuch kehna chaha magar usase pehle Naman ne lady police constable se kaha : Arrest karo is aurat ko.
Bhavna ne ye sun chilaate hue kaha : A.C.P... bahot pachtaayega tu. Hum ek nahi anek hai. Kis kis se ladega tu.
Naman ne Bhavna ko arrest kar vaha se le jaane ko kaha aur fir se Shivani ke paas aate hue kaha : Shivani utho. You need a doctor.
Shivani ne mana kiya magar Naman ne use sahara diya aur bahar le kar jaane laga tha ki Shivani ne kaha : Veer ki badi maa..
Naman ne uski baat sun naa samjhi me use dekha.
**********************
Dusri taraf Mumbai me,
Jeetu Janhvi ko apni baaho me le kar soya hua tha. Lagatar bajte apne phone se pareshan ho vo jaag gaya. Aur usne apna phone kaan par lagaya hi tha ki kuch der baad vo hadbada kar uth gaya.
Uski is harkat par Janhvi bhi jaag gayi.
Jeetu ne jaldi se apni shirt ko le kar pehnte hue janhvi se kaha : Change karke aao. Hume abhi nikalna hoga.
Use is tarah se dekh Janhvi ki neend puri tarah se khul gayi. Aur usne pareshan hote hue pucha : Kya hua?
Jeetu ne jaldi se apna phone apni pocket me rakhte hue kaha : Ye sab bataane ka time nahi hai abhi. Tum jaldi karo.
