Rowdy's love story! Book2

130. Monster aa gaya.

💜💜

Mumbai me,

Palak aur Reha apne kaam me busy thi. Ki tabhi unka dhyaan Jishani ke cabin se nikal kar aayi apni dost Amrit par gaya.

Palak ne Amrit ke paas jaa kar usase pucha : Kya kaha ma'am ne? Tujhe nikal diya kya?

Amrit ne naa me sar hilaate hue kaha : Nahi. But aadhi ki jagah mere pure mahine ki salary kaat li.
Mujhe samajh nahi aa raha ki kya karu? Kaise hoga sab abhi pura mahina baaki hai. Amit ke institute ki fees bhi pay karni thi.

Uski baat sun Reha ne kaha : Ab kya hi kar sakte hai. Job chhodne se koi faida nahi hai. Itni jaldi koi new job nahi milne wali. Aur ek baat bata tu 2 hafto se kaha gayab ho gayi thi? 2 din ki chhuti leti to aisa kuch nahi hota par tu to pure 2 weeks ke liye chhuti manane ke liye chali gayi.

Amrit, Reha ki baat sun chup ho gayi. Par fir usne dheere se kaha : Meri tabiyat thik nahi thi.
Aise me kaise aati.

Palak ne Amrit ki baat sun use samjhaate hue kaha ; Chal thik hai koi baat nahi. Abhi hum hai na help kar denge. Aur fir agale mahine to salary milegi hi. Tu tension mat le.

Amrit ne apna sar hilaa diya. Aur bujhe hue man se jaa kar reception area me beth gayi.

2 mahino me Amrit ne har tarah ki pareshani ko jhela tha. Jab se yaha job lagi thi. Use paiso ki kami mehsus nahi hui thi.
Par ab jab use is mahine salary nahi milegi is sab se vo pareshan ho gayi thi.
Usne peechle 2 mahino me mili salary se koi saving nahi kar paayi thi. Kyunki usne peechle mahine hi Amit ka ek coaching institute me admission karaya tha. Amit ka 12th complete ho gaya tha. Aur vo is saal drop lekar IIT ki taiyari karna chahta tha. To Amrit ne bhi use support kiya.

Amrit apni soch me gum thi. Ki tabhi uske saathi Ruhaan ne use hosh me laate hue pucha : kaha gum ho? Aur 2 hafto se kaha gayab thi. Aayi kyu nahi? Pata hai main kitna bore ho gaya tha.
Tumhare bagair dil hi nahi lag raha tha.

Amrit pehle se hi pareshan thi isliye Ruhaan ki baato ko sun aaj vo us par bhadak uthi.

Amrit ne gusse me kaha : Please Ruhaan. Aaj koi bakwas nahi.