💜💜
Jeetu ki neend khuli to uska sar dard se fata jaa raha tha. Apna sar pakad kar vo utha. To apne aas paas ki chizo par dhyaan dene laga.
Naa jaane vo kaha tha use kuch samajh nahi aa raha tha. Tabhi uska dhyaan khud par gaya to uske sharir par ek bhi kapda nahi tha. Jeetu apni halat dekh ghabra gaya.
Ghabrahat me vo jaldi se utha to use pata chala ki vo ek toote hue bed par leta tha.
* Tum uth gaye *
Jaani pehchaani awaz sun Jeetu ne jaldi se palat kar dekha to Janhvi andar room me chali aayi thi.
Jeetu jo ki sirf apne boxers pehne khada tha usne Jahnvi ko dekh sharam ki vajah se jaldi se bed se chadar utha kar apni kamar par bandhte hue pucha : Tum yaha kya kar rahi ho?
Janhvi ne apne haath me pakdi nashte ki plate vahi side me rakhte hue kaha : Main to yahi rehti hu. Main kaha jaaungi.
Janhvi ki baat sun Jeetu ne hairaan hote hue kaha : Kya?
Janhvi ne apna sar hilaate hue kaha : Ha. Tum mere ghar me ho. Vo bhi kal dinbhar se.
Jeetu : Kal din bhar se. Se Kya matlab hai Tumhara?
Jeetu ke puchne par janhvi ne kaha : Yahi ki abhi din ke 12 bajne ko hai.
Jeetu ne ye sun chilaate hue pucha : Kya? Aur main kal se yaha hu?
Usne khud ko dekhte hue kaha : Mere kapde. Mere kapde kaha gaye?
Janhvi uski baat sun kamre se bahar nikal gayi.
Thodi der baad vo vapas laut kar aayi aur usne Jeetu ke kapde dete hue kaha : Ye lo.
Jeetu ne janhvi se lagbhag apne kapde chhinte hue kaha : Mere kapde tumhare paas kyu hai? Aur main to kapde pehne hue tha to fir ye tumhare paas kaise aaye?
Janhvi ne sar jhukaye hue kaha : Kal tum bahot bheege hue the. Aise me sardi ho jaati tumhe isliye maine....
Janhvi apni baat kehkar chup ho gayi thi, par Jeetu vo uski baat ka matalab bakhubi samajh gaya tha.
Use janhvi ko dekh ab gussa aagaya aur usne janhvi ko pakad kar apne pas khinchte hue kaha :
Sach sach batao. Kal kya hua humare bich? Tum lekar aayi na mujhe yaha? Tumne mujhe chhune ki himmat kaise ki? Chahti kya ho tum?
Janhvi, Jeetu ko bhadakte dekh seham gayi. Usne darte hue kaha : main nahi lekar aayi thi, tum khud mere peeche peeche chale aaye aur yaha aakar so gaye. isme meri kya galti hai? Tum mujh par kyu gussa kar rahe ho?
Janhvi ki baat sun Jeetu ko thodi rahat mili. Ki jaise vo soch raha tha vaisa kuch nahi hua.
Vahi Janhvi uski to soch vaha tak gayi hi nahi thi jaisa Jeetu so ch raha tha.
Vo abhi bhi Jeetu ko hairani se dekh rahi thi.
Vo khud yaha aaya tha aur iljaam us par laga raha tha.
Janhvi ne khud ko usase chhudana chaha to Jeetu ne use ek baar fir baajuvo se pakad kar wall se lagate hue kaha ; Acha. To mere kapde bhi maine apni marji se nikale the. Maine kaha tha tumhe mere kapde nikalne ko.
Janhvi ne uski aankho me dekhte hue kaha : Nahi. Par kapde..
Jeetu ne gusse janhvi ko chup karvaate hue kaha ; Ek dam chup. Kuch mat bolna. Kya kar rahi ho tum. Kya soch kar mere karib aane ki koshish kar rahi ho. Ek baat ache se samajh lo. Is shaadi se koi ummeed mat rakho. Ye shaadi maine Bhavna didi ke kehne par tumhe us Param se bachane ke liye ki thi. Aur bata du ki humari shaadi koi mayane nahi rakhti. Court me ragister nahi karvaai hai maine shaadi.
Kyunki jaldi hi main tumhara admission ek collage me karva tumhe kisi ache hostel chhod aaunga.
Vaha hi rehna aur padhna. Isase jada mujhse koi ummeed mat rakhna. Tumhe bas yaha Param se bachana mera kaam tha aur vo maine kar diya.
Janhvi ne Jeetu ki baat sun dheere se kaha : Ye kya keh rahe ho? Agni ko sakshi maan kar saat phere liye hai humne. Aur please tum thoda dheere bolo. Mummy papa bahar bethe hue hai.
Ye shaadi ka koi matlab nahi hai to ye mangalsutra kyu pehnaaya tha? Maang kyu bhari meri? Kya ye sab bhi koi mayane nahi rakhta. Kaisi baate kar rahe ho tum. Maanti hu main tumhe achi nahi lagti, par ab kya ab to shaadi ho gayi humari.
