Rowdy's love story! Book2

187. Isase jada ummeed mat rakhna

💜💜

Ek saal baad,

Samay ka pahiya kabhi nahi rukta. Viha ek saal ki ho gayi thi. Aur ab to khub shitaani karna bhi seekh chuki thi.

YN, Viha ko sula kar Veer ka intejaar kar rahi thi. Veer ki humesha ki aadat thi. Vo raat ko deri se hi aaya karta tha.
Jameendari ke alawa Veer ne ab dheere dheere ab apna business bhi failaana shuru kar diya tha.
Jisme uska saath Jeetu de raha tha.

Raat ke 12 baje doorbell baji to YN uth kar jaldi se niche aayi, aur usne door open karte hue naraz ho kar kaha : Aap ne fir se jhuth bola. Bataaiye kitne baj rahe hai?

Bahar door par khade Veer ne YN ko apni god me uthaate hue kaha : Sorry jaan. Aaj bahot traffic tha.

Ye kehte hue Veer YN ko andar laaya to YN ne chidhte hue kaha : 100 jhuthe mare honge tab aap jaisa jhutha jaa kar paida hua hai.

Veer uski baate sun has diya. Aur usne haste hue kaha : Biwi. Tum badi maa se thoda dur raho.
Kaisi baate karne lagi ho.

YN ne muh banaate hue kaha : Chup raho aap. Kam se kam Bhai ko to jaldi free kar diya kare. Akeli Janhvi kaise sab sambhaale..

Veer ne YN ko laa kar dinning table par bethaate hue kaha : Sahi kaha tumne. Aage se yaad rakhunga.

YN ne Veer ke baalo me ungaliya daal unhe bikharte hue kaha : Hmm.. ab jaa kar door band karke aaiye.

Veer door band kar YN ke peeche peeche kitchen me chala aaya. Vo is samay uske liye garma garam rotiya sek rahi thi.

Veer ne jaakar use peeche se apni baaho me bhar kar pucha : Meri princess so gayi?

YN ne haa me sar hilaate hue kaha : Ha.

Veer ne ye sun khush hote hue dheere se kaha : Ye acha kiya tumne!

YN : Kya?

Is par Veer ne mana karte hue kaha : Kuch nahi. Tum roti banaao.

Ye kehte hue Veer ne YN ke kaan ko apne hotho se chhua to YN ne roti belna band kar diya.

Usne Veer ko dur karne ki koshish karte hue kaha : Main sab samajh rahi hu ki aap kya karne ki koshish kar rahe hai.