Vahi Veer ne us par bhadakte hue kaha : Jeetu. Apni had mat paar kar.
Jeetu, Veer ki awaz sun hosh me aaya. Aur fir bina kuch kahe vaha se chala gaya. Use acha nahi laga tha Chote ka ye kehna ki agar Preeti nahi maani to vo use utha kar le aayenge. Vo Preeti ke saath aisa kuch karne ki soch bhi nahi sakta tha. Vo jaanta tha ki Preeti usase pyaar nahi karti par vo fir bhi usase baat karna chahta tha.
********************
Jeetu aur Chote train se 26 ghanto ka safar tay kar Mumbai pohch gaye the. Jeetu ne Mumbai pohchkar Preeti ko call kiya par usne call pick nahi kiya.
To Jeetu aur Chote uske ghar jaa pohche the. Jeetu aur Chote dono ne hi kal se ek dusre se baat nahi ki thi.
Par Chote ne ab saara gussa bhula kar Jeetu se kaha : Ab kya? Yaha tak to aagaye par andar beijjat hone main nahi jaaunga. Tu chala jaa.
Jeetu uski baat sunkar bola : Kyu. Main kya koi begairat insaan hu. Shayad hu. Tabhi to vo mere baare me aisa sochti hai.
Ghar ke bahar khade vo dono aapas me baate kar rahe the ki Jeetu ka dhyaan is baat par gaya ki ghar me mehmaano ki bheed kuch jada hi thi. Ye ho kya raha tha un dono ko samajh nahi aa raha tha. Ki tabhi YN ka bhai Shravan un dono ko dikha.
To Jeetu ne uske paas jaate hue pucha : Ye mote.
Jaani pehchaani awaz sun Shravan ne mud kar dekha to Jeetu aur Chote ko dekh vo hairaan aur khush dono tha.
Oops! This image does not follow our content guidelines. To continue publishing, please remove it or upload a different image.
Usne jaldi se un dono ke paas aate hue kaha : Tum dono yaha? Jeeju aur didi bhi aaye hai kya?
Chote ne apna sar hilaate hue kaha : Nahi. Bas hum dono aaye hai. Acha ye to bata beta. Ye Preeti ke ghar itni bheed kyu hai?
Shravan : Are. Tumhe nahi pata. Preeti didi ki shaadi hone wali hai. Aaj haldi aur mehandi ki rasam hai. Isliye itni bheed hai.
Shravan ki baat sun Jeetu ke pairo tale jameen khisak gayi. Vahi Chote vo bhi hairaan tha.
Usne Jeetu ki taraf dekha aur kuch kehna chaha tha ki dono ko Sunita ji ki awaz sunaai di : Tum dono yaha.. ab kya lene aaye ho?
Unki awaz sun Chote aur Jeetu dono ne samne dekha to Sunita ji gusse m un dono ki taraf hi chali aayi aur bhadakte hue unhone Chote se kaha : Samjhi. Ab Preeti ko le jaane aaye ho. Sahi kaha na. Kyu Jeetu? Tumhe to vaise bhi bahot maza aata hai logo par banduk taan jabardasti shaadi karvaane me.
Unki baat sun Chote ne apna sar jhuka liya vahi Jeetu use to jaise hosh nahi tha.
Sunita ji ne un dono ko dekh kuch aur kehna chaha par usase pehle Chote ne kaha : Aap galat samajh rahi hai hume. Yaha hum bas kuch kaam se aaye the to socha Master ji se mil lete.
Shravan : Acha. Par papa to hai hi nahi.
Chote : Acha. Koi baat nahi fir kabhi mil lenge. Abhi chalte hai.
