عندما وصلت تاليا ومراد الى المطعم وجدا الجميع في انتظارهما ، أمسك مراد يدها ودخلا معا ، حياه الجميع وعرّف كل منهم عن نفسه و اندمج معهم مراد في الحديث ، لقد كانوا جميعاً عفويين ولطفاء سوى عادل الذي لم يحادثه واذا اضطر للرد عليه كان يرد باختصار وبأسلوب بارد للغاية وقد لاحظ مراد ذلك ، بعد أن تذوقوا الطعام شكروا حسن على اختياره فقد كان الطعام رائع المذاق ، انهم يثقون باختياراته دائماً ، أثناء انتظارهم للتحلية كان عادل يتأمل تاليا أما هي فلم تنتبه اليه فقال مراد الذي لاحظ نظراته اليها : في حاجه ياعادل ، انت اول مرة تشوف تاليا ولا بتشبه عليها ولا ايه ، شايفك مركز اوي معاها.
رد عادل ببرود: أصل تاليا جميلة اوي النهارده ، فستانها حلو اوي عليها ولونه بارز جمال عينيها .
قال مراد ببرود مماثل ولكن داخله يغلي : عندك حق أنا قولتلها كده قبل مانيجي ، اصلا تاليا دايما حلوة ف كل حالاتها ، حتى وهي صاحية م النوم بتبقى قمر ، انت عارف اني اوقات كتير بصحى من النوم وبفضل جمبها ع السرير أبص لها بس وأتأمل ملامحها .
قالت ياسمين: اووه ايه الكلام ده يابختك ياتاليا والله ، الله يسهلك.
رنا: عشان كده ماكنتيش بتخليه يخرج معانا عشان مانسمعش الكلام الحلو ده.
مها: بس بقى ياشباب كسفتوها انتوا مش شايفينها بقت شبه الطماطمايه ازاي .
جذبها مراد ناحيته ووضع رأسها على صدره وضمها اليه بتملك مقبلاً رأسها وهو ينظر الى عادل الذي وقف بمكانه قائلاً: أنا هروح ياشباب عشان جالي رسالة مهمة ولازم أمشي دلوقتي.
وقبل أن يجيبه أحد أسرع الى الخارج وهو يسب مراد الذي شعر بعدم الارتياح بتواجده ، أما تاليا فرفعت رأسها وابتعدت عن مراد قليلاً لانها شعرت بالخجل أمام نظرات الجميع ثم أرسلت الى هاتفه رسالة تقول بها: مراد خلاص بقى بجد انت كده أوڤر أوي ، انت هتخليهم ياخدوا بالهم اننا بنمثل عشان محدش بيعمل كده بجد .
عندما قرأ مراد الرسالة نظر اليها ثم جذبها بعناد مرة أخرى لحضنه ، كانت تلكزه بقدمه وتحاول دفعه دون أن يلاحظ احدا منهم ولكنها لم تستطع ابعاده ، بالنهاية وعندما لم تستطع التخلص منه استأذنت منهم لدخول الحمام فتبعتها الفتيات ، وعندما وصلن الى المرحاض كانت كلا منهن تتأكد من زينتها وهن يتحدثن معا عن مراد ومدى لطفه وحبه الواضح لها أما تاليا فكانت تستمع اليهم وهي تحدث نفسها : اه لو عرفتوا ان ده كله تمثيل هتعملوا فيا ايه .
قاطع افكارها مها وهي تقول : هو عادل ماله النهارده بجد غريب اوي ورسالة ايه اللي جاتله عشان يمشي كده ، من امتى وهو بيمشي ويسيبنا .
أنت تقرأ
لقد بلغت مرادي
Romanceتاليا ومراد زوجان لكن بقوانين وضعت لحياتهما ولكن مع فقدان مراد لذاكرته هل تتغير هذه القوانين أم يذهب كل منهما بطريقه
