تركته تاليا وانصرفت ، تركته حتى لايرى الدموع المتراكمة بعينيها وحتى لايشعر بالغصة المتكونه بحلقها ، لما لا تكتمل سعادتها أبدا ، لقد ظنت أن الحياة قد ابتسمت لها أخيراً ، ظنت أنها ستذوق حبه وعطفه كما ذاقت قسوته وجبروته ، لقد شعرت بأنه تغير ، شعرت بحبه نحوها ، هل كانت تتخيل طوال تلك الفترة الماضية ، هل ماشعرت به كان من وحي خيالها ، أخذت تحدث نفسها حتى وصلت إلى سيارة عادل التي لم تنطلق بعد ، وعندما رآها عادل فتح نافذة سيارته وقال: تاليا انتي لسه مامشيتيش ؟! ومراد راح فين ؟! انتوا زعلتوا مع بعض ولا ايه ؟!
قالت تاليا وهي تقف أمام نافذته: لا مازعلناش ولا حاجه بس أنا كنت عايزه مها ورنا ، هما فين ؟!
عادل: مها ورنا مشيوا بعد ياسمين ع طول ، تلاقيهم قربوا يوصلوا أصلا .
تنهدت تاليا بصوت مرتفع قليلاً ثم قالت: أنا كنت فاكراهم معاك ، مش هما جايين معاك؟!
عادل : أيوه بس رجعوا مع حد من قرايب رنا ، انا ماكنتش عايزهم يركبوا معايا أصلا بيديقوني .
تاليا بقلة حيلة: طيب أعمل ايه دلوقتي ؟!
عادل: تعالي بس اركبي وقوليلي عايزاهم ليه.
عندما قامت تاليا بفتح الباب قام عادل بإخفاء شيئاً ما تحت مقعده ، لم تعره اهتماما فبالها مشغول بالكثير ، جلست قليلاً دون أن تتحدث ثم سألها عادل: انتي كنتي عايزاهم ف ايه؟!
تاليا : كنت عايزه نروح نبات عند ياسمين عشان نحتفل بيها مع بعض .
عادل: وانتي فاكرة ان ياسمين هتبقى فاضية لكم ، اكيد هتكلم حسن طول الليل هتروحوا تقطعوا عليهم ولا ايه.
صمتت تاليا ثم قالت: طيب انت هتعمل ايه دلوقتي هترجع البيت ولا هتروح فين ؟!
عادل: لا انا هلف بالعربية شوية مش عاوز اروح دلوقتى.
تاليا : طيب خدني معاك ، أنا كمان مش عاوزة اروح دلوقتي.
انطلق عادل بسيارته ، كانت تضع رأسها على النافذة وتنظر للشوارع من حولها ولكن عقلها يدور به الكثير ، أما هو فكان ينظر اليها بين الحين والآخر حتى وصل الى مكان منعزل فتوقف ، عندما شعرت تاليا بتوقف السيارة نظرت من حولها ثم قالت : انت وقفت هنا ليه ؟!
عادل: انزلي بس معايا وشوفي جمال المكان وانتي هتشكريني اني جبتك هنا .
نزلت تاليا من السيارة ببعض الخوف تتأمل المكان من حولها ، انه مظلم بعض الشيء وهي تخاف الظلام ، كما أنه لايوجد به أحدا ، النجوم تتلألأ بالسماء من فوقها ، تبدو كلوحة فنية رائعة سبحان الخالق المبدع ، سألها عادل: ايه رأيك ف المكان ، أنا دايما باجي هنا لما بكون متدايق .
أنت تقرأ
لقد بلغت مرادي
Romanceتاليا ومراد زوجان لكن بقوانين وضعت لحياتهما ولكن مع فقدان مراد لذاكرته هل تتغير هذه القوانين أم يذهب كل منهما بطريقه
