لقد بلغت مرادي

الفصل الثالث عشر

عندما وصلا الاثنان الى المنزل حاول مراد مساعدتها لتنزل من السيارة ولكنها أخبرته أنها بخير وتستطيع النزول وحدها ، طوال الطريق هاتفها أصدقائها للاطمئنان عليها مرات عدة ، وحينما وصلت بعثت لهم رسالة تطمئنهم بها أنها بالمنزل وبخير وستخلد الى النوم ، بالفعل توجهت الى غرفتها لأنها تشعر بالاجهاد الشديد ، ولكن قبل أن تدخل الى غرفتها أوقفها صوته قائلاً: تاليا أنا عاوز أقولك انك بجد عرفتي تختاري أصحابك صح ، حقيقي كلهم بدون استثناء بيحبوكي وبيخافوا عليكي بجد ، عندك حق تحبيهم وتدافعي عنهم ، بجد انا حبيتهم كلهم بغض النظر عن عادل اللي بصراحه مارتحتلوش اوي ، لكن الباقيين أنا حبيتهم جدا.

نظرت تاليا اليه وقالت بصوت يبدو عليه الضعف الشديد: هما كمان حبوك يامراد ، مع ان دي حاجه غريبة عليهم ، لانهم مابيتقبلوش حد بسهولة كده ، ومش عايزاك تزعل من عادل ، معلش هو عصبي شوية بس لما تعرفه هتلاقيه طيب.

مراد: انتي حاسه انك بجد احسن ولا نروح لدكتور نتطمن؟!

تاليا: انا كويسه الحمد لله ، هنام وهصحى كويسه ماتقلقش.

مراد: طيب ممكن ماتقفليش الباب عليكي بالمفتاح عشان لو حصل حاجه اعرف اساعدك .

تاليا: صدقني يامراد أنا كويسه مالوش داعي تكون قلقان ،وكمان انا هنام ومش هعرف انام والباب مش مقفول بالمفتاح ، دي حاجه انا اتعودت عليها .

وافق مراد بالنهاية وذهب كل منهم الى غرفته ، بمجرد دخولها غرفتها راحت بسبات عميق ، اما هو فظل طوال الليل مستيقظا لايستطيع النوم ، يفكر بها تارة وتارة أخرى يفكر بحياتهم معا حتى غط بنوم عميق مع ظهور أول شعاع للشمس.

عندما استيقظت تاليا كانت تشعر أنها استعادت عافيتها مجدداً ، قامت بالاستحمام وتبديل ملابسها وخرجت لممارسة الرياضة ، لم تجد مراد فعلمت أنه مازال نائما ، عندما انتهت وعادت الى منزلها أيضاً لم تجده ، قامت بتحضير عصيرها المفضل وتناولته ثم دلفت الى غرفتها لأخذ حماما آخر وتبديل ملابسها وعندما خرجت وجدته يخرج من غرفته وآثار النوم والارهاق تبدو جلية على وجهه ، عندما رآها قال: صباح الخير ، عاملة ايه النهارده ؟؟

أجابت تاليا : بخير الحمد لله ، انت اللي شكلك تعبان.

مراد: ماكنتش عارف انام بالليل ، مانمتش الا الصبح .

تاليا : أنا آسفة جداً على اللي حصل امبارح ، بوظت الخروجه .

اقترب منها مراد قائلاً: آسفة على ايه هي دي حاجه بإيديك يعني .

ساد الصمت بينهما قليلا ثم قال مراد : تاليا أنا عايز أعتذر لك .

تاليا بتعجب: تعتذر على ايه ؟!