South Boys #5: Crazy Stranger

Chapter 54

"SINO ITONG PUTANGINANG ITO?"

Hawak ni Asher ang cell phone ko habang nagtatagis ang mga ngipin niya. Inabot ko iyon sa kanya, pero itinaas niya lang para hindi ko maabot.

"Sino nga sabi ito, Lai?!"

"Hindi mo kilala. Akina. Bakit ba pinapakialaman mo ang phone ko? Friends lang tayo, ah!"

"Iyong loob ng panty mo, puwede kong pakialaman, pero phone mo, bawal?"

Nakurot ko siya sa pisngi niya. Pero may point din naman kasi siya, ako pala iyong nagbaba ng kamay niya kanina. Pero siya pa rin naman iyong nagpasok, so wala pa rin pala siyang point.

Salubong pa rin ang mga kilay ni Asher nang ibalik niya ang phone sa akin. "Sorry. Concerned lang naman ako as a friend mo."

Inirapan ko siya. Sa sofa ay tumabi siya sa akin. Naitago ko na ang phone.

"So who's that, Lai?" Hindi siya sa akin nakatingin, pero alam kong seryoso ang mga mata niya. "At ano iyong sinasabi niya?"

"Ex ni Renren," sagot ko. "Number ko kasi ang ibinigay ng babaeng iyon."

Hindi na siya nagtanong pa. Yumuko siya, ang mga siko ay nasa tuhod, nang isubsob niya ang kanyang mukha sa mga palad niya. Matagal. Ilang minuto. Hinayaan ko lang naman siya.

Nang mag-angat na siya ng mukha ay sumandal siya sa sandalan ng sofa at tumingin sa akin. Namumula ang mga mata niya.

Sumandal din ako sa sofa at tumingin sa kanya. Naghinang ang mga mata namin, pero siya rin ang hindi nakatagal. Nagbawi siya. Ibinato sa iba ang paningin. Sa pagkakatagilid niya ay nasilip ko ang ilang ulit na pag-igting ng kanyang panga. At narinig ko siyang suminghot matapos ang ilang segundo.

Nang umahon siya ay naglabas siya ng panyo mula sa bulsa, at pinunasan ang pawis niya sa noo, sa pisngi, at dinamay na pati ang mga mata niya. Pinawisan din yata dahil nakita ko na basa ang dulo ng mahahaba niyang pilik-mata.

"Baka hinahanap ka na ng nanay mo."

"Tumigil na iyon sa paghahanap sa akin mula nang matuli ako."

"Baby ka pa rin niya."

Ngumiti siya sa akin ng ngiti na hindi abot sa kanyang mga mata. "Mas gusto kong maging baby mo."

"Ayaw ko ng dagdag intindihin."

Nagusot ang matangos niyang ilong. "Mahirap bang sakyan ang biro ko?"

Kibit-balikat lang ang sagot ko sa kanya.

Hinagkan niya na ako sa noo. Matagal na naglapat ang mga labi niya sa aking balat, na dahilan upang malayang masilayan ko ang pag-taas baba ng lalamunan niya. Ang tagal na hindi niya ako matingnan sa mga mata.