ခန်းမဆောင်အတွင်း အရင်ဦးစွာ လိုက်လံလှည့်လည်ပြပါလေတော့သည်။
"ဒီပေါ်က နံရံဆေးရေးပန်းချီတွေကတော့ ကိုယ်တို့ ၁၂ ယောက် ရဲ့ ပုံကို ဆွဲထားတာ...."
Demeter က စတင်၍ ရှင်းပြလေပါတော့သည်။
"ဒါတွေကတော့ ကိုယ်တို့ ကမ္ဘာဂြိုလ်ပေါ်ကနေ ယူလာတဲ့ မြေအိုးတွေ... နောက်ပြီး ဒီအစိတ်အပိုင်းတွေကတော့ နတ်ဘုရားတွေရဲ့ ဝတ်ပြုကျောင်းဆောင်တွေ မပျက်စီးခင် က ကိုယ်တို့ကို ပေးခဲ့တဲ့ အစိတ်အပိုင်းလေးတွေ....
အင်း... အခုတော့ အများစုက ပျက်စီးလုနီးပါး ဖြစ်နေပါပေါ့လား....
အတ္တလန်တစ်မြို့တော် ကို ဂရိနတ်ဘုရားတွေနဲ့အတူ ပူးပေါင်းတည်ထောင်ခဲ့တာမလို့ ကိုယ်တို့က ကျေးဇူး မမေ့တတ်ပါဘူး...
အဲ့ဒါကြောင့်လည်း AT2P ပေါ်က အခု အတ္တလန်တစ်မြို့တော် ရဲ့ အလယ်တည့်တည့်မှာ နတ်ဘုရားတွေကို ဝတ်ပြုလို့ရအောင် ကမ္ဘာဂြိုလ်ပေါ် က ဝတ်ပြုကျောင်းဆောင်တွေအတိုင်းကို ကိုယ်တို့ ပြန်လည်ပြီးတော့ တည်ဆောက်ထားခဲ့တယ်...."
ထိုသို့ ရှင်းပြပြီးလေပြီး Demeter သည်ကား ခန်းမဆောင် ၏ နံရံပေါ်တွင် ရေးထားတဲ့ ရှေးဟောင်းဂရိစာများကို လက်လေးဖြင့် တယုတယ ထိတွေ့လိုက်လေပြီး....
"ကိုယ်တို့မှာက အရင်တုန်းက ဘာသာစကားရယ်လို့ မရှိသေးဘဲနဲ့ ရှေးဟောင်းဂရိဘာသာစကားကိုပဲ အသုံးပြုပြီးတော့ ပြောဆို ဆက်သွယ် ခဲ့ကြရတာ....
နောက်ပိုင်း ကိုယ်တို့ AT2P ပေါ်ကို ရောက်လာတော့ ကမ္ဘာဂြိုလ်ပေါ်က ဘာသာစကားတိုင်းကို သင်ယူစရာမလိုဘဲ အလိုလိုတတ်မြောက်စေတဲ့ memory chip လေးတွေကို ကိုယ်တို့ရဲ့ နည်းပညာနဲ့ တီထွင်နိုင်လိုက်ပြီး ခန္ဓာကိုယ်ထဲကို ထည့်သွင်းခဲ့ကြတယ်....
ကံကောင်းလို့လားမသိ ကိုယ်တို့တွေ စမ်းသပ်မှု အောင်မြင်ခဲ့တယ်....
အဲ့ဒါကြောင့်လည်း အခု မင်းတို့နဲ့ စကားပြောနိုင်တာပေါ့...
ကိုယ်တို့ ထုတ်ထားခဲ့တဲ့ memory chip တွေကလည်း လူသားတွေအတွက် တစ်နည်းအားဖြင့် အတ္တလန်တစ် မြို့သူ ၊ မြို့သား တွေအတွက် သီးသန့် တီထွင်ခဲ့တာပဲ....
ESTÁS LEYENDO
Genius : The Secret
Aventuraသတ်ကွင်း နှင့် Angel's Haven = Devil's Hell တို့ ၏ အဆက်.....
