Genius : The Secret

အပိုင်း - ၁၁

"ဟင်... ဒီမှာ နှိပ်ရတဲ့ ခလုတ်တစ်ခု ရှိနေသလိုပဲ..."

ထိုသို့ပြောပြီး ခလုတ်အား နှိပ်ချလိုက်သော Zeke ပါလေ။

ထိုအချိန်.....

ဝုန်း....

အကုန်လုံး လန့်သွားကာ အနောက်သို့ ဆုတ်မိလိုက်ကြလေသည်။

မျက်နှာချင်းဆိုင်တွင် ရှိနေလေသော နံရံသည်ကား တံခါး အဖြစ်သို့ ပြောင်းလဲလေကာ တဖြေးဖြေးဖြင့် ပွင့်လာလေသည်။

"ဟဲ့.... ဒါက လျှို့ဝှက်တံခါးပဲ...."

Lavender တစ်ယောက် ထူးဆန်းစွာဖြင့် ထပြောလိုက်လေသည်။

ထိုသို့ပြောပြီး အရင်ဆုံး ဝင်သွားသူမှာလည်း Lavender ပင် ဖြစ်လေသည်။

တစ်ယောက်ပြီး တစ်ယောက် လျှို့ဝှက် တံခါးကနေတဆင့် အတွင်းဘက်ရှိ အခန်းတစ်ခုထဲသို့ ဝင်လာလိုက်လေသည်။

ပထမဆုံး ဝင်လာသည့် အခန်းတွင်းရှိသည်များကို မြင်ပြီးသော် ခေါင်းတွေပင် မူးသွားသည့်အလား.....

ဟုတ်ပါသည်။ ဝင်ဝင်ချင်းတွင် မြင်လိုက်ရသည့် မြင်ကွင်းမှာ များစွာသော ရှားပါး တိရစ္ဆာန်များကို လှောင်အိမ် မျိုးစုံထဲတွင် မွေးထားသည့် ကျယ်ဝန်းသော အခန်းတစ်ခုပင် ဖြစ်လေသည်။

အထူးသဖြင့် အင်းဆက် အကောင်မျိုးစုံကို မွေးထားခြင်းဆိုလျှင် ပိုမှန်ပေမည်။

အကောင်တစ်ခုချင်းစီအရှေ့တွင် သူတို့ ၏ နာမည်များကိုလည်း စာတန်းဖြင့် ကပ်ထားလေသည်။

ထိုထဲတွင် အချို့အကောင်များကို သိသော်လည်း အချို့ အကောင်များကိုမူ The Genius Class မှ ကျောင်းသားများဖြစ်သည့် ငါးယောက်လုံးတောင် မသိပါလေ။

ထိုအင်းဆက်များထဲတွင် Fen Raft Spider, Spruce-fir Moss Spider, Kauaʻi Cave Wolf Spider, Katipō Spider, Blackburn's Sphinx Moth, Salt Creek Tiger Beetle, Frégate Island Beetle, Red-Barbed Ant, Delhi Sands Flower-Loving Fly, Phasmids, Tetrigidae, Cicindela ohlone နှင့် Dakota skipper တို့အပြင် အခြားများစွာသော အင်းဆက်မြောက်များစွာလည်း ကျန်ပါသေးသည်။

ထိုနာမည်တွေကို ကြည့်လေပြီး Bio အချိန်တွင် စာမလုပ်ခဲ့သည့် Lavender တစ်ယောက် ခေါင်းများမူးလျက်....