تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت 33

.
تمشي بكعبها وعليها طرحتها وتناظر لجوالها يناظرها زياد ويناظر مشيتها وهي تمشي بغرور وشموخ  يبتسم بمكر يقرب رجله بدون ما تنتبه تطيح ع الأرض تتأوه بألم ترفع نظرها لزياد اللي يبتسم بإنتصار تحاول تقوم بس ما هي قادره من وجع رجلها  تنطق وهي تأشر بسبابتها عليه:يا متخلف يا معقد والله ان ما خليتك تندم ع حركتك الله يصيبك ببلاء قول آمين اه يا رجلي
زياد وهو متكتف:أظن انه مافي بلوة زيك تصيبني
ساره:شقصدك أنا بلوة
زياد:ويا شينها من بلوة
ساره وهي تحاول تقوم تطيح مره ثانيه يناظرها وهو متكتف تنطق:ساعدني يا عديم الرحمة
زياد:قولي لو سمحت ساعدني
ساره:ماني قايله وبعدين لا تنسى انه بسببك طحت
زياد وهو متكتف وعينه بعينها:مشكلتك أنا ما بساعدك إلا وقت تقولي لو سمحت يا زياد ساعدني
ساره:تحلم وما وصلت للي تبيه
زياد:يا شينك وشين غرورك حتى وانتي تتألمي تكابري
ساره وهي تحاول تقوم بس بدون جدوى تناظره:استحى وجهك بنت تتألم قدامك ساعدني
زياد:قولي
ساره بعناد:لا
زياد:براحتك يلا سلام
يلف عنها وهو يعرف انها بتوقفه تنطق هي تعض ع أسنانها:لو سمحت ساعدني
يلف لها زياد:إيش إيش ما سمعت
ساره بحده:لو سمحت ساعدني يا متخلف يا مريض
زياد:عدلي ألفاظك ماش أسلوبك ما عجبني
تبتسم ساره غصب:لو سمحت يا أستاذ زياد ساعدني
زياد:نوعاً ما مقبول بس تعرفيني ما يهون علي أشوف احد يتألم وما أساعده
تفتح عيونها ساره بصدمه يمد لها يده تتمسك فيها تقوم ترتطم بصدره تتأوه بألم:بشويش
زياد وهو يناظر قربها وهو فعلاً ارتبك بس ما بين لها وقال بإستفزاز:شكلتس تحبين عطري
ترفع حجاجه بإستغراب ما ركزت ع قربها منه:لا ليه
زياد:أشوفك دافنه وجهك بصدري
تبعد عنه تدفه بعيد:قليل ادب
زياد:الحين أنا قليل ادب من اللي رمت نفسها علي
ساره: من زين وجهك ارمي نفسي عليك تقلع بس
زياد:وين تلاقي مثلي هيبه وجمال وطول والف بنت تتمناني
ساره بقرف:وع نرجسي
زياد:انتي آخر وحده تتكلم عن النرجسية
تلف ساره عنه:يحق لي
زياد:ابداً مو لايق عليك بس شرايك كيف ريحة عطري
يلف يمشي من عندها وهي تصرخ بعصبيه منه:متخلف مريض معقد أنا أوريك أنا ما رديتها لك يا مريض

~البنات~
رتيل وهي ترتشف من الشاي:جوكم ممل مين عندها فعاليه
ابتهاج:شرايكم نروح للإبل
رتيل:ايه عشان أبوك يعلم العصا ع ظهرنا ماش ما حبيت
ضي:صادقة رتيل
لورين:طيب شنسوي
رتيل بتفكير:نلعب صراحة وشجاعه
لورين:حلوه الفكره بس احس ممل لحالنا
غيم:تتوقعوا لو نادينا العيال يلعبوا معنا
وعد:انهبلتي انتي ولو جدي درا
غيم:شفيك اكلتيني خليني أكمل نروح ونقول لهم وبعدين نتغطى ونلعب ماهم اغراب ولا تغارين ع علوشك
وعد وهي تضربها بخفه تضحك غيم
رتيل:موافقه أنا حبيت ودي بشي فيه حماس انتم باردين
ابتهاج:وأنا جازت لي الفكرة
لورين:وأنا وش اللي يخليني ارفض
يلفون أنظارهم لضي:أكيد معكم ماني قاعده مع العجايز
تصفق رتيل تنطق:ضي يلا اتصلي ببندر
تاخذ جوالها ضي تتصل ع بندر يرد عليها بندر:ارحبي يضي ونور اخوكي
ضي:واو حبيت الترحيب اسمع بندروه أنا والبنات عندنا فعاليه ودنا تشاركونا
بندر:وش تقولين انتي
ضي:اسمع نحنا بجهة وأنتم بجهة
بندر:طيب انتظري بسأل العيال وبرد لك
بندر:اسمعوا يقولون المؤنسات الغاليات عندهم فعاليه وودهم نشاركهم
تبتسم ضي ع كلمة "المؤنسات الغاليات"
زايد بسرعه:موافق
يناظره زياد بحده
زياد:محدا بيلعب اقعدوا انتم رجال
بندر:اسمع هم بجهة واحنا بجهة
آسر:لا أنا رأيي من رأي زياد
فارس:شيلوا الفكرة من راسكم مافي فعاليه ولا بطيخ
بندر وهو يرجع يعلم ضي:والله عندنا ثلاثه هنا رافضين الفكرة
تتأفف ضي تعلم البنات
لورين:خليه يعطيني آسر
ضي:بندر عطي الجوال آسر لورين ودها تكلمه
يناظر بندر آسر يمد له الجوال يناظره بعدم فهم
بندر:حرمك ودها تكلمك
ياخذه آسر ينطق:هلا
لورين:آسر تكفى وافق وبعدين احنا بجهة وأنتم بجهة
آسر:مافي لا يعني لا تفهمين يقوم من مكانه يناظره بندر:راح الجوال
آسر:لورين قلت لا يعني لا تفهمين ماني انتي لاعبه مع احد
لورين بصوت حزن:تكفى
آسر:لا
لورين:آسر اسمع خلنا نتفاهم هي لعبه بس واحنا قاعدين ووعد أتغطى كويس
آسر:لا
لورين:اففف آسر أفف لا تكلمني خلاص
تعطي الجوال ضي بزعل تناظرها رتيل تضحك بهدوء:رفض صح
غيم:ايه أكيد آسر مستحيل يرضى لو شافك تتبكبكين قدامه عادي
ساره:أنا متأكدة المتخلف هو اللي حرضهم
يناظرونها البنات بإستغراب من تقصد تضحك وعد:تقصد زياد
تضحك غيم:عاد بذي يمكن لانه زياد غيور
لورين:اخوانكم كلهم غيورين
وعد:تقدرين تقولين زياد وآسر كثير غيورين زايد مو كثير لانه همه وناسته بعدين يفكر يغار
يطقون الباب زايد وبندر
تقوم ابتهاج تنطق:مين
بندر:تبون تلعبون معنا
تلف ابتهاج للبنات : ايه
بندر:طيب تعالوا
تقول لهم ابتهاج يغزون البنات يتغطون ويطلعون للحوش وبندر وزايد كانوا ما يعتبرونهم إلا خواتهم يقعدون البنات بجهه وبندر وزايد ولؤي وانضم لهم علي لانه صايد جوهم يلعبون تمسك رتيل القاروره تدورها بعد ما علمتهم ع اللعبه
تجي ع وعد يبتسم علي:صراحة او شجاعة
وعد:صراحه
علي بإبتسامه حب:تحبيني؟
تفتح عيونها وعد تتورد وجنتيها خجل وهي تناظر البنات يكتمون ضحكهم وزايد وبندر ولؤي نفس الشي
علي:جاوبي
تأشر له وعد بمعنى خلاص علي وهو يهز راسه بالنفي:جاوبي ما يصير
وعد وهي تبلع ريقها تنطق بصوت خافت :ايه
يبتسم علي يدور القاروره بندر تجي ع زايد
بندر وهو يلف له:صراحه او شجاعه
يدخل آسر من سمع اصواتهم يعقد حجاجه من وجود البنات ينطق بحده:وش تسوون هنا
تبلع ريقها لورين يتقدم لهم علي وهو يسحبه من يده:يا ولد اجلس وخل عنك غيرتك شوي
يناظر لورين بحده من ما سمعت كلامه يضطر انه يجلس معهم وهو متوعد فيها زياد وفارس يتقدمون لهم ساره بطرف عين تهمس:وش جابه
يبتسم زياد بمكر وهو سمع همسها لانه قريب منها يقعد بجهة العيال عناد فيها وهو حايك لها شي ما تتخيله
بندر:ايه خلاص نبدأ
زايد:يلا نعيد
يلف بندر القاروره تجي عند لؤي
بندر:صراحه او شجاعه
لؤي:صراحه
بندر بتفكير:عندكم سؤال اسألوه
تفز رتيل:إذا جاتك بنت وش تسميها؟
يبتسم لؤي:مافكرت بس إذا كانت بنت
زايد:الله الله ابو سحاب
يمسك زايد القاروره تجي ع ابتهاج
زايد:صراحة او شجاعة
ابتهاج:صراحه
يرتبك زايد مايدري وش يسألها ناظر العلامه اللي بيدها كانت واضحه وهو يدري وش سببها بس يبي يشوف إذا هي بتتكلم :وش سبب العلامه اللي بيدك؟
تناظر ابتهاج يدها تناظرها تنطق:بسبب واحد دلخ ومايعرف يولع ألعاب ناريه
يكتم ضحكه زايد تناظره ابتهاج بحده
غيم بإستفسار:تدرين كنت ابي اسألك مين سببها
تهمس لها ابتهاج:بعدين اعلمك
يلف زياد القاروره تجي ع ساره تناظره ساره تنطق:شجاعة
يبتسم بإنتصار وهو يدري انها بتختار شجاعة
زياد:دامك تبين شجاعة تروحين لسياج النياق وتحلبين الناقه
وعد:زياد شوي وتغيب الشمس مايصير تروح الحين
ساره بتحدي:لا بروح ما أخاف أنا
يتكتف زياد:ايه نشوف
تقوم ساره وهي مداخلها تشتم زياد وخايفه لأنها تخاف من النياق يكلمون لعب ينطق آسر بعد فتره:خلاص يلا كل واحد ع غرفته
تبلع ريقها لورين تناظر وعد:خبوني عندكم الليله
تضحك وعد:والله لو كنت قادره اخبيك خبيتك بس ناظري آسر كيف يناظرك شوي وبياكلك
تبلع ريقها لورين بخوف يقومون كلهم كل واحد مع زوجته والباقين كل واحد لغرفته تاخذ جوالها تمشي بسرعه للبيت بدون ما تناظره يلحقها آسر يدخل يمسكها من معصمها بقوه يدفها للجدار:أنا وش قلت لعب مافي صح بس انتي عاندتي وقعدتي معهم وأنا كلامي طار بالهواء
لورين:آسر قاعد تعورني
يشدها اكثر آسر ينطق وعيونها شرار:ليه قعدتي معهم تتجاهلين كلامي لك والله ان عدتيها تشوفي شي ما يعجبك كلمه أقولها تسمعيها فهمتي
تنزل دموعها:فهمت
يبعد عنها بعصبيه يضرب يده بالجدار تفز لورين بخوف تقرب له تناظر يده :انت قاعد تأذي نفسك بغيرتك ذي
يسحب يده منها يناظرها:لا تختبرين غيرتي تراك ماشفتي منها شي
لورين:انت شفت انه قعدنا بجهة بعيده عنكم
آسر:ولو لو انك بينك وبينهم مسافات ما تقعدين مع اي احد مالك قعده غير معي والكلمه اللي أقولها تتنفذ
لورين:غيرتك شينه
آسر:لا تستهينين بغيرتي وتحسبيني اني ما أغار لان النظره الثانيه بعلنـ ٰك انتي وياهم ولأي احد عينك تقابله او تقابل عينك
تبتسم لورين يناظر ابتسامتها بإستغراب تمسك يده تقعده ع السرير تجيب مرهم و معقم تقرب له وهو بس يناظرها تداوي جرحه
لورين وهي تعقم جرحه:أقول لك الصدق غيرتك مو شينه بس لها سلبيات تكمل تعقم له جرحه تلفها بالشاش تقربها لثغرها تبوسها يبتسم بوسط عصبيته من حركتها تاخذ لمعقم والمرهم تغير لبسها تقرب تنسدح ع السرير تتغطى يشدها له تاخذ نفس وهي ماتبيه الحين يعصب يبتسم من سكونها يحاوطها بيده ويد تلعب بشعرها

-واقفه وترجف ولا هي قادره تقرب لناقه تنزل دموعها بخوف تسمع صوت احد جاي تبلع ريقها وترجف بخوف يقرب زياد يحط يده ع كتفها تصرخ ساره يحط يده ع ثغرها
زياد:اهدي فضحتينا
تناظره ساره ترتمي بحضنه من خوفها:خايفه خايفه
يفتح عيونه بصدمه من حركتها يحس بيدينها تشد ع ثوبه وتبكي يمسح عليها بهدوء:لاتخافين أنا معك
تشد عليه ساره:زياد لا تتركني معهم( تقصد النياق )
يضحك بخفه يطلع من سياج النياق وهي بحضنه
ينزل انظاره لها  وهي ما سوت فيه خير بحركتها عفست ام الثقل كله يبلع ريقه يحاول يتمالك نفسه:ساره
ساره وهي مغمضه:زياد خايفه لا لا ما ابي
زياد:ساره خلاص الحين احنا بعيدين عنهم
تفتح عيونها تناظر يدينها اللي شاده عليه تبعد عنه بخرشه تمسح دموعها تلف عنه وهي متفشله من حركتها تمشي بسرعه بدون ما تناظره ياخذ نفس بقوه يفتح ازارير ثوبه ياخذ نفس من عطرها اللي علق فيه يمسح ع ملامحه قلبت حاله بحركتها وما توقع انها تخاف من النياق يبتسم:تخافين اجل

الصباح
منيره:يابنتي مايصير تقطعين أبوك وانتي تدرين انه ما يقصد كلامه معك
لورين:أبوي يقصد كل كلمه تأشر ع قلبها:أبوي بكل مره يجرحني ويحسسني اني ماني بنته لمتى بتحمل معاملته مالي حق احس بحنيته وخوفه علي بعمره ما حسسني اني مهمه عنده بس شتم وسب أنا تعبت منه ولا أبيه يكون أبوي
منيره وهي تمسح ع راسها:يابنتي ادري انه أبوك غلطان بس تراه يحبك ولو كان كلامه قاسي معك تحملي بالنهاية هو أبوك وأبوك له أسبوع تعبان ومحدا يدري عن تعبه غيري روحي له واتطمني عليه
تتنهد تمسح دمعتها:طيب وإذا ما كان يبيني
منيره: لا يبيك انتي تروحين تقعدين معه والاهم انك ما تراددينه واسمعي وبس
تهز راسها لورين توقف تتوجه لغرفة أبوها تناظره منسدح ع السرير والواضح انه تعبان تتقدم له تجاوره يناظرها محمد بدموع تمسح دمعته تنطق:لا يبه
محمد بتعب:يا بنتي سامحيني يمكن تكون ذي أيامي الاخيره ومابي أموت إلا وانتي سامحتيني
تبكي لورين تضمه وهي تبكي:لا يبه عمرك طويل وأنا مسامحتك
تنزل دموعه بتعب يمسح ع راسها:لا تبكين أنا ما ادري متى الله ياخذ امانته
تهز راسها بالنفي:يبه لا تقول كذا
تبعد عنه تناظره شبه فاقد الوعي تركض تنادي آسر وهي تبكي
يناظرها تركض له من بعيد وهي تبكي يركض لها يمسكها ينطق:لورين أبوي انتي شفيك
لورين وهي تبكي:آسر تكفى أبوي  لا يروح مني 
يفهم من مقصدها انه عمه فيه شي يركض وهي معه يشيل عمه للسياره ولورين تبكي وآسر يزيد سرعته ويحاول يهديها
يوصلون المستشفى يركض الدكتور ينقله للغرفه بسرعه ولورين تبكي وآسر يهديها :لا تخافين عمي مافيه إلا كل خير
لورين وهي بحضنه تبكي:آسر أبوي لا يصير فيه شي
يمسح عليها يطمنها وهو مستغرب من بكاها رغم اللي عاشته بسبب أبوها خايفه عليه ودموعها ما توقف
يطلع الدكتور تركض لورين:دكتور أبوي كيفه
الدكتور:استهدوا بالله كل شي مقدر ومكتوب
آسر بحده:دكتور انطق
الدكتور:فيه سرطان بالدم
تشهق لورين تحط يدها فمها تبكي تطيح ع الأرض تبكي ماهو قادر يستوعب شي ينزل يحاوطها وهي تبكي بين يدينه وهو مصدوم بنفس صدمتها تبكي وهي متمسكه بثوبه ودموعها تاخذ مجراها وهو يهديها ويحاول يخفف عنها....

🌷🌷🌷🫶🏻