تباهي بجمالك يا لورين الآسر وازهي بحبي واحيي فيني شعور كنت اجهله🌷

بارت47

تطلع للحوش تناظر المكان فاضي وظلام ومافي إلا اضواء خفيفه تضوي المكان وهي بدأت تخاف لانه العيال كانوا بالجهة الخلفيه من الحوش وما تدري إذا آسر معهم او انه هنا تنطق بصوت يرجف:آسر
يحاوطها من ورا تفز برعب لكن سرعان ما ابتسمت تفكر انه آسر:خوفتني
كان متوجه لمجلس الرجال ياخذ جواله بعد ما تعب من اللعب يناظر اللي واقفه و احد حاضنها من ورا يشد على قبضة يده بقوه يحس بلهيب بصدره سهام تتصاوب بصدره،تبرز عروقه من شدة شدته يتقدم لهم يسحبها بقوه من بين يدينه يلكمه بقوه يطيح على الأرض من قوة لكمته تحط يدها على ثغرها ولا هي قادره تستوعب شي تناظره ينحني له يمسكه من ياقته يرفعه بيدينه ويضرب فيه يضربه بقوه وبقهر يعتليه يركضون العيال من سمعوا صوت هواش يناظر علي اللي بين يدين آسر ويضربه بوحشيه يكاد يقضي عليه يركض علي يبعد آسر يصير قدامه ويبعده يدفه لورا ينطق:آسر الرجال بيموت خلاص
آسر بعصبيه وصراخ:علي ابعد عن وجهي خلني اشرب من دمه الـ*****
ينقدم زياد  يبعد آسر وعلي معه لانه علي ما يقدر له لحاله بحكم بنيته والباقين مصدومين ومايدرون وش سبب عصبية آسر كذا يرجعه علي لورا يمسكه من كتوفه:آسر بس تبي تدْبحه
آسر:وخر اي ابي ادْبحه والله ان اشرب من دمه
زياد وهو يمسكه ينطق بعصبيه:آسر
يلف بأنظاره يدورها يناظرها بعيده وتناظر وهي تبكي يتقدم يسحبها من يدها ينطق:علي لا تخليه يتحرك
يدخل وهو يسحبها بقوة كانت تناظرهم من اعلى الدرج وهي مبتسمه تحس بإنتصار كبير وهي متأكدة من غيرة آسر يا تنتهي علاقتهم بطلاق او تكون بشك طول العمر تبتسم تتكتف وهي تناظرها تبكي تنطق:عشان مره ثانيه ما تمدين يدك على شي أنا اللي أبيه
يدخل يرميها على الأرض تضرب راسها بالسرير ينحني لها يشدها من كتوفها ينطق وهو ما اهتمّ لضربتها:قولي مين هو ووش كنتي تسوين معه
تنطق بصعوبه وهي ما بين ماسكه راسها من ورا تحس بالدم ينزل من راسها:ما اعرفه والله
يحط يدينه على رقبتها ينطق بعصبيه وصراخ وصوته على مسامع الكل اللي بالصاله:لا تلعبين علي شفتك بعيوني واقفه معه احكي ولا والله ادْبحك انتي وهو
تحس نفسها انقطع من شدته وألم راسها تنزل دموعها وهي ولا مره شافت قسوته عليها هو بفعلته اليوم خلاها تتذكر كل شي سواه أبوها من قبل تبدأ تكح وتحاول تبعد يدينه عنها وهو ما كان ينتبه على تصرفاته غير انه وده يطفي النار اللي بصدره يبعد عنها تحط يدها على رقبتها تكح بقوه يطلع من الغرفه يسكر الباب بقوه تسند راسها على السرير تحس كل شي يألمها
يناظرون خروجه وهم ما يدرون وش سبب عصبيته
غيم بخوف:ولا مره شفت آسر كذا معصب
تفز وعد ووراها البنات تفتح الباب تناظرها مغمى عليها تركض لها وعد تضرب خدها بخفيف ترش عليها مويه بس ما كانت تصحى تركض غيم تناديهم يناظر لؤي خروجها وهي بدون طرحه او شي يغطيها يفز لها بسرعه يلفها عنهم ينطق:صدوا
يناظرها بحده ينطق:وش تسوين هنا انهبلتي
تبكي غيم تنطق:لورين مغمى عليها ورأسها ينزف د ٰم
لؤي:أدخلي أنا بجهز السياره
تهز راسها تدخل للبنات يتوجه لؤي لآسر اللي ماسك راسه ومشوش تفكيره
لؤي:آسر
يناظره آسر بدون رد يبلع ريقه لؤي ينطق:حرمك مغمى عليها ..ما كمل كلامه يناظره يركض بإتجاه الباب وهو من سمع كلمة مغمى عليها كل الخوف تجمع فيه يخاف يكون فعلاً أذاها بعصبيته يدخل للغرفه يناظرها فعلاً مغمى عليها وجنبها وعد وغيم يبعدهم عنها يحملها بين يدينه يركض فيها تحت نظراتهم المستغربين خوفه إذا هو السبب كيف كان وكيف صار بعد ما شافها بهاذي الحاله يفتح السياره يركب يضرب الدركسون بقوه ما كان منتبه انه أذاها من عصبيته